ടൈഫോയ്ഡ് വാക്സിന് ഇനി മുതല് കാരുണ്യ ഫാര്മസികള് വഴി ലഭ്യമാക്കുമെന്ന് ആരോഗ്യമന്ത്രി വീണാ ജോര്ജ്
ടൈഫോയ്ഡ് വാക്സിന് ഇനി മുതല് കാരുണ്യ ഫാര്മസികള് വഴി ലഭ്യമാക്കുമെന്ന് ആരോഗ്യമന്ത്രി വീണാ ജോര്ജ്. ഇതുസംബന്ധിച്ച നടപടികള്ക്കായി കെ.എം.എസ്.സി.എല്.ന് നിര്ദേശം നല്കിയിട്ടുള്ളതായി മന്ത്രി വ്യക്തമാക്കി.ഭക്ഷ്യസുരക്ഷാ നടപടിക്രമങ്ങളുടെ ഭാഗമായുള്ള ഹെല്ത്ത് കാര്ഡ് എടുക്കുന്നവര്ക്ക് ടൈഫോയ്ഡ് വാക്സിന് 2011ല് തന്നെ നിര്ബന്ധമാക്കിയിട്ടുള്ളതാണ്.
ടൈഫോയ്ഡ് വാക്സിന് എസന്ഷ്യല് മരുന്നുകളുടെ കൂട്ടത്തില് ഉള്പ്പെടാത്തതിനാല് കെ.എം.എസ്.സി.എല്. വഴി നിലവില് ലഭ്യമല്ല. എന്നാല് ഇപ്പോഴത്തെ സാഹചര്യത്തില് പരമാവധി വിലകുറച്ച് ടൈഫോയ്ഡ് വാക്സിന് ലഭ്യമാക്കാനുള്ള ശ്രമത്തിന്റെ ഭാഗമായാണ് കാരുണ്യ വിഭാഗം വഴി നല്കാന് കെ.എം.എസ്.സി.എല്.ന് നിര്ദേശം നല്കിയത്. എത്രയും വേഗം ഇത് ലഭ്യമാക്കാനുള്ള നടപടികള് സ്വീകരിക്കുമെന്നും മന്ത്രി വ്യക്തമാക്കി.
അതേസമയം ഭക്ഷ്യസുരക്ഷാ മാനദണ്ഡമനുസരിച്ച് ഹെല്ത്ത് കാര്ഡ് എടുക്കുന്നതിന് ഫെബ്രുവരി 28വരെ സാവകാശം അനുവദിക്കുമെന്ന് മന്ത്രി വീണാ ജോര്ജ് അറിയിച്ചു. ഭക്ഷ്യ സ്ഥാപനങ്ങളിലെ 60ശതമാനത്തോളം ജീവനക്കാര് ഹെല്ത്ത് കാര്ഡ് എടുത്തു എന്നാണ് ഭക്ഷ്യ സുരക്ഷാ വകുപ്പിന്റെ വിലയിരുത്താല്. ബാക്കി വരുന്ന 40ശതമാനം പേര്ക്ക് കൂടി ഹെല്ത്ത് കാര്ഡ് എടുക്കാനുള്ള സാവകാശം പരിഗണിച്ചാണ് ഈ മാസം അവസാനം വരെ അനുവദിച്ചത്. ഇത് രണ്ടാം തവണയാണ് ഹോട്ടല് ജീവനക്കാര്ക്ക് ഹെല്ത്ത് കാര്ഡ് എടുക്കാനുള്ള സമയം നീട്ടുന്നത്.
https://www.facebook.com/Malayalivartha
