ബി. എസ്. എന്. എല് സഹകരണ സംഘം തട്ടിപ്പ് കേസ്... രണ്ടാം പ്രതിയുടെ ജാമ്യ ഹര്ജി കോടതി തളളി, ഹര്ജി തളളിയത് സുപ്രീം കോടതി ഉത്തരവിന്റ ചുവട് പിടിച്ച്
ബി. എസ്. എന്. എല് എഞ്ചിനിയേഴ്സ് സഹകരണ സംഘം തട്ടിപ്പ് കേസില് ക്രൈംബ്രാഞ്ച് പോലീസ് കഴിഞ്ഞ ഫെബ്രുവരി 2 ന് അറസ്റ്റ് ചെയ്ത് സെന്ട്രല് ജയിലില് കഴിയുന്ന പ്രതിയുടെ ജാമ്യ ഹര്ജി കോടതി തളളി.കല്ലിയൂര് ഊക്കോട് വെള്ളായണി വിവേകാനന്ദ നഗറില് ഗുരുകൃപ വീട്ടില് വിശ്വനാഥപിള്ള മകന് കെ.വി.പ്രദീപ് കുമാറിന്റെ ജാമ്യാ ഹര്ജിയാണ് ആറാം അഡീഷണല് ജില്ലാ സെഷന്സ് ജഡ്ജി കെ. വിഷ്ണു തളളിയത്.
ബി.എസ്.എന്.എല്ലില് നിന്നും സ്വയം വിരമിക്കല് വാങ്ങി സഹകരണ സംഘത്തിന്റെ ഭാരവാഹിയായ പ്രതി സാമ്പത്തിക തട്ടിപ്പിന് നേതൃത്വം നല്കുകയായിരുന്നു.
നിരവധി ആളുകളില് നിന്ന് വന് സാമ്പത്തിക തട്ടിപ്പ് നടത്തുന്നവര് ജാമ്യത്തിന് അര്ഹരല്ലെന്ന സുപ്രീം കോടതി വിധിീയുടെ ചുവട് പിടിച്ചാണ് കോടതി ഹര്ജിയില് തീര്പ്പ് കല്പ്പിച്ചത്.
വന് സാമ്പത്തിക തട്ടിപ്പ് നടത്തുന്നവര് ഇരയാക്കപ്പെടുന്ന വരുടെ മുന്നിലൂടെ ജാമ്യം നേടി പോകുന്നതിനെ സുപ്രീംകോടതി വിധിയില് രൂക്ഷമായി വിമര്ശിച്ചിരുന്നു. 200 കോടി രൂപയോളം സാമ്പത്തിക തട്ടിപ്പ് നടന്നതായാണ് നിഗമനമെന്ന് പ്രോസിക്യൂട്ടറും കോടതിയെ അറിയിച്ചിരുന്നു. തങ്ങള് ജോലിചെയ്തിരുന്ന സ്ഥാപനത്തിന്റ പേരിലുളള സഹകരണ സംഘം ആകുമ്പോള് കബളിപ്പിയ്ക്കപ്പെടില്ലന്ന വിശ്വാസമാണ് നിക്ഷേപകര്ക്ക് ഉണ്ടായിരുന്നത്. ഈ വിശ്വാസമാണ് പ്രതികള് തകര്ത്തതെന്ന് പ്രോസിക്യൂഷന് കോടതിയില് പറഞ്ഞു.
വഞ്ചിയൂര് ഹരിത നഗറില് ശ്രീ രമണ വീട്ടില് എ.ആര് ഗോപിനാഥന് നായര് , വഞ്ചിയൂര് ശ്രീകണ്ഠേശ്വരം തേങ്ങാപ്പുര ലൈന് ശിവന്ദനം വീട്ടില് എ.ആര്.രാജീവ് കുമാരപുരം അമിതാ ശങ്കര് ലൈന് പ്രാര്ത്ഥനയില് പ്രസാദ് രാജ് .കെ. വി, കുമാരപുരം ഹൈസ്കൂള് ലെയിന് സായിപ്രഭയില് മനോജ് കൃഷ്ണ, പന്തളം കുരംപാല ഇടയാടി സ്കൂളിന് സമീപം കിഴക്കെകര വീട്ടില് അനില്കുമാര്, ഗാന്ധിപുരം ചെറുവളളിലെയിന് ഇന്ദീവരത്തില് മിനിമോള് എന്നിവരുടെ മുന്കൂര് ജാമ്യ ഹര്ജികള് കോടതി നേരത്തേ തള്ളിയിരുന്നു.
"
https://www.facebook.com/Malayalivartha
