വിവാദത്തിന് പരിഹാരമായി... എം വി ഗോവിന്ദന് നയിക്കുന്ന ജനകീയ പ്രതിരോധ യാത്രയില് ഇ പി ജയരാജന് പങ്കെടുത്തു
വിവാദത്തിന് ഒടുവില് സിപിഎം സംസ്ഥാന സെക്രട്ടറി എം വി ഗോവിന്ദന് നയിക്കുന്ന ജനകീയ പ്രതിരോധ യാത്രയില് എല്ഡിഎഫ് കണ്വീനര് ഇ പി ജയരാജന് പങ്കെടുത്തു. കഴിഞ്ഞ മാസം ആരംഭിച്ച ജാഥയില് ഇത് വരെ പങ്കെടുക്കാത്തതില് വിവാദം ഉടലെടുത്തതിന് പിന്നാലെയാണ് അദ്ദേഹം ഇന്ന് തൃശ്ശൂരില് വെച്ച് ജാഥയുടെ ഭാഗമായത്. ബിജെപിയെയും കേന്ദ്രസര്ക്കാരിനെയും നിശിതമായി വിമര്ശിക്കാനായിരുന്നു ഇ പി ജയരാജന് ജാഥാ വേദി വിനിയോഗിച്ചത്.
സംഘപരിവാര് നയിക്കുന്ന രാഷ്ട്രീയ പാര്ട്ടിയാണ് ബിജെപി എന്നും അവര് രാജ്യത്തെ ജനങ്ങള്ക്കായി ഒരു ദൗത്യവും വിര്വഹിക്കുന്നില്ലെന്നും ഇ പി ജയരാജന് കുറ്റപ്പെടുത്തി. അതേസമയം ട്രെയിന് യാത്രയ്ക്കിടയില് തനിക്ക് വെടിയേറ്റ സംഭവത്തെക്കുറിച്ചും അദ്ദേഹം പരാമര്ശിച്ചു. പിണറായി വിജയനായിരുന്നു അന്ന് അക്രമികളുടെ ടാര്ഗറ്റ്. എന്നാല് അന്ന് അദ്ദേഹം ട്രെയിനില് ഉണ്ടായിരുന്നില്ല. പിണറായി വിജയനെ അക്രമിച്ചാല് കൈയും കെട്ടി ഇരിക്കില്ല എന്നും ഇ പി മുന്നറിയിപ്പ് നല്കി.
ഇന്ത്യന് സ്വാതന്ത്രൃസമരത്തെ തകര്ക്കാനായി ബ്രിട്ടീഷുകാര് രൂപം കൊടുത്ത് വളര്ത്തിയെടുത്ത സംഘടനായാണ് ആര്എസ്എസ് എന്ന് ഇ പി ജയരാജന് പറഞ്ഞു. ഇന്ത്യയിലെ ഹിന്ദുക്കളുടെ സംരക്ഷമാണ് ആര്എസ്എസിന്റെ സ്ഥാപനോദ്ദേശ്യം എന്നത് തെറ്റാണെന്നും അദ്ദേഹം തുടര്ന്നു. ബിജെപിയുടെ നേതൃത്വത്തിലുള്ള കേന്ദ്രസര്ക്കാരിനെയും സിപിഎം നേതാവ് വിമര്ശിച്ചു. 2014 തിരഞ്ഞെടുപ്പ് മുതല് രാജ്യത്തെ ഒരു വര്ഗീയ ശക്തി കീഴടക്കിയതായും ഇന്ത്യന് രാഷ്ട്രീയം ഗുരുതരമായ പ്രതിസന്ധികളിലൂടെ കടന്നു പോകുന്നതായും അദ്ദേഹം അറിയിച്ചു.
https://www.facebook.com/Malayalivartha
