ശിവശങ്കറും സ്വപ്നയും തമ്മിലുള്ള കൂടുതൽ വാട്സ്ആപ്പ് ചാറ്റുകളും പുറത്ത് വന്നിരിക്കുകയാണ്. 2019 സെപ്റ്റംബറിൽ നടത്തിയ വാട്സ്ആപ്പ് ചാറ്റാണ് പുറത്തു വന്നിരിക്കുന്നത്. റെഡ്ക്രസന്റിനെ ലൈഫ് പദ്ധതിയിലേക്ക് എത്തിക്കാനുള്ള ഉപദേശമാണ് ശിവശങ്കർ ചാറ്റിലൂടെ സ്വപ്നയ്ക്ക് കൊടുത്തിരിക്കുന്നത്. സർക്കാരിന് നൽകേണ്ട കത്തിന്റെ രൂപരേഖയും ശിവശങ്കർ തയ്യാറാക്കി കൊടുത്തിരിക്കുകയാണ് . പുറത്ത് വന്ന വാട്സ്ആപ്പ് ചാറ്റിലൂടെ ആ വിവരവും മനസ്സിലാക്കാൻ സാധിക്കുന്നുണ്ട്.

കോൺസുലേറ്റിന്റെ കത്ത് കൂടി ചേർത്ത് മുഖ്യമന്ത്രിക്ക് കത്ത് നൽകണമെന്നുംചാറ്റിൽ പറഞ്ഞിട്ടുണ്ട്. ഇരു കത്തുകളും തയ്യാറാക്കി കൈമാറാനും ശിവശങ്കർ ചാറ്റിലൂടെ ആവശ്യപ്പെട്ടു. ഇത്തരത്തിലുള്ള കൂടുതൽ ചാറ്റുകളാണ് ഇപ്പോൾ പുറത്തു വന്നുകൊണ്ടിരിക്കുന്നത്.ഇരുവരും തമ്മിലുള്ളവാട്സ്ആപ്പ് ചാറ്റുകളിലുള്ള വിവരമാണ് ഇപ്പോൾ പുറത്തുവന്നിരിക്കുന്നത്.

അതേസമയം സ്വപ്ന സുരേഷും എം ശിവശങ്കറും നടത്തിയ വാട്‌സ്ആപ്പ് ചാറ്റ് നേരത്തെയും പുറത്ത് വന്നിരുന്നു. ശ്രദ്ധയോടെ കാര്യങ്ങള്‍ കൈകാര്യം ചെയ്യണമെന്ന നിര്‍ദ്ദേശമാണ് ശിവശങ്കര്‍ നല്‍കുന്നത്. ഒന്നിലും കാര്യമായി ഇടപെടാതെ സ്വപ്ന ഒഴിഞ്ഞു നില്‍ക്കണമെന്നും എന്തെങ്കിലും വീഴ്ച ഉണ്ടായാല്‍ എല്ലാം സ്വപ്നയുടെ തലയില്‍ ഇടുമെന്നും ശിവശങ്കര്‍ മുന്നറിയിപ്പ് നല്‍കുന്നുണ്ട്.എല്ലാ കാര്യങ്ങളും ശ്രദ്ധിക്കാം എന്നും, സരിതും ഖാലിദും കാര്യങ്ങള്‍ നോക്കിക്കോളും എന്നും സ്വപ്ന മറുപടി നല്‍കുന്നുണ്ട്. 2019 ജൂലൈ 31നാണ് ഇരുവരും തമ്മിലുള്ള സംഭാഷണം.

ഇതിന്റെ അടുത്ത ദിവസമാണ് സന്തോഷ് ഈപ്പന്‍ മൂന്നു കോടി 8 ലക്ഷം രൂപയുമായി സ്വപ്നയെ കാണാന്‍ കവടിയാറില്‍ എത്തുന്നത്. ലൈഫ് മിഷന്‍ കരാറിലെ കള്ളപ്പണ ഇടപാടിന്റെ പ്രധാന തെളിവായാണ് ഇഡി ഈ സംഭാഷണം കോടതിയില്‍ ഹാജരാക്കിയത്.വാട്‌സ്ആപ്പ് ചാറ്റില്‍ സ്വപ്നയ്ക്ക് ജോലി നല്‍കാന്‍ മുഖ്യമന്ത്രി പറഞ്ഞതായി ശിവശങ്കര്‍ പറയുന്നുണ്ട്. ലൈഫ് മിഷന്‍ കേസില്‍ വമ്പന്‍ സ്രാവുകള്‍ ഇപ്പോഴും പുറത്ത് തന്നെയാണെന്ന് സ്വര്‍ണക്കടത്ത് കേസിലെ പ്രതി സ്വപ്ന സുരേഷ്. കേസില്‍ താന്‍ കൂടി പ്രതിയായാലേ പൂര്‍ണത വരൂ എന്നും വ്യക്തമാക്കി.