ഞെട്ടലോടെ ആരാധകര്... മഞ്ജു വാര്യരെ വീണ്ടും വിസ്തരിക്കരുതെന്ന് ദിലീപ്; പ്രോസിക്യൂഷന് നിരത്തുന്ന കാരണങ്ങള് വ്യാജമാണെന്ന് ആരോപിച്ച് ദിലീപ് സുപ്രീം കോടതിയില് പുതിയ സത്യവാങ്മൂലം സമര്പ്പിച്ചു; ഭാര്യ കാവ്യ മാധവന്റെ അച്ഛനെയും അമ്മയെയും വീണ്ടും വിസ്തരിക്കുന്നത് വിചാരണ നീട്ടി കൊണ്ട് പോകാന്
ഒരേ സമയം രണ്ട് കേസുകള് വീണ്ടും ഉയര്ന്നുവരികയാണ്. ഒന്ന് ശിവശങ്കറിന്റേയും സ്വപ്നയുടേയും കേസ്. രണ്ട് നടിയെ ആക്രമിച്ച കേസ്. ഈ കേസില് നിര്ണായക നീക്കം നടത്തുകയാണ് ദിലീപ്. നടിയെ ആക്രമിച്ച കേസിലെ സാക്ഷി മഞ്ജു വാര്യരെ വീണ്ടും വിസ്തരിക്കുന്നതിനെതിരെ എട്ടാം പ്രതി ദിലീപ്. വിസ്താരത്തിന് പ്രോസിക്യൂഷന് നിരത്തുന്ന കാരണങ്ങള് വ്യാജമാണെന്ന് ആരോപിച്ച് ദിലീപ് സുപ്രീം കോടതിയില് പുതിയ സത്യവാങ്മൂലം സമര്പ്പിച്ചു.
തെളിവുകളുടെ വിടവ് നികത്താനാണ് മഞ്ജുവിനെ വീണ്ടും വിസ്തരിക്കണമെന്ന് ആവശ്യപ്പെടുന്നതെന്നും ഭാര്യ കാവ്യ മാധവന്റെ അച്ഛനെയും അമ്മയെയും വീണ്ടും വിസ്തരിക്കുന്നത് വിചാരണ നീട്ടി കൊണ്ട് പോകാനാണെന്നും കോടതിയില് സമര്പ്പിച്ച 24 പേജുള്ള സത്യവാങ്മൂലത്തില് ദിലീപ് ആരോപിക്കുന്നു.
സംവിധായകന് ബാലചന്ദ്രകുമാര് ഹാജരാക്കിയ വോയിസ് ക്ലിപ്പിലെ ദിലീപിന്റെയും, സഹോദരന്റെയും, സഹോദരിയുടെയും, സഹോദരി ഭര്ത്താവിന്റെയും ശബ്ദം തിരിച്ച് അറിയുന്നതിനാണ് മഞ്ജു വാര്യരെ വീണ്ടും വിസ്തരിക്കണമെന്ന് ആവശ്യപ്പെട്ട് പ്രോസിക്യുഷന് വിചാരണ കോടതിയെ സമീപിച്ചത്. വോയിസ് ക്ലിപ്പുകളെ സംബന്ധിച്ച ഫോറന്സിക് റിപ്പോര്ട്ട് വിചാരണ കോടതിയുടെ പരിഗണനയിലാണ്.
ഫെഡറല് ബാങ്കില് ലോക്കര് തുറന്നതും ആയി ബന്ധപ്പെട്ട കാര്യങ്ങള് അറിയാനാണ് കാവ്യയുടെ പിതാവ് മാധവനെ വിസ്തരിക്കണമെന്ന് പ്രോസിക്യുഷന് ആവശ്യപ്പെട്ടത്. വിചാരണ സമയബന്ധിതമായി പൂര്ത്തിയാക്കാത്ത നീട്ടിക്കൊണ്ടു പോകാനാണ് ഈ നടപടിയെന്നും ഇതിനായുള്ള ശ്രമമാണ് പൊലീസും അതിജീവിതയും , പ്രോസിക്യൂഷനും നടന്നുന്നതെന്നും ദിലീപ് ആരോപിക്കുന്നു. ദിലീപിന്റെ വാദങ്ങള് വെള്ളിയാഴ്ച്ച ജസ്റ്റിസ് ദിനേശ് മഹേശ്വരി അധ്യക്ഷനായ ബെഞ്ച് പരിഗണിക്കും.
തെളിവുകളുടെ വിടവു നികത്താനാണ് മുന് ഭാര്യയായ മഞ്ജുവിനെ വീണ്ടും വിസ്തരിക്കണമെന്ന് ആവശ്യപ്പെടുന്നതെന്നും ഹര്ജിയില് പറയുന്നു. ഭാര്യ കാവ്യ മാധവന്റെ അച്ഛനെയും അമ്മയെയും വീണ്ടും വിസ്തരിക്കുന്നത് വിചാരണ നീട്ടി കൊണ്ട് പോകാനാണെന്നും കോടതിയില് സമര്പ്പിച്ച 24 പേജുള്ള സത്യവാങ്മൂലത്തില് ദിലീപ് ആരോപിക്കുന്നു.
അതേസമയം ദിലീപ് കഷ്ടപ്പാടില് നിന്നും ഉയര്ന്ന് വന്ന കഥയും പുറത്തുവന്നു. ലാല് ജോസാണ് ദിലീപിന്റെ പഴയകാല ദിനങ്ങള് ഓര്ത്തെടുത്തത്. ദിലീപ് ആദ്യമായി ഒരു കാര് ഒക്കെ വാങ്ങിയിട്ട് എന്നെ കാണിക്കാന് വേണ്ടി വന്നത് ഒക്കെ എനിക്ക് ഇപ്പോഴും ഓര്മ്മയുണ്ട്. ഒരു വെള്ള മാരുതി. ഞാന് സ്വന്തമായി ഒരു കാര് വാങ്ങിയപ്പോള് എനിക്ക് ഇത്രയും സന്തോഷം ഉണ്ടായില്ല. അതുപോലെ ഇത്രേം പേടിയും ഉണ്ടായിരുന്നില്ല. പേടി മറ്റൊന്നും അല്ല കാര് ഒക്കെ വാങ്ങി ഇനി പൈസയും സിനിമയും കിട്ടിയില്ല എങ്കില് എങ്ങനെ ഇതിന്റെ ലോണും കാര്യങ്ങളും അടക്കും എന്നോര്ത്താണ് ടെന്ഷന് തോന്നിയത്.
ദിലീപ് പക്ഷെ ഭയങ്കര ബോള്ഡ് ആയിരുന്നു. ലോണ് ഒക്കെ അടക്കും അതൊക്കെ അടച്ചു പോകും എന്ന നിലപാടില് ആയിരുന്നു ദിലീപ്. കമല്സാറിന്റെ അടുത്ത പടത്തിലും നായകന് ആയി ദിലീപ് ആണ്. അതും ഗുരുവിന്റെ സിനിമയില്. നമ്മളൊക്കെ സൂപ്പര് എക്സൈറ്റഡ് ആയി. നാട്ടിന്പുറത്തെ പ്രണയം ആയിരുന്നു അതിലെ ഇതിവൃത്തം. ആ സമയത്ത് സല്ലാപം സിനിമയിലൂടെ ദിലീപ് മഞ്ജു ജോഡികള് ഹിറ്റായി മാറി. അങ്ങനെയാണ് ഈ പുഴയും കടന്നു എന്ന സിനിമയിലും അവര് എത്തി.
ഞാന് അവിടെ ചെല്ലുമ്പോള് ദിലീപും മഞ്ജുവും പ്രണയത്തിലാണെന്ന ചില കുശുകുശുപ്പുകള് തുടങ്ങിയിരുന്നു. അവര് തമ്മില് അടുപ്പമാണെന്ന് ആ ലൊക്കേഷനില് സംസാരമായിരുന്നു. ഞാന് ദിലീപിനെ മാറ്റി വിളിച്ച് ചോദിച്ചു ഇങ്ങനെയൊരു കഥ കേള്ക്കുന്നുണ്ടല്ലോ. എന്തെങ്കിലും സത്യമുണ്ടോയെന്ന് ചോദിച്ചു. എന്നാല് ഇപ്പോള് ഒന്നും പറയാറായിട്ടില്ല എന്നാണ് ദിലീപ് പറഞ്ഞത് എന്ന് ലാല് ജോസ് പറയുന്നു. എല്ലാം ഒരു കാലം.
https://www.facebook.com/Malayalivartha