മുഖ്യമന്ത്രിയ്ക്ക് നേരെ വിമാനത്തില്‍ മുദ്രാവാക്യം വിളിച്ച യൂത്ത് കോണ്‍ഗ്രസുകാരെ ഇപി ഒറ്റയ്ക്ക് പഞ്ഞിക്കിട്ടത് എല്ലാവര്‍ക്കുമറിയാം. വിമാനത്തില്‍ മുദ്രാവാക്യം വിളിച്ച യൂത്ത് കോണ്‍ഗ്രസ് പ്രവര്‍ത്തകരായ ആര്‍.കെ.നവീന്‍കുമാര്‍, പി.പി.ഫര്‍സീന്‍ മജീദ് എന്നിവര്‍ക്കും രണ്ടാഴ്ചത്തെ വിലക്ക് ഏര്‍പ്പെടുത്തി. യാത്രക്കാരെ കയ്യേറ്റം ചെയ്തത് അല്‍പംകൂടി ഗുരുതരമായ കുറ്റമായതിനാലാണ് ജയരാജനു മൂന്നാഴ്ച വിലക്ക് ഏര്‍പ്പെടുത്തിയത്.

ഇതില്‍ പ്രതിഷേധിച്ച ഇപി ഇന്‍ഡിഗോ വിമാനയാത്ര ബഹിഷ്‌ക്കരിച്ചു.
യൂത്ത് കോണ്‍ഗ്രസ് പ്രവര്‍ത്തകര്‍ ഇന്‍ഡിഗോ കമ്പനിയുടെ വിമാനത്തില്‍ മുഖ്യമന്ത്രിക്കു നേരെ പ്രതിഷേധിച്ചതിനെ തുടര്‍ന്നാണ് വിമാനത്തിലെ യാത്ര ഇപി ഒഴിവാക്കിയത്. പ്രതിഷേധിച്ച യൂത്ത് കോണ്‍ഗ്രസ് പ്രവര്‍ത്തകരെ ഇ.പി.ജയരാജന്‍ തള്ളി മാറ്റിയിരുന്നു. വിവാദമായതിനെ തുടര്‍ന്ന് ഇന്‍ഡിഗോ വിമാനങ്ങളില്‍ യാത്ര ചെയ്യുന്നതിന് ഇ.പി.ജയരാജന് മൂന്നാഴ്ചത്തെ വിലക്ക് ഏര്‍പ്പെടുത്തി.

ഇന്‍ഡിഗോ വിലക്കിനെ രൂക്ഷമായി വിമര്‍ശിച്ച ജയരാജന്‍, താനോ കുടുംബമോ ഇനി ഒരിക്കലും ഇന്‍ഡിഗോ വിമാനങ്ങളില്‍ കയറില്ലെന്നു വ്യക്തമാക്കി. തിരുവനന്തപുരത്തുനിന്ന് കണ്ണൂരിലേക്ക് ഇന്‍ഡിഗോ വിമാനം മാത്രമേ ഉള്ളൂ എന്നു മാധ്യമപ്രവര്‍ത്തകര്‍ ചൂണ്ടിക്കാട്ടിയപ്പോള്‍, നടന്നു പോയാലും അവരുടെ വിമാനത്തില്‍ കയറില്ലെന്നായിരുന്നു മറുപടി. അതിനുശേഷം ട്രെയിനിലാണ് ഇപി കണ്ണൂരിലേക്കും തിരികെയും യാത്ര ചെയ്യുന്നത്.

ഇപി യാത്ര ഒഴിവാക്കിയതിനാല്‍ ഇന്‍ഡിഗോ കുത്തുപാള എടുത്തോയെന്നറിയില്ല. കമ്പനി ഇപിയ്ക്ക് പിന്നാലെയാണ്. ഇന്‍ഡിഗോ കമ്പനിയുമായി തുടരുന്ന നിസ്സഹകരണം അവസാനിപ്പിക്കാന്‍ കമ്പനി ഉദ്യോഗസ്ഥര്‍ ആവശ്യപ്പെട്ടതായി എല്‍ഡിഎഫ് കണ്‍വീനര്‍ ഇ.പി.ജയരാജന്‍. കമ്പനിയുമായി സഹകരിക്കണമെന്ന് ഉദ്യോഗസ്ഥര്‍ പറഞ്ഞപ്പോള്‍ രേഖാമൂലം എഴുതി നല്‍കാന്‍ ഇപി ആവശ്യപ്പെട്ടതായാണ് ലഭിക്കുന്ന വിവരം.

അതേസമയം സിപിഎം സംസ്ഥാന സെക്രട്ടറി എം.വി.ഗോവിന്ദന്‍ നയിക്കുന്ന 'ജനകീയ പ്രതിരോധ ജാഥ'യില്‍ എല്‍ഡിഎഫ് കണ്‍വീനര്‍ ഇ.പി.ജയരാജന്‍ പങ്കെടുക്കും. ശനിയാഴ്ച തൃശൂരില്‍ യാത്രയില്‍ ഇപി പ്രസംഗിക്കും. രാവിലെ തിരുവനന്തപുരത്തുനിന്നു തൃശൂരിലേക്ക് തിരിക്കും. സിപിഎം സംസ്ഥാന സെക്രട്ടറി എം.വി.ഗോവിന്ദന്‍ നയിക്കുന്ന ജാഥയില്‍ പങ്കെടുക്കില്ലെന്ന് പറഞ്ഞിട്ടില്ലെന്ന് ഇ.പി.ജയരാജന്‍ ചോദ്യത്തിനു മറുപടിയായി രാവിലെ വ്യക്തമാക്കിയിരുന്നു.

'ഞാന്‍ ജാഥയില്‍ അംഗമല്ല. എന്തു കൊണ്ട് പങ്കെടുത്തില്ല എന്ന ചോദ്യം തന്നെ പ്രസക്തമല്ല. എന്നെ ടാര്‍ഗറ്റ് ചെയ്യുന്ന മാധ്യമങ്ങളുണ്ട്. അതിന് ചിലര്‍ ഇറങ്ങി പുറപ്പെട്ടിട്ടുണ്ട്. അവര്‍ക്ക് ചിലര്‍ ഉപദേശവും നിര്‍ദേശങ്ങളും കൊടുക്കുന്നുണ്ട്. അതനുസരിച്ച് ചില മാധ്യമങ്ങള്‍ വാര്‍ത്ത മെനഞ്ഞെടുക്കുന്നുണ്ട്. നിങ്ങള്‍ മെനഞ്ഞെടുത്താലും പ്രസിദ്ധീകരിച്ചാലും എനിക്ക് ഒരു പ്രശ്‌നവുമില്ല. എല്ലാവരും പ്രതിരോധ ജാഥയുടെ ഭാഗമാണ്. എല്ലാവരും ജാഥയില്‍ പങ്കെടുത്തേ മതിയാകൂ. ജാഥയില്‍ പങ്കെടുക്കില്ലെന്ന് പറഞ്ഞിട്ടില്ല.' എന്നും ഇ.പി.ജയരാജന്‍ പറഞ്ഞു.

ഫെബ്രുവരി 20 മുതല്‍ മാര്‍ച്ച് 18 വരെയാണ് ജാഥ. കാസര്‍കോട്ടുനിന്നു ആരംഭിച്ച ജാഥ തിരുവനന്തപുരത്താണ് സമാപിക്കുന്നത്.

അതേസമയം തനിക്കെതിരെ ഗൂഢാലോചന നടക്കുന്നതായി ഇ.പി.ജയരാജന്‍ പറഞ്ഞു. ഗൂഢാലോചന നടത്തുന്നത് ആരാണെന്നറിയാമെന്നും പറയേണ്ട സമയത്ത് പറയുമെന്നും ഇപ്പോള്‍ പറയുന്നില്ലെന്നും ഇ.പി.ജയരാജന്‍ മാധ്യമങ്ങളോട് പറഞ്ഞു. സിപിഎം സംസ്ഥാന സെക്രട്ടറി എം.വി.ഗോവിന്ദന്‍ നയിക്കുന്ന ജാഥയില്‍ പങ്കെടുക്കില്ലെന്ന് പറഞ്ഞിട്ടില്ലെന്നും ഇ.പി.ജയരാജന്‍ പറഞ്ഞു.

ജാഥയില്‍ അംഗമല്ല. എന്തുകൊണ്ട് പങ്കെടുത്തില്ല എന്ന ചോദ്യം തന്നെ പ്രസക്തമല്ല. എന്നെ ടാര്‍ഗറ്റ് ചെയ്യുന്ന മാധ്യമങ്ങളുണ്ട്. അതിന് ചിലര്‍ ഇറങ്ങി പുറപ്പെട്ടിട്ടുണ്ട്. നിങ്ങള്‍ മെനഞ്ഞെടുത്താലും പ്രസിദ്ധീകരിച്ചാലും എനിക്ക് ഒരു പ്രശ്‌നവുമില്ലെന്നും ഇപി പറഞ്ഞു.