ഭക്തിസാന്ദ്രമായി ആറ്റുകാല്.... ഒമ്പത് ദിവസം നീണ്ടു നില്ക്കുന്ന പൊങ്കാല മഹോത്സവം മാര്ച്ച് എട്ടിന് നടക്കുന്ന കുരുതി തര്പ്പണത്തോടെ കൊടിയിറങ്ങും, മാര്ച്ച് ഏഴിന് ചരിത്രപ്രസിദ്ധമായ ആറ്റുകാല് പൊങ്കാല, നിയന്ത്രണങ്ങളില്ലാതെ ഇക്കുറി നിരത്തുകളില് ഭക്തര്ക്ക് പൊങ്കാല അര്പ്പിക്കാം
ഭക്തിസാന്ദ്രമായി ആറ്റുകാല്.... ഒമ്പത് ദിവസം നീണ്ടു നില്ക്കുന്ന പൊങ്കാല മഹോത്സവം മാര്ച്ച് എട്ടിന് നടക്കുന്ന കുരുതി തര്പ്പണത്തോടെ കൊടിയിറങ്ങും, മാര്ച്ച് ഏഴിന് ചരിത്രപ്രസിദ്ധമായ ആറ്റുകാല് പൊങ്കാല, നിയന്ത്രണങ്ങളില്ലാതെ ഇക്കുറി നിരത്തുകളില് ഭക്തര്ക്ക് പൊങ്കാല അര്പ്പിക്കാം. കൊറോണ മഹാമാരിയ്ക്ക് ശേഷം വിപുലമായ ചടങ്ങുകളോടെയാണ് ആറ്റുകാല് പൊങ്കാലക്കായി നാടൊരുങ്ങുന്നത്.
ആറ്റുകാല് ഭഗവതി ക്ഷേത്രത്തിലെ ഈ വര്ഷത്തെ പൊങ്കാല മഹോത്സവത്തിന് ഇന്ന് തുടക്കമായി. രാവിലെ കാപ്പുകെട്ടി ദേവിയെ കുടിയിരുത്തിയതോടെ ചടങ്ങുകള്ക്ക് ആരംഭമായി.
മാര്ച്ച് ഏഴിനാണ് ചരിത്ര പ്രസിദ്ധമായ ആറ്റുകാല് പൊങ്കാല. ഒമ്പത് ദിവസം നീണ്ടു നില്ക്കുന്ന പൊങ്കാല മഹോത്സവം മാര്ച്ച് എട്ടിന് നടക്കുന്ന കുരുതി തര്പ്പണത്തോടെ കൊടിയിറങ്ങും. ഉത്സവത്തിന്റെ അവസാന ദിവസമായ മാര്ച്ച് ഏഴിനാണ് ചരിത്രപ്രസിദ്ധമായ ആറ്റുകാല് പൊങ്കാല. കലാപരിപാടികളുടെ ഉദ്ഘാടനം വൈകിട്ട് നടന് ഉണ്ണിമുകുന്ദന് നിര്വഹിക്കും.
ചടങ്ങില് പ്രശസ്ത സാമൂഹ്യപ്രവര്ത്തക ഡോ. പി.ഭാനുമതിക്ക് ആറ്റുകാല് അംബാ പുരസ്കാരം നല്കി ആദരിക്കും. നിയന്ത്രണങ്ങളില്ലാതെ ഇക്കുറി നിരത്തുകളില് ഭക്തര്ക്ക് പൊങ്കാല അര്പ്പിക്കാം. രാവിലെ 10.30-ന് പണ്ടാര അടുപ്പില് തീ പകരും. തന്ത്രി ബ്രഹ്മശ്രീ തെക്കേടത്ത് കുഴിക്കാട്ടില്ലത്ത് പരമേശ്വരന് വാസുദേവന് ഭട്ടതിരിപ്പാട് ശ്രീകോവിലില്നിന്ന് ദീപം പകര്ന്ന് മേല്ശാന്തി ബ്രഹ്മശ്രീ പി കേശവന് നമ്പൂതിരിക്ക് കൈമാറും.
മേല്ശാന്തി ക്ഷേത്ര തിടപ്പള്ളിയിലെ പൊങ്കാല അടുപ്പിലും വലിയ തിടപ്പള്ളിയിലെ പൊങ്കാല അടുപ്പിലും തീ പകര്ന്നശേഷം ദീപം സഹമേല്ശാന്തിക്ക് കൈമാറും, സഹമേല്ശാന്തി പണ്ടാര അടുപ്പിലേക്ക് തീ പകരും. അതേസമയം പൊങ്കാലയ്ക്കായി ഭക്ത ലക്ഷങ്ങള് എത്തുന്നതിനാല് വിപുലമായ സജ്ജീകരണങ്ങളാണ് ഒരുക്കുന്നത്. ആറ്റുകാല് പൊങ്കാല ദിവസം കെഎസ്ആര്ടിസിയുടെ 400 ബസുകള് സര്വീസ് നടത്തും. ഭക്ഷ്യസുരക്ഷ ഉറപ്പാക്കാനായി പ്രത്യേക പരിശോധനകള്ക്കൊപ്പം സഞ്ചരിക്കുന്ന മൊബൈല് ലാബ് പ്രവര്ത്തിക്കും. 3,300 പോലീസ് ഉദ്യോഗസ്ഥര് സുരക്ഷയൊരുക്കും.
" f
https://www.facebook.com/Malayalivartha
