കേന്ദ്ര ഏജന്സികളെ കണ്ടാല് ഹാലിളകുന്ന മുഖ്യമന്ത്രിയ്ക്ക് ഇതിലും വലിയ പണി കിട്ടാനില്ല;ലൈഫ് മിഷനും സ്വപ്നയും ശിവശങ്കറും വീണ്ടും കളംനിറയുമ്പോള് നെഞ്ചിടിപ്പ് സിപിഎമ്മിന്
കേന്ദ്ര ഏജന്സികളെന്ന് കേട്ടാലേ മുഖ്യമന്ത്രി പിണറായി വിജയന് കട്ടക്കലിപ്പ്. എന്നാല് മുഖ്യന്റെയും പരിവാരങ്ങളുടേയും കൈയ്യിലിരുപ്പ് കൊണ്ട് കേന്ദ്ര ഏജന്സികള്ക്ക് കേരളത്തില് പിടിപ്പത് പണിയും. ശിവശങ്കറും ലൈഫ് മിഷനും സ്വപ്നയും വീണ്ടും കളം നിറയുമ്പോള് ഇഡി കൂട്ടത്തോടെ കേരളത്തില്. സര്ക്കാരിന്റെ ചങ്കിടിപ്പ് കൂട്ടുകയാണ് വീണ്ടും എന്ഫോഴ്സ്മെന്റ് ഡയറക്ടേറ്റ്. ശിവശങ്കറിന്റെ അറസ്റ്റ് സര്ക്കാരിനിട്ടുള്ള കുരുക്കാണ്.
സര്വീസില്നിന്ന് വിരമിച്ചതിനാല് ശിവശങ്കറിന്റെ 'ബാധ്യത' ഇപ്പോള് സര്ക്കാര് ഏറ്റെടുക്കുന്നില്ലെങ്കിലും ഇ.ഡി. ലക്ഷ്യമിടുന്നത് എന്താകുമെന്ന ആശങ്ക സര്ക്കാരിനും സി.പി.എമ്മിനുമുണ്ട്. പ്രത്യേകിച്ച് മുഖ്യമന്ത്രിയുടെ വിശ്വസ്തനായിരുന്നല്ലോ ശിവശങ്കര്. ലൈഫ് മി,ന്,സ്വര്ണ്ണക്കടത്ത് പ്രതിസന്ദികളുടെ നടുവില് നിന്നപ്പോഴും മുഖ്യന് ശിവശങ്കറിനെ തള്ളിപ്പറയാന് തയ്യാറായിരുന്നില്ല. ഒടുവില് പാര്ട്ടിക്ക് വിഷയം ഏണിയാകുമെന്ന് കണ്ടതോടെ മനസ്സില്ലാ മനസ്സോടെ ഒരു പിന്മാറ്റം. എങ്കിലും ശിവശങ്കറിനെ ഊരിയെടുക്കാന് അടിയൊഴുക്കുകള് ഒരുപാട് നടന്നു.
ഇഡി കുടയുമ്പോള് ശിവശങ്കറിന്റെ വായില് നിന്ന് വീഴുന്ന മൊഴിമുത്തുകള് പിണറായിക്ക് പണിയാണ്. ഏറ്റവുമൊടുവില് ദേ ഇപ്പോള് പുറത്തായിരിക്കുന്ന സ്വപ്ന ശിവശങ്കര് ചാറ്റിലും നിറയുന്നത് സിഎം. ലൈഫ് മിഷന് കേസില് കോടതിയില് സമര്പ്പിച്ച റിപ്പോര്ട്ടില് മുഖ്യമന്ത്രിയെ നേരിട്ട് പരാമര്ശിച്ചിരിക്കുകയാണ് ഇ.ഡി. സ്വപ്നാസുരേഷിന് ജോലിവാങ്ങി നല്കണമെന്ന് തന്നോട് മുഖ്യമന്ത്രി പറഞ്ഞതായാണ് ചാറ്റ്. സ്വപ്നയ്ക്ക് ജോലി വാങ്ങി നല്കാന് മുഖ്യന് എന്തിനാണോ ഇത്ര ശുഷ്കാന്തി, അതാണ് അറിയേണ്ടത്. സ്പേസ് പാര്ക്ക് പ്രോജക്ടിനായി സ്വപ്നയെ പി.ഡബ്ല്യു.സി. തിരഞ്ഞെടുത്ത വിവരം മുഖ്യമന്ത്രിയെ അറിയിച്ചിരുന്നതായി ശിവശങ്കര് സമ്മതിച്ചു. ഇതിനെല്ലാം ഇനി മുഖ്യമന്ത്രി മറുപടി പറയേണ്ടി വരും.
തുടക്കത്തില് സ്വപ്നയെ അറിയില്ല കണ്ടില്ലെന്നായിരുന്നു മുഖ്യന്റെ മറുപടി. പിന്നീട് സ്വപ്ന ക്ലിഫ് ഹൗസില് എത്തിയെന്ന വിവരം പുറത്ത് വന്നതോടെ മുഖ്യന് പ്ലേറ്റുമാറ്റി അറിയാമെന്നാക്കി. എന്നാല് ഇപ്പോള് ഉറപ്പായി മുഖ്യമന്ത്രിയ്ക്ക് സ്വപ്നയെ വ്യക്തമായ് അറിയാം. സംസ്ഥാനം ഭരിക്കുന്ന മുഖ്യമന്ത്രി നിന്ന് ബബ്ബബ്ബ അടിക്കുയാണിപ്പോള്. ഇതിനോളം പരിഹാസ്യമായ് മറ്റൊന്നുമില്ല.
ഏതായാലും കേന്ദ്ര ഏജന്സികള്ക്ക് കേരളത്തില് വീണ്ടും കേറിയിറങ്ങാനുള്ള അവസരം മുഖ്യമന്ത്രി ആയിട്ട് ഒരുക്കി കൊടുത്തു. നയതന്ത്ര സ്വര്ണ്ണക്കടത്ത് വിഷയത്തില് ഒരിടക്ക് കേന്ദ്ര ഏജന്സികളെല്ലാം കേരളത്തില് തമ്പടിച്ചിരിക്കുകായിരുന്നു. ഇഡി,സിബിഐ,എന്ഐഎ,കസ്റ്റംസ് എല്ലാം ഏജന്സികളും. സെക്രട്ടേറിയറ്റില് വരെ കയറിയിറങ്ങി. ഇതോടെ കേന്ദ്ര ഏജന്സിയെന്ന് കേട്ടാലേ മുഖ്യന് അലര്ജ്ജിയാണ്. ഇതെല്ലാം കേന്ദ്രത്തിന്റെ കളി, സംസ്ഥാന സര്ക്കാരിനെ നാണംകെടാത്താനുള്ള രാഷ്ട്രീയ നീക്കം. കേന്ദ്ര ഏജന്സികളെ ഇറക്കി വേട്ടയാടുന്നു വാദങ്ങളായിരുന്നു സര്ക്കാരിന്റേത്. അപ്പോഴും കൈയ്യിലിരുപ്പ് കൊണ്ടാണെന്ന് സമ്മതിച്ച് തന്നിട്ടില്ല. ഒരിടവേളയ്ക്ക് ശേഷം വീണ്ടും ഇഡി രംഗപ്രവേശം ചെയ്ത് കഴിഞ്ഞു. ലൈഫ് മിഷനില് സര്ക്കാര് കള്ളത്തരങ്ങളൊക്കെ പൊളിക്കുന്ന വിവരങ്ങള് പുറത്ത് വരുമെന്ന് ഏതാണ്ട് ഉറപ്പായ് കഴിഞ്ഞു. ശിവശങ്കരന് വഴിയാണ് മുഖ്യമന്ത്രി വെള്ളംകുടിക്കാന് പോകുന്നത്. കപ്പിത്താന്റെ കപ്പല് മിക്കവാറും ആടിയുലയുന്ന ലക്ഷണമാണ് കാണുന്നത്. പണി വരുന്നുവെന്ന് കണ്ടാല് കപ്പിത്താന് കപ്പലും ഇട്ടോടും.
https://www.facebook.com/Malayalivartha
