ആകാശ് തില്ലങ്കേരിയെ തൊടല്ലേ പോലീസേ;പാര്ട്ടി പറഞ്ഞു പോലീസ് അനുസരിച്ചു;ആകാശ് തില്ലങ്കേരിയെ തൊടാനാകാതെ സിപിഎം,നാണംകെട്ട് ആഭ്യന്തര വകുപ്പ്
വിഷയം കൈകാര്യം ചെയ്യാന് പാര്ട്ടിക്ക് അറിയാം. എംവി ഗോവിന്ദന്റ തെള്ള് കേട്ടപ്പോള് കരുതി ആകാശ് തില്ലങ്കേരിയെ അടിച്ചിരുത്തിയെന്ന്. എവിടുന്ന് ആകാശ് മോനെ ഒന്ന് ലോക്കപ്പല് പോലും കേറാന് പോലീസും ആഭ്യന്തര വകുപ്പും അനുവധിച്ചില്ല. പേരിനൊരു അറസ്റ്റ് ഉടന് ജാമ്യം. ആകാശിനെ ഒരു നോട്ടം കൊണ്ട് പോലും വേദനിപ്പിക്കരുതെന്നായിരുന്നു പാര്ട്ടി നിര്ദ്ദേശം. പോലീസ് അത്് അതേപടി അനുസരിച്ചു. സിപിഎമ്മിന്റെ ഗതികേട് നോക്കണേ, പാര്ട്ടിക്കെതിരെ വിരല് ചൂണ്ടിയവനെ ഒന്ന് തൊടാനാകുന്നില്ല. തൊടട്ാല് ആകാശ് വാ തുറക്കും പല നേതാക്കളുടേയും തലകള് ഉരുളും. സിപിഎമ്മിന് ആകാശിനെ പേടി.
ആകാശ് തില്ലങ്കേരിക്ക് കീഴടങ്ങാനും ഉടന് ജാമ്യം കിട്ടാനും സൗകര്യമൊരുക്കിയത് പോലീസിന്റെ ഒത്തുകളിയാണെന്ന് ആരോപണമുയര്ന്നു. കോടതിയിലെത്തിയ ഇയാളുടെ ഫോട്ടോയെടുക്കാന് മാധ്യമങ്ങള് ശ്രമിച്ചപ്പോള് പിതാവുള്പ്പെടെ കൂടെയുള്ളവര് തടഞ്ഞു.
സുഹൃത്തുക്കള്ക്കൊപ്പം കാറിലെത്തിയ ആകാശ് ഒന്നും സംഭവിക്കാത്തമട്ടില് കോടതിയിലേക്ക് കയറിപ്പോവുകയായിരുന്നു. പോലീസ് അപ്പോള് അവിടെയുണ്ടായിരുന്നു. അറസ്റ്റ്വഴി ഉണ്ടായേക്കാവുന്ന നാടകീയരംഗങ്ങള് എല്ലാം ഒഴിവാക്കുകയായിരുന്നു ലക്ഷ്യം. അറസ്റ്റ് ഒഴിവാക്കാന് പോലീസിന് വ്യക്തമായ നിര്ദേശം ലഭിച്ചതായും പറയുന്നു.
ആകാശ് തില്ലങ്കേരിയുടെയും കൂട്ടാളികളുടെയും അറസ്റ്റും ജാമ്യവും വെറും നാടകം മാത്രമാണെന്ന് യൂത്ത് കോണ്ഗ്രസ് സംസ്ഥാന പ്രസിഡന്റ് ഷാഫി പറമ്പില് എം.എല്.എ. പരിഹസിച്ചു. ഈ നാടകത്തിന് കഥയും തിരക്കഥയും എഴുതിയത് സി.പി.എമ്മും സംവിധാനം ചെയ്തത് പോലീസുമാണ്. ആകാശ് നന്നായി അഭിനയിച്ച ഒരാള് മാത്രമാണ്. കൊലക്കേസ് പ്രതിയും മാഫിയാബന്ധവുമുള്ള ആകാശിനെതിരേ ഒരു ജാമ്യമില്ലാവകുപ്പ് ചേര്ക്കാനുള്ള നട്ടെല്ല് പോലും മുഖ്യമന്ത്രിക്കും പോലീസ് മേധാവിക്കുമില്ലാതെ പോയി. ആകാശിനെ ഇനിയും പ്രകോപിപ്പിച്ചാല് പല നേതാക്കളും തലയില് മുണ്ടിട്ട് നടക്കേണ്ടിവരുമെന്ന നല്ല ബോധ്യം സി.പി.എം. നേതൃത്വത്തിനുണ്ട് ഷാഫി പറമ്പില് പറഞ്ഞു.
ഷുഹൈബ് വധക്കേസില് ആകാശിന്റെ വെളിപ്പെടുത്തലില് പുതുമയൊന്നുമില്ല. ആകാശ് തില്ലങ്കേരിയുമായി ഒരു ബന്ധവുമില്ലെന്ന് പറയുന്ന സി.പി.എമ്മിന് സി.ബി.ഐ. അന്വേഷണത്തിനെതിേര കോടതിയില് നല്കിയ തടസ്സഹര്ജി പിന്വലിക്കാന് ധൈര്യമുണ്ടോയെന്ന് അദ്ദേഹം ചോദിച്ചു. സി.ബി.ഐ. വരാതിരിക്കാന് പൊതുഖജനാവില്നിന്ന് ഒന്നരക്കോടി ചെലവിട്ട് അഭിഭാഷകരെ കൊണ്ടുവന്നത് എന്തിനെന്ന് സി.പി.എം. നേതൃത്വം മറുപടി പറയണം. എത്രകാലം കഴിഞ്ഞാലും ഷുഹൈബിന്റെ കൊലയാളികളെയും കൊല്ലിച്ചവരെയും നിയമത്തിന്റെ മുന്നില് കൊണ്ടുവരാന് യൂത്ത് കോണ്ഗ്രസും ജനാധിപത്യവിശ്വാസികളും പോരാട്ടം തുടരുമെന്നും അദ്ദേഹം പറഞ്ഞു.
ഇതിനിടെ ആകാശ് തില്ലങ്കേരി കോടതിയില് കീഴടങ്ങുന്ന സമയം സി.പി.എം. ജില്ലാ സെക്രട്ടറി എം.വി. ജയരാജന്റെ നേതൃത്വത്തില് മട്ടന്നൂര് ഏരിയാകമ്മിറ്റി ഓഫീസില് തില്ലങ്കേരി ലോക്കല് കമ്മറ്റി അംഗങ്ങളുടെ യോഗം ചേര്ന്നു. ആകാശ് തില്ലങ്കേരി വിഷയവും യോഗത്തില് ചര്ച്ചയായി. വെള്ളിയാഴ്ച ഉച്ചയ്ക്കുശേഷം തുടങ്ങിയ യോഗം വൈകീട്ട് അഞ്ചുവരെ തുടര്ന്നു. അഞ്ചോടെയാണ് ആകാശ് തില്ലങ്കേരി കീഴടങ്ങാനെത്തുന്നത്. ഉടന്തന്നെ ആകാശിന് ജാമ്യം ലഭിക്കുകയും ചെയ്തു.
ആകാശ് തില്ലങ്കേരിയോടുള്ള സമീപനത്തില് ഒരു മാറ്റവുമില്ലെന്ന് എം.വി. ജയരാജന് പറഞ്ഞു. നേരത്തേ ആകാശിനെക്കുറിച്ച് മാധ്യമപ്രവര്ത്തകരോട് എന്താണോ പറഞ്ഞത് അതുതന്നെയാണ് ഇപ്പോഴും പറയാനുള്ളത് ക്വട്ടേഷന്സംഘാംഗമാണ് ആകാശ് തില്ലങ്കേരി. അയാള് ഇപ്പോള് പാര്ട്ടിക്ക് പുറത്താണ്. അയാളെ പിന്തുണയ്ക്കുകയോ അയാളുടെ പോസ്റ്റിന് പ്രതികരിക്കുകയോ ചെയ്യുന്നത് പാര്ട്ടിവിരുദ്ധമാണെന്നും ജയരാജന് പറഞ്ഞു. സാമൂഹികമാധ്യമത്തില് എന്തെങ്കിലും പോസ്റ്റിട്ട് പാര്ട്ടിയെ ഭയപ്പെടുത്താനുള്ള ശ്രമം വിഫലമാണെന്നുംഅദ്ദേഹം പറഞ്ഞു.
https://www.facebook.com/Malayalivartha
