ജീവിക്കാൻ മറ്റ് മാർഗങ്ങളില്ല...കടം വീട്ടാന്‍ സ്വന്തം വൃക്ക വില്‍പ്പനയ്ക്ക് വെച്ച് 55 കാരന്‍ . പാലക്കാട് ചെറുപ്പളശ്ശേരി സ്വദേശി സജി (55) ആണ് വൃക്ക വിൽക്കാനായി പോസ്റ്റർ പതിച്ചിരിക്കുന്നത്. പതിനൊന്ന് ലക്ഷം രൂപയുടെ സാമ്പത്തിക ബാധ്യത തീർക്കുന്നതിനാണ് ഇയാൾ വൃക്ക വിൽക്കാനുണ്ടെന്ന പോസ്റ്റർ പതിച്ചത്. . 11ലക്ഷം രൂപയുടെ കടം വീട്ടുന്നതിന് വേണ്ടിയാണ് സജി ഇത്തരത്തിലൊരു ആശയവുമായി മുന്നോട്ടുവന്നത്.

 ചെറുപ്പളശ്ശേരി സ്വദേശിയായ സജി എന്ന 55 കാരനാണ് ഓ പോസറ്റീവ് വൃക്ക വിൽക്കാനുണ്ടെന്നും ആവശ്യമുള്ളവർ ബന്ധപെടുകയെന്നും പറയുന്നത് ..സജി ഫോൺ നമ്പർ സഹിതമാണ് പോസ്റ്റർ പതിച്ചിരിക്കുന്നത്. കഴിഞ്ഞ 25 വർഷമായി വാടക വീട്ടിലാണ് സജിയും കുടുംബവും താമസിച്ചിരുന്നത്. സ്വന്തമായി ഒരു വീട് വേണമെന്ന ആഗ്രഹമാണ് സജിയെ കടക്കെണിയിലേയ്ക്ക് തള്ളി വിട്ടത്. 

ഒന്നര വർഷം മുൻപ് പത്ത് സെന്റ് സ്ഥലം വാങ്ങിയതോടെ സജി പാപ്പരായി. പിന്നെ മോഹിച്ചു വാങ്ങിയ സ്ഥലത്തു ആസ്ബറ്റോസ് ഷീറ്റ് ഉപയോഗിച്ച് ഒരു ഷെഡ് കെട്ടി താമസിക്കുകയായിരുന്നു .. കൈയിലുണ്ടായിരുന്നതും കടം വാങ്ങിയുമാണ് സജി സ്ഥലം വാങ്ങിയത് എന്ന് പറയുന്നു .

എന്നാല്‍ താമസം തുടങ്ങി ഒരു വര്‍ഷം കഴിഞ്ഞെങ്കിലും വീടുകെട്ടാന്‍ ചെലവായ പണത്തിന്റെ കടം വീട്ടാന്‍ പോലും പെയിന്റിങ് തൊഴിലാളിയായ സജിക്ക് സാധിച്ചില്ല. സജിക്ക് രണ്ട ആൺമക്കൾ ആണ് ..രണ്ടുപേരും ബികോം വരെ പഠിച്ചെങ്കിലും 6000 രൂപ ശമ്പളത്തിന് ജോലി ചെയ്യുകയാണ്. കോവിഡും കൂടി വന്നതോടെയാണ് ജീവിതം മുന്നോട്ട് കൊണ്ടുപോകാനാവാത്ത അവസ്ഥ വന്നതെന്നും സജി പറയുന്നു.രണ്ട് തവണ ഹൃദയാഘാതം വന്ന അമ്മയുടെ ചികിത്സയ്ക്കുവേണ്ടി ലക്ഷങ്ങളാണ് ചെലവായതെന്ന് സജി പറഞ്ഞു.

നോട്ട് നിരോധനവും അതിനു പിന്നാലെ വന്ന കൊവിഡും കാരണം ഒരു മാസത്തില്‍ അഞ്ച് ദിവസം പോലും ജോലി ഇല്ലെന്നാണ് സജി പറയുന്നത്. ആഗ്രഹിച്ച് വാങ്ങിയ വീടും സ്ഥലവും കടം കയറി നഷ്ടപ്പെടുമെന്ന അവസ്ഥ വന്നതോടെയാണ് വൃക്ക വില്‍ക്കാന്‍ തീരുമാനിച്ചതെന്ന് സജി പറയുന്നു ..

അതേസമയം ഈ തീരുമാനത്തിന് കുടുംബം എതിർപ്പാണെങ്കിലും കുടുംബത്തെ രക്ഷിക്കാൻ ഇതല്ലാതെ വേറെ വഴിയില്ലെന്ന് സജി നിറ കണ്ണുകളോടെ പറയുന്നു. സജിയുടെ ബികോംകാരായ ആണ്മക്കൾക്ക് എങ്കിലും ഒരു നല്ല ജോലി ലഭിച്ചാൽ ആ കുടുംബം രക്ഷപ്പെടും .. ഈ വീഡിയോ കാണുന്നവരിൽ ജോലി നൽകാൻ കെൽപ്പുള്ളവരുണ്ടെങ്കിൽ ദയവായി ആ കുടുംബത്തെ രക്ഷിക്കാൻ കഴിയാവുന്നത് ചെയൂ