ബിബിസിയുടെ മുംബയ്, ഡല്ഹി ഓഫീസുകളില് ആദായ നികുതി വകുപ്പിന്റെ പരിശോധന... രൂക്ഷമായി പ്രതികരിച്ച് മുഖ്യമന്ത്രി
ബിബിസിയുടെ മുംബയ്, ഡല്ഹി ഓഫീസുകളില് ആദായ നികുതി വകുപ്പിന്റെ പരിശോധന നടത്തിയതിനെതിരെ രൂക്ഷമായി പ്രതികരിച്ച് മുഖ്യമന്ത്രി പിണറായി വിജയന്. മാദ്ധ്യമ സ്വാതന്ത്ര്യത്തിന് നേരെയുള്ള ഏതൊരു തെറ്റായ നടപടിയും പ്രതിഷേധാര്ഹമാണെന്ന് മുഖ്യമന്ത്രി ഫേസ്ബുക്ക് കുറിപ്പിലൂടെ അഭിപ്രായപ്പെട്ടു.
ഗുജറാത്ത് വംശഹത്യയുമായി ബന്ധപ്പെട്ട ബിബിസി ഡോക്യുമെന്ററിയില് ബിജെപി ഭരണകൂടം പ്രകോപിതരായെന്നും ഇത് മാദ്ധ്യമ സ്വാതന്ത്ര്യത്തിന് നേരെയുള്ള കടന്നുകയറ്റമാണെന്ന വിമര്ശനം അന്താരാഷ്ട്ര മാദ്ധ്യമങ്ങള് വരെ ഉയര്ത്തിയതായും മുഖ്യമന്ത്രി സൂചിപ്പിക്കുന്നു.
മുഖ്യമന്ത്രിയുടെ ഫേസ്ബുക്ക് കുറിപ്പ് പൂര്ണരൂപം
ബിബിസിയുടെ ഡല്ഹി, മുംബൈ ഓഫീസുകളിലെ ആദായ നികുതി വകുപ്പ് നടപടികളുടെ ഉദ്ദേശ്യശുദ്ധി അങ്ങേയറ്റം സംശയകരമാണ്.
ഗുജറാത്ത് വംശഹത്യയുമായി ബന്ധപ്പെട്ട ബിബിസി ഡോക്യുമെന്ററിയില് ബിജെപി ഭരണകൂടം പ്രകോപിതരായിരുന്നു. ആ പശ്ചാത്തലത്തിലാണ് ആദായ നികുതി വകുപ്പ് ബിബിസിക്ക് നേരെ തിരിഞ്ഞിരിക്കുന്നത്. മാധ്യമ സ്വാതന്ത്ര്യത്തിനുമേലുള്ള കടന്നുകയറ്റമാണ് ഇതെന്ന് അന്താരാഷ്ട്ര മാധ്യമങ്ങളില് വിമര്ശനം ഉയര്ന്നുകഴിഞ്ഞു.
ഇത് അന്താരാഷ്ട്ര സമൂഹത്തിനുമുന്നില് രാജ്യത്തിന് നാണക്കേടുണ്ടാക്കുന്നതാണ്. മാധ്യമ സ്വാതന്ത്ര്യത്തിനുനേരെയുണ്ടാകുന്ന ഏതൊരു തെറ്റായ നടപടിയും പ്രതിഷേധാര്ഹമാണ്. ഇതിനെ ജനാധിപത്യ സമൂഹം ആശങ്കയോടെ കാണണം.
https://www.facebook.com/Malayalivartha
