ഇസ്രയേലില്‍ കൃഷി പഠിക്കാന്‍ കൊണ്ടുപോയ സംഘത്തിലെ ഒരാള്‍ മുങ്ങിയത് സര്‍ക്കാരിന് കനത്ത ക്ഷീണമുണ്ടാക്കി. സര്‍ക്കാര്‍ സംഘത്തില്‍ നിന്നു മുങ്ങിയ കര്‍ഷകന്‍ ബിജു കുര്യന്‍ ഇന്ന് തിരിച്ചെത്തുന്നതോടെ കൃഷി വകുപ്പിന് വലിയ ആശ്വാസമാകും. ഇസ്രയേലില്‍ കൃഷി പഠിക്കാന്‍ പോയ സര്‍ക്കാര്‍ സംഘത്തില്‍ നിന്നു മുങ്ങിയ കര്‍ഷകന്‍ ബിജു കുര്യന്‍ ഇന്ന് കേരളത്തിലെത്തുമ്പോള്‍ കാത്തിരിക്കുന്നത് ചോദ്യം ചെയ്യാനും സാധ്യതയുണ്ട്.

ഇന്ന് കോഴിക്കോട്ടെത്തുമെന്ന് സഹോദരന്‍ ബെന്നി കുര്യനാണ് കൃഷി മന്ത്രിയെ അറിയിച്ചത്.പുണ്യസ്ഥലങ്ങള്‍ സന്ദര്‍ശിക്കാന്‍ പോയതാണെന്നും സഹോദരന്‍ വ്യക്തമാക്കി. എയര്‍പോര്‍ട്ടിലെ എമിഗ്രേഷന്‍ നടപടികള്‍ പൂര്‍ത്തിയാക്കിയശേഷം ബിജു വിളിച്ചതായി ബെന്നി അറിയിച്ചു. ഇസ്രയേല്‍ രഹസ്യാന്വേഷണ ഏജന്‍സി മൊസാദാണ് കണ്ടെത്തി തിരിച്ചയച്ചതെന്നും ഇന്ത്യന്‍ എംബസിയെ ഇക്കാര്യം അവര്‍ അറിയിച്ചതായും സൂചനയുണ്ട്.

എംബസി വഴി യാതൊരു അറിയിപ്പും സംസ്ഥാന സര്‍ക്കാരിന് ലഭിച്ചിട്ടില്ലെന്ന് മന്ത്രി പ്രസാദ് പറഞ്ഞു. സംസ്ഥാന സര്‍ക്കാരിന്റെ സംഘത്തിനൊപ്പം നടത്തിയ ഇസ്രയേല്‍ സന്ദര്‍ശനത്തിനിടെയാണ് ഈ മാസം 17 ന് കണ്ണൂര്‍ സ്വദേശിയായ ബിജു മുങ്ങിയത്. ബിജുവിന്റെ വിസ റദ്ദാക്കണമെന്ന് കേരള സര്‍ക്കാര്‍ ഇന്ത്യന്‍ എംബസി വഴി ആവശ്യപ്പെട്ടിരുന്നു.

കൃഷിവകുപ്പ് പ്രിന്‍സിപ്പല്‍ സെക്രട്ടറി ഡോ.ബി അശോകിന്റെ നേതൃത്വത്തില്‍ 27 പേരടങ്ങുന്ന കര്‍ഷക സംഘം ഈ മാസം 12 നാണ് ഇസ്രയേലിലേക്ക് പോയത്. അപ്രത്യക്ഷനായ ബിജു കുര്യന്‍, വീട്ടിലേക്ക് വിളിച്ച് താന്‍ സുരക്ഷിതനാണെന്നും തന്നെ അന്വേഷിക്കേണ്ടെന്നും അറിയിച്ചിരുന്നു. ഇതേ തുടര്‍ന്ന് ബിജുകുര്യനില്ലാതെ കര്‍ഷക സംഘം 20 ന് മടങ്ങിയെത്തി.

ബിജുവിന്റെ വിസയ്ക്ക് മേയ് 8 വരെ കാലാവധിയുണ്ടായിരുന്നു. അതിനാല്‍ തന്നെ ബിജുവിന്റെ ലക്ഷ്യം അവ്യക്തമായിരുന്നു. ബിജുവിനെ സഹായിക്കുന്നത് ഗുണകരമായിരിക്കില്ലെന്നു മലയാളികള്‍ക്ക് അവിടുത്തെ ഇന്ത്യന്‍ എംബസി നല്‍കിയ സന്ദേശം ബിജുവിന് തിരിച്ചടിയായി. ഇതോടെയാണ് തിരികെപോരാന്‍ തീരുമാനിച്ചതെന്നാണ് സൂചന. ബെത് ലഹേം കാണാന്‍ പോയന്ന വാദം തുടര്‍നടപടികള്‍ ഒഴിവാക്കാനുള്ള തന്ത്രമെന്നും അറിയുന്നു.

വീസ കാലാവധിയുള്ളതിനാല്‍ ഇസ്രയേലില്‍ നിയമനടപടിയുണ്ടായില്ല. നിയമനടപടികള്‍ സ്വീകരിക്കുന്നതിനെക്കുറിച്ച് ആലോചിച്ചിട്ടില്ലെന്ന് മന്ത്രി പ്രസാദ് വ്യക്തമാക്കി. എന്നാല്‍, സംഘംവിട്ടുപോയതിന് ബിജു വിശദീകരണം നല്‍കേണ്ടി വരും.

അതേസമയം ഇസ്രയേലില്‍ കൃഷി പഠിക്കാന്‍ പോയ സര്‍ക്കാര്‍ സംഘത്തില്‍ നിന്നു മുങ്ങിയ കര്‍ഷകന്‍ ബിജു കുര്യനെ കണ്ടെത്തിയത് ഇസ്രായേല്‍ രഹസ്യാന്വേഷണ ഏജന്‍സി മൊസാദാണെന്ന് സൂചന. ഇന്ത്യന്‍ എംബസിയെ ഇക്കാര്യം അവര്‍ അറിയിച്ചതായും സൂചനയുണ്ട്. അതേസമയം എംബസി വഴി യാതൊരു അറിയിപ്പും സംസ്ഥാന സര്‍ക്കാരിന് ലഭിച്ചിട്ടില്ലെന്ന് മന്ത്രി പി. പ്രസാദ് പറഞ്ഞു.

ബിജു നാളെ കോഴിക്കോട്ടെത്തുമെന്ന് സഹോദരന്‍ ബെന്നി കുര്യന്‍ മന്ത്രിയെ അറിയിച്ചു. ബത്ലഹേം അടക്കമുള്ള പുണ്യസ്ഥലങ്ങള്‍ സന്ദര്‍ശിക്കാനാണ് ബിജു പോയതാണെന്നും സഹോദരന്‍ വ്യക്തമാക്കി.

സംസ്ഥാന സര്‍ക്കാരിന്റെ സംഘത്തിനൊപ്പം നടത്തിയ ഇസ്രയേല്‍ സന്ദര്‍ശനത്തിനിടെയാണ് കണ്ണൂര്‍ സ്വദേശിയായ ബിജു മുങ്ങിയത്. ബിജു മുങ്ങിയതോടെ പല വ്യാഖ്യാനങ്ങളും വന്നു. ബിജുവിനെ ആരെങ്കിലും തട്ടിക്കൊണ്ടുപോയതാണോ, അതോ വഴി തെറ്റിയതാണോ, അതോ മറ്റെന്തെങ്കിലും ജോലിക്കായി ശ്രമിക്കുന്നുണ്ടോ എന്നിങ്ങനെ പല ഊഹങ്ങളും പ്രചരിച്ചു. അതിനിടെ ബിജുവിനെ കണ്ടെത്താന്‍ ബിജുവിന്റെ വിസ റദ്ദാക്കണമെന്ന് കേരള സര്‍ക്കാര്‍ ഇന്ത്യന്‍ എംബസി വഴി ആവശ്യപ്പെട്ടിരുന്നു. അതാണ് ഫലം കണ്ടത്. ഇതോടെ ഇസ്രേയല്‍ രഹസ്യാന്വേഷണ ഏജന്‍സി അന്വേഷണം ആരംഭിക്കുകയും ബിജുവിനെ കണ്ടെത്തുകയും ചെയ്തു.