ബാര്ബര് ഷോപ്പില് കഞ്ചാവ് വില്പന നടത്തുന്നതിനിടെ പിടിയിലായി ജാമ്യത്തിലിറങ്ങിയ പ്രതി വീണ്ടും കഞ്ചാവുമായി പിടിയിൽ....
11 FEBRUARY 2023 02:30 PM IST
മലയാളി വാര്ത്ത
ബാര്ബര് ഷോപ്പില് കഞ്ചാവ് വില്പന നടത്തുന്നതിനിടെ പിടിയിലായി ജാമ്യത്തിലിറങ്ങിയ പ്രതി വീണ്ടും കഞ്ചാവുമായി പിടിയിൽ. ഇറച്ചിപ്പാറ ജയഭവനില് സി. ജയരാജ് (35)നെയാണ് 25 ഗ്രാം കഞ്ചാവുമായി മൂന്നാര് എക്സസൈസ് സംഘം പിടികൂടിയത്.
ഇറച്ചിപ്പാറയിലെ സര്ക്കാർ സ്കൂളിന് സമീപത്തെ ബാര്ബര് ഷോപ്പില് കഞ്ചാവ് വില്പന നടത്തുന്നതിനിടയില് കഴിഞ്ഞ ഡിസംബറിലാണ് ജയരാജിനെ സംഘം അറസ്റ്റ് ചെയ്തത്.
അന്ന് 15 ഗ്രാം കഞ്ചാവ് ഇയാളില് നിന്നും പിടികൂടിയിരുന്നു. ഈ കേസില് ജാമ്യത്തിലിറങ്ങിയ പ്രതി ദേവികുളം കോടതിയില് നടന്ന അദാലത്തില് 8000 രൂപ അടച്ച് കേസില് നിന്നും ഒഴിവായി.
കഴിഞ്ഞ ദിവസം ഉച്ചകഴിഞ്ഞ് സിഗ്നല് പോയിന്റിന് സമീപത്ത് എക്സൈസ് സംഘം വാഹനം പരിശോധിക്കുന്നതിനിടെയാണ് ജയരാജിനെ വീണ്ടും കഞ്ചാവുമായി പിടികൂടിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
