വീണ്ടും കൂട്ടയടിയിലേക്കോ... ചാന്സലര് ബില് പിന്വലിച്ച് പുതിയതിന് നീക്കം; ഗവര്ണറെ ഒഴിവാക്കി അക്കാഡമിക് വിദഗ്ദ്ധരെ ചാന്സലറാക്കാനുള്ള ബില് പിന്വലിക്കുന്നത് സര്ക്കാരിന്റെ പരിഗണനയില്; സര്വകലാശാലയില് പരമാധികാരി മുഖ്യമന്ത്രി
ഗവര്ണറും സര്ക്കാരും തമ്മില് അടുത്ത് തുടങ്ങിയിട്ട് അധിക നാളായില്ല. ഇപ്പോഴിതാ വീണ്ടും പഴയതിലേക്കാണ് കാര്യങ്ങള് പോകുന്നത്. ഗവര്ണറെ ഒഴിവാക്കി അക്കാഡമിക് വിദഗ്ദ്ധരെ ചാന്സലറാക്കാനുള്ള ബില് പിന്വലിക്കുന്നത് സര്ക്കാരിന്റെ പരിഗണനയില്.
നിയമസഭ പാസാക്കി ഗവര്ണര്ക്ക് അയച്ചതിനാല്, പിന്വലിക്കല് ബില് (റിപ്പീല് ബില്) സഭ പാസാക്കണം. ഗവര്ണറെ ചാന്സലര് പദവിയില് നിന്നൊഴിവാക്കുന്നതിനൊപ്പം, മുഖ്യമന്ത്രിക്ക് വിസിറ്റര് പദവി നല്കുന്നതാവും പകരം വരുന്ന ബില്. ചാന്സലറേക്കാള് മുകളിലാണ് വിസിറ്റര്.
കേന്ദ്രസര്വകലാശാലകളില് രാഷ്ട്രപതിയാണ് വിസിറ്റര്. ഉന്നത വിദ്യാഭ്യാസ പരിഷ്കരണം പഠിച്ച പ്രൊഫ.ശ്യാം ബി.മേനോന് കമ്മിഷന്റെ ശുപാര്ശകള് നടപ്പാക്കാനെന്ന പേരിലാണ് പുതിയ ബില്.വിസിറ്ററെന്ന നിലയില് സര്വകലാശാല ഭരണം, നിയമപ്രകാരം ഉറപ്പാക്കേണ്ടത് മുഖ്യമന്ത്രിയാണ്. ഭരണഘടനയുടെ ഫെഡറല് സ്വഭാവങ്ങളുടെ പേരിലുണ്ടാകുന്ന തര്ക്കങ്ങളിലും വിവാദങ്ങളിലും നിന്ന് സര്വകലാശാലകളെ സംരക്ഷിക്കാനാണ് മുഖ്യമന്ത്രിയെ വിസിറ്ററാക്കാനുള്ള ശുപാര്ശ.
ഗവര്ണറെ ഒഴിവാക്കാനുള്ള ബില് യു.ജി.സി മാനദണ്ഡങ്ങള്ക്ക് വിരുദ്ധമാണെന്ന ആക്ഷേപത്തിന്റെ പശ്ചാത്തലത്തിലാണ് മുഖ്യമന്ത്രിയെ വിസിറ്ററാക്കിയുള്ള നിയമഭേദഗതി പരിഗണിക്കുന്നത്. ചാന്സലര് പദവി മുഖ്യമന്ത്രി ഏറ്റെടുക്കാന് ഗവര്ണര് പലവട്ടം ആവശ്യപ്പെട്ടതുമാണ്.പുതിയ ബില്ലിലെ വ്യവസ്ഥകള്വാഴ്സിറ്റികള്ക്ക് പ്രത്യേകം ചാന്സലര്മാരെ സര്വകലാശാലകളുടെ പ്രതിനിധികള് ഉള്പ്പെട്ട ബോര്ഡ് ഒഫ് റീജെന്റ്സ് തിരഞ്ഞെടുക്കണംഅക്കാഡമിക് വിദഗ്ദ്ധനായ വൈസ്ചാന്സലര്ക്ക് രണ്ട് ടേമുകളില് 70 വയസുവരെ തുടരാം.
വി.സിയുടെ നേതൃത്വത്തില് മൂന്ന് പ്രൊഫസര്മാരുടെ പാനലില് നിന്ന് ബോര്ഡ് ഒഫ് റീജെന്റ്സ് പ്രോ വൈസ്ചാന്സലറെ തിരഞ്ഞെടുക്കണം. ഭരണപരമായ തീരുമാനങ്ങള് വി.സിക്ക്പി.വി.സി,ഡീന്മാര്, വകുപ്പ് മേധാവികള് എന്നിവരുള്പ്പെട്ട ഉപസമിതിയുണ്ടാക്കും. സിന്ഡിക്കേറ്റില് 15ല് താഴെ അംഗങ്ങള് (നിലവില് 25 ) രാഷ്ട്രീയ പ്രാതിനിധ്യം കുറയ്ക്കും. കൂടുതല് അക്കാഡമിക് വിദഗ്ദ്ധര്അക്കാഡമിക് കാര്യങ്ങള്ക്കായി ഡീന്സ് കൗണ്സില് ഉണ്ടാകും.
ബില് പിന്വലിക്കാന് കാരണങ്ങള് പലതാണ്. ഡിജിറ്റല്, ഫിഷറീസ്, കാര്ഷികം, വെറ്ററിനറി സര്വകലാശാലകളുടെ നിയമപ്രകാരം ചാന്സലറുടെ രേഖാമൂലമുള്ള ഉത്തരവുകള് അനുസരിക്കാന് പ്രോ -ചാന്സലര് ബാദ്ധ്യസ്ഥനാണ്. ബില് നിയമമായാല് മുഖ്യമന്ത്രിയും മൂന്ന് വകുപ്പ് മന്ത്രിമാരും സ്വകാര്യ വ്യക്തിയായ ചാന്സലറുടെ ഉത്തരവ് അനുസരിക്കേണ്ടി വരും.
ഡിജിറ്റല് സര്വകലാശാലയില് മുഖ്യമന്ത്രി പിണറായി വിജയന്, ഫിഷറീസില് മന്ത്രി വി. അബ്ദു റഹിമാന്, വെറ്ററിനറിയില് മന്ത്രി ജെ. ചിഞ്ചുറാണി, കാര്ഷികത്തില് മന്ത്രി പി. പ്രസാദ് എന്നിവരാണ് പ്രോ-ചാന്സലര്മാര്. കോടതികളുടെയോ ഗവര്ണറുടെയോ അല്ലാത്ത ഉത്തരവുകള് മന്ത്രിമാര് അനുസരിക്കുന്നത് നിയമവിരുദ്ധം.
വി.സിയുടെ താത്കാലിക ചുമതല പി.വി.സിക്ക് നല്കുന്നത് യു.ജി.സി ചട്ടങ്ങള്ക്കും ഹൈക്കോടതി ഉത്തരവിനുമെതിര്. വി.സിക്കൊപ്പം കാലാവധി തീരുന്ന വ്യവസ്ഥയിലാണ് പി.വി.സിയുടെ നിയമനം. ഒരു ദിവസത്തേക്കാണെങ്കിലും യോഗ്യതയില്ലാത്തവര്ക്ക് വി.സിയുടെ ചുമതല നല്കരുതെന്നാണ് ഹൈക്കോടതി ഉത്തരവ്.
അതേസമയം നിയമസഭ പാസാക്കിയ ബില്ലുകളില് മന്ത്രിമാര് നേരിട്ടെത്തി വിശദീകരണം നല്കണമെന്ന് മുഖ്യമന്ത്രി പിണറായി വിജയന് ഗവര്ണര് ആരിഫ് മുഹമ്മദ് ഖാന്റെ മറുപടി കിട്ടി. ബില്ലുകളില് തീര്പ്പാക്കാതെ രാജ്ഭവനിലുള്ളതിനെ ഓര്മിപ്പിച്ച് മുഖ്യമന്ത്രി നല്കിയ കത്തിനാണ് ചില സംശയങ്ങളുള്ളതിനാല് മന്ത്രിമാര് നേരിട്ട് വരണമെന്ന് ഗവര്ണര് മറുപടി നല്കിയത്. താനുമായി ബന്ധപ്പെട്ട ബില്ലുകളില് തീരുമാനമെടുക്കില്ലെന്ന് നേരത്തെ ഗവര്ണര് പരസ്യമായി വ്യക്തമാക്കിയിരുന്നു.
https://www.facebook.com/Malayalivartha
