മുഖ്യമന്ത്രിയുടെ ജനപ്രീതി ഭയക്കുന്നവരാണ് അദ്ദേഹത്തെ വളഞ്ഞിട്ട് ആക്രമിക്കുന്നതെന്ന് പൊതുവിദ്യാഭ്യാസ- തൊഴില് വകുപ്പ് മന്ത്രി വി. ശിവന്കുട്ടി......
മുഖ്യമന്ത്രിയുടെ ജനപ്രീതിയെ ഭയക്കുന്നവരാണ് വളഞ്ഞിട്ട് ആക്രമിക്കാന് ശ്രമിക്കുന്നതെന്ന് മന്ത്രി വി ശിവന്കുട്ടി. മുഖ്യമന്ത്രി പോലുള്ള പദവികളിലെ സുരക്ഷ തീരുമാനിക്കുന്നത് അതിനുത്തരവാദിത്തപ്പെട്ട ഏജന്സികളാണ്.
ഈ ഏജന്സികള് പ്രവര്ത്തിക്കുന്നത് ഇന്റലിജന്സ് സംവിധാനങ്ങളുടെ അടിസ്ഥാനത്തിലാണ്. ഈ കാര്യങ്ങളില് സ്റ്റേറ്റിനോ ഭരണ സംവിധാനത്തിനോ വലിയ റോളില്ലെന്നും ശിവന്കുട്ടി ഫെയ്സ്ബുക്കിലൂടെ ഓര്മ്മിപ്പിക്കുകയാണ്. വിവിഐപികളുടെയും സുരക്ഷാ ഭീഷണിയുള്ള വിഐപികളുടെയും സുരക്ഷയ്ക്ക് എന്തൊക്കെ വേണമെന്നു കൃത്യവും വ്യക്തവുമായ മാര്ഗനിര്ദേശങ്ങളുണ്ട്.
ഭരണഘടനാ പദവിയില് ഇരിക്കുന്ന മുഖ്യമന്ത്രി അടക്കമുള്ളവരുടെ സുരക്ഷാ മാനദണ്ഡങ്ങള് പൊലീസിന്റെ ബ്ലൂ ബുക്ക് പ്രകാരമാണ്. അതിനു താഴെ യെല്ലോ ബുക്കും ഉണ്ട്. സംസ്ഥാന പൊലീസ്, പൊലീസ് ഇന്റലിജന്സ്, ഐബി, എന് എസ് ജി തുടങ്ങിയ സംവിധാനങ്ങളാണ് ഇത്തരം കാര്യങ്ങള് നോക്കുന്നത്. സുരക്ഷാ ഭീഷണി റിപ്പോര്ട്ട് ചെയ്യപ്പെട്ട സന്ദര്ഭങ്ങളില് പൊതുജനത്തിന്റെയും മീഡിയയുടെയും 'കയ്യടി'കള്ക്കായി സുരക്ഷ പിന്വലിക്കാനായി ഭരണകൂടം തീരുമാനിക്കുന്നത് ദൂരവ്യാപകമായ പ്രത്യാഘാതമാണ് ഉണ്ടാക്കുകയെന്നും ശിവന്കുട്ടി പറഞ്ഞു.
മുഖ്യമന്ത്രിയെ തെരുവില് തടയാനും കല്ലെറിയാനും കരിങ്കൊടി കാണിക്കാനുമാണെന്ന രൂപത്തില് വാഹനത്തിന് മുമ്പില് ചാടി വീണ് ആക്രമിക്കാനായി വഴി നീളെ യുഡിഎഫ് - ബിജെപി അക്രമി സംഘങ്ങള് ശ്രമിച്ചു വരികയാണ്. അത്തരമൊരു ഘട്ടത്തില് മുഖ്യമന്ത്രിയുടെ സുരക്ഷ വര്ധിപ്പിക്കുക എന്നത് പൊലീസിന്റെ സ്വാഭാവിക നടപടിയാണ്. അതുമാത്രമാണ് ഇപ്പോള് സംഭവിച്ചിട്ടുള്ളത്.
"
https://www.facebook.com/Malayalivartha
