മയക്കുമരുന്നു നല്കി ട്രെയിനില് കവര്ച്ച.... 17 പവനും 17,000 രൂപ വീതം വിലപിടിപ്പുള്ള 3 ഐ ഫോണുകളുകളുമാണ് കവര്ച്ച ചെയ്തത് ,മൂന്ന് കൊല്ക്കത്തക്കാരെ ജൂണ് 8ന് ഹാജരാക്കാന് ഉത്തരവ്
നിസാമുദ്ദീന് തിരുവനന്തപുരം എക്സ്പ്രസ് ട്രെയിനില് അമ്മയും മകളും ഉള്പ്പെടെ മൂന്നു സ്ത്രീകളെ ലഹരിമരുന്നു നല്കി മയക്കി കവര്ച്ച നടത്തിയ കേസില് കൊല്ക്കത്ത സ്വദേശികളായ മൂന്നു പ്രതികളെ ഹാജരാക്കാന് തിരുവനന്തപുരം രണ്ടാം അഡീ. സബ് ജഡ്ജ് ആന്റ് അസി. സെഷന്സ് ജഡ്ജി ലൈജു മോള് ഷെരീഫ് ഉത്തരവിട്ടു.
പ്രതികളെ ജൂണ് 8 ന് ഹാജരാക്കാന് തമ്പാനൂര് റെയില്വേ പ്രൊട്ടക്ഷന് ഫോഴ്സ് പോലീസിനോടാണ് ഉത്തരവിട്ടത്. തിരുവനന്തപുരം ചീഫ് ജുഡീഷ്യല് മജിസ്ട്രേട്ട് കോടതി കേസ് വിചാരണക്കായി തിരുവനന്തപുരം പ്രിന്സിപ്പല് സെഷന്സ് കോടതിയിലേക്ക് കമ്മിറ്റ് ചെയ്തയച്ചിരുന്നു.
കുറ്റ സ്ഥാപനത്തില് 10 വര്ഷം വരെ തടവും പരിധിയില്ലാത്ത പിഴയും ശിക്ഷ വിധിക്കാവുന്ന കുറ്റങ്ങളായതിനാലാണ് പ്രിന്സിപ്പല് ജില്ലാ ജഡ്ജി പി. വി.ബാലകൃഷ്ണന് കേസ് വിചാരണക്കായി സബ് കോടതിക്ക് മെയ്ഡ് ഓവര് ചെയ്തത്.
അതേസമയം യുവതികളോട് ഭക്ഷണം കഴിച്ചുറങ്ങാന് നിര്ബന്ധിച്ചതാണ് സംശയം പ്രതികളിലേക്ക് നീങ്ങാന് കാരണം. സ്ത്രീകള് ട്രെയിനിലെ ടോയ്ലറ്റില് പോയ സമയം കുപ്പിവെള്ളത്തിലും ഭക്ഷണത്തിലും പൊടിച്ച ഉറക്ക ഗുളിക കലക്കിയാണ് മയക്കിയത്
https://www.facebook.com/Malayalivartha
