കെ.സുധാകരന് പുറംകാലിനടിച്ചു കോണ്ഗ്രസ് തിരുവനന്തപുരം ഡിസിസിയില് കൂട്ടരാജി.
കോണ്ഗ്രസ് പുനസംഘടനയ്ക്ക് ആരെങ്കിലും ബാക്കിയുണ്ടാകുമോയെന്ന ചോദ്യമാണ് അവശേഷിക്കുന്നത്. കോണ്ഗ്രസിന്റെ ജില്ല കമ്മിറ്റികളില് പുകഞ്ഞ് കൊണ്ടിരിക്കുന്ന സ്ഥാനമോഹികളുടെയും സ്ഥാനം നേടിയവരുടെയും അസ്വസ്ഥതകള് പാര്ട്ടി വല്ലാത്തൊരു പ്രതിസന്ധിയാലണ് കൊണ്ടെത്തിച്ചിരിക്കുന്നത്.
പുനസംഘടനയെന്ന ഉമ്മാക്കി കാട്ടി പ്രവര്ത്തകരേയും നേതാക്കളേയും മുള്മുനയില് നിറുത്തിയിട്ട് കാലങ്ങളേറെയായി. എന്നാല് ഒന്നും നടക്കുന്നില്ലെന്ന പ്രവര്ത്തകരുടെ പരാതിക്ക് മുന്നില് നേതൃത്വം കേഡര് സ്വഭാവത്തിന്റെ വാളെടുത്ത് വാചക കസര്ത്ത് നടത്തി മിന്നിമറയുന്ന പതിവ് ശൈലിയാണുള്ളത്. ഇതിന് വിരുദ്ധമായി ഡിസിസകളില് നിന്ന് മാറി നില്ക്കലും കൂട്ടരാജിയും തുടരാനാണ് സാധ്യത. തിരുവന്തപുരം ജില്ലയില് കോണ്ഗ്രസ് ഇപ്പോള് പൊട്ടിതെറിയുടെ വക്കിലാണ്.
കാരണം കെപിസിസി നേതൃത്വത്തിന് നല്കുന്ന പരാതികളില് നടപടികളില്ലായെന്നതും , നേതാക്കളില് പലരോടും നേതൃത്വം കാണിക്കുന്ന മനോഭാവവും കൂടുതല് പ്രതിസന്ധി സൃഷ്ടിച്ചിരിക്കുകയാണ്. തലസ്ഥാന ജില്ലയില് ഇന്ദിരഭവന് സ്ഥിതി ചെയ്യുന്ന മണ്ഡലത്തിലുള്പ്പെടെയുള്ളവരാണ് ജില്ല സംസ്ഥാന നേതൃത്വത്തിനെതിരെ തിരിഞ്ഞിരിക്കുന്നത്. പാലോട ്രവി ഡിസിസി പ്രസിഡണ്ടായതില് പ്രതിഷേധിച്ചാണ് കെ പി സി സി മെമ്പറായിരുന്ന പി.എസ്.പ്രശാന്ത് പാര്ട്ടി വിട്ടത്. എന്നാലിപ്പോള് കെപിസിസി ഭാരവാഹിയായ ശാസ്തമംഗലം മോഹനനെതിരെ പരാതിയുമായാണ് 104 കോണ്ഗ്രസ് ഭാരവാഹികള് കെപിസിസി പ്രസഡന്റിന് പരാതി നല്കിയിരിക്കുന്നത്.
പാരതിയില് അന്വേഷണം നടത്തുകയോ ചര്ച്ച നടത്തുകയോ ചെയ്തിട്ടില്ല. ഇതില് പ്രതിഷേധിച്ച് 104 പ്രവര്ത്തകരും ജില്ല ഭാരവാഹികളും ഉള്പ്പടെ പാര്ട്ടി വിടുമെന്ന ഭീഷണി മുഴക്കിയിരിക്കുന്നത്. എന്നാല് പരാതി നല്കിയവര് പാര്ട്ടിയ്ക്കായി ഒന്നും ചെയ്യുന്നില്ലെന്നാണ് എതിര് ഭാഗത്തിന്റെ വാദം. സോണിയാഗാന്ധിയ്ക്കെതിരെ പരാതി നല്കിയ വ്യക്തിക്ക് ഡിസിസ സെക്രട്ടറി സ്ഥാനം നല്കി ഒത്തു തീര്പ്പാക്കിയ സംഭവം നേരത്തെയുണ്ടായിട്ടുണ്ട്. ഇദ്ദേഹത്തിന്റെ നേതൃത്വത്തിലാണ് പാര്ട്ടിയ്ക്കെതിരെ ഇത്തരം പ്രവര്ത്തനങ്ങള് നടക്കുന്നതെന്ന ആക്ഷേപവും വ്യാപകമാണ്. എന്തായാലും പുമസംഘടനയില് സ്ഥാനമാനങ്ങള് നേടിയെടുക്കാന് ഇതിനുമപ്പുറം വിലപേശലുകള് നടത്തുമെന്നാണ് നേതൃത്വത്തിന്റെ വിലയിരുത്തല്.
അതേ സമയം എഐസിസി പ്ലീനറി സമ്മേളനത്തിനു ശേഷം സംസ്ഥാന കോണ്ഗ്രസില് സമഗ്ര പുനഃസംഘടന ഉണ്ടാകുന്നാണ് ലഭിക്കുന്ന സൂചനകള്. പുതിയ ജനറല് സെക്രട്ടറിമാരെ നിയമിക്കുന്നതിനൊപ്പം പ്രകടനം വിലയിരുത്തി നിലവിലുള്ള കെപിസിസി ഭാരവാഹികളെയും മാറ്റുമെന്നാണ് വിവരം. മോശം പ്രകടനം കാഴ്ചവയ്ക്കുന്ന ഡിസിസി പ്രസിഡന്റുമാരെ മാറ്റുന്ന കാര്യവും പരിഗണനയിലുണ്ട്.
കെ.സുധാകരന് അധ്യക്ഷനായി വന്നതിനു പിന്നാലെ കെപിസിസി സമഗ്രമായി പുനഃസംഘടിപ്പിച്ചിരുന്നു. പുതുമുഖങ്ങള്ക്കും യുവാക്കള്ക്കും അവസരവും നല്കി. 14 ഡിസിസി പ്രസിഡന്റുമാരെയും മാറ്റി. നിര്ണായകമായ ലോക്സഭാ തിരഞ്ഞെടുപ്പിലേക്കു മാസങ്ങള് മാത്രം ശേഷിക്കെ ഭാരവാഹികളുടെയും ഡിസിസി പ്രസിഡന്റുമാരുടെയും പ്രകടനം വിലയിരുത്തുമ്പോള്, ഭൂരിപക്ഷം പേരുടെയും പ്രവര്ത്തനം ശരാശരിയിലും താഴെ നില്ക്കുന്നുവെന്നാണ് നേതൃത്വത്തിന്റെ വിലയിരുത്തല്.
കഴിഞ്ഞ ദിവസം കൊച്ചിയില് ചേര്ന്ന കെപിസിസി യോഗത്തില് എഐസിസി സംഘടനാ ജനറല് സെക്രട്ടറി, കെപിസിസി ഭാരവാഹികളില്നിന്ന് കൂടുതല് മികച്ച പ്രകടനമാണ് പ്രതീക്ഷിച്ചതെന്ന് തുറന്നടിച്ചിരുന്നു. എട്ട് ഡിസിസി പ്രസിഡന്റുമാര് യോഗത്തിന് എത്താത്തതും വിമര്ശനത്തിന് കാരണമായി. നിലവിലുള്ള ഭാരവാഹികളില് പലരും പദവി അലങ്കാരമായി കൊണ്ടു നടക്കുകയാണെന്ന് സംസ്ഥാന നേതൃത്വത്തിനും അഭിപ്രായമുണ്ട്.
സാമുദായിക സന്തുലനം അടക്കം പാലിക്കേണ്ടതിനാല് എല്ലാവരെയും മാറ്റാനാകില്ലെന്നിരിക്കെ, ഭാരവാഹികളുടെ എണ്ണം വര്ധിപ്പിച്ചുകൊണ്ട് പ്രവര്ത്തിക്കാന് സജ്ജരായവരെ നിയമിക്കണമെന്ന അഭിപ്രായമാണ് കെ.സുധാകരന്. ലോക്സഭാ തിരഞ്ഞെടുപ്പിനു മുന്പ് പുന:സംഘടന വേണമെന്ന് ആവശ്യം ഉയരുമ്പോള് പ്ലീനറി സമ്മേളനം വരെ കാത്തിരിക്കൂവെന്നാണ് ദേശീയ നേതൃത്വം പറയുന്നത്.
എന്നാല് അതിന് മുന്പ് കൂട്ടരാജികളും പാര്ട്ടി പ്രഖ്യാപനങ്ങളുമുണ്ടാകാനുള്ള സാധ്യതകളും തള്ളിക്കളയുന്നില്ല. സിപിഎംല് ചേര്ന്നവര്ക്ക് പാര്ട്ടിയില് പരിഗണന നല്കിയില്ലെങ്കിലും സ്ഥാനമാനങ്ങള് കൊടുത്ത് ഒഒതുക്കി നിറുത്തിയിരിക്കുകയാണ്. ഈ സാഹചര്്യത്തില് കൂടുതല് പേരെ പാര്ട്ടിയിലേയ്ക്ക് കൊണ്ടു വരാന് സിപിഎമ്മും ശ്രമിക്കുന്നുണ്ട്.
https://www.facebook.com/Malayalivartha
