സെര്ച്ച് കമ്മിറ്റി രൂപവത്കരിക്കാനായി ആര്ക്കാണ് അവകാശം .... സര്ക്കാര്-ഗവര്ണര് പോരിനിടെ മൂന്നു സര്വകലാശാലകള് നാഥനില്ലാതെ തുടരുന്നു...
ഹൈക്കോടതി ഇടപെടലുണ്ടായിട്ടും സാങ്കേതിക സര്വകലാശാലയില് താത്കാലിക വി.സി. നിയമനത്തര്ക്കം തീര്ന്നിട്ടില്ല... സര്ക്കാര്-ഗവര്ണര് പോരിനിടെ മൂന്നു സര്വകലാശാലകള് നാഥനില്ലാതെ തുടരുകയാണ്. മറ്റു രണ്ട് സര്വകലാശാലകളിലെ വി.സി.മാരുടെ കാലാവധി കഴിയാറായി. സെര്ച്ച് കമ്മിറ്റി രൂപവത്കരിക്കാനായി ആര്ക്കാണ് അവകാശമെന്നതാണ് തര്ക്കം.
വി.സി. ഡോ. സിസാ തോമസിന്റെ സര്വീസ് കാലാവധി ഈ മാസം അവസാനിക്കുകയും ചെയ്യും . അവിടെയും സ്ഥിരം വി.സി.യുടെ കാര്യം അനിശ്ചിതത്വത്തിലാണ്.
കേരളയില് ഒക്ടോബറില് തീര്ന്നതാണ് വി.സി.യുടെ കാലാവധി. മലയാളം സര്വകലാശാലയില് വി.സി.യുടെ കാലാവധി ഫെബ്രുവരി 28ന് അവസാനിച്ചു.
മലയാളം സര്വകലാശാലയിലേക്ക് അഞ്ചംഗ സെര്ച്ച് കമ്മിറ്റി സര്ക്കാര് ശുപാര്ശചെയ്തത് ഗവര്ണറുമായുള്ള ഏറ്റുമുട്ടലിനു വഴിവെച്ചിട്ടുണ്ടായിരുന്നു. ഗവര്ണര് ഇതുവരെ ഒപ്പിടാത്ത സര്വകലാശാലാഭേദഗതി ബില്ലിലെ വ്യവസ്ഥയാണ് അഞ്ചംഗ സെര്ച്ച് കമ്മിറ്റി. ഏതു നിയമമനുസരിച്ചാണ് ഈ സെര്ച്ച് കമ്മിറ്റി രൂപവത്കരിച്ചതെന്ന് ഗവര്ണര് ഉന്നയിച്ച ചോദ്യത്തിന് സര്ക്കാര് ഇതുവരെ മറുപടി കൊടുത്തിട്ടില്ല.
കുസാറ്റ് വി.സി.യുടെ കാലാവധി ഏപ്രില് 25നും എം.ജി.യിലേത് മേയ് 27നും അവസാനിക്കും. കാര്ഷിക സര്വകലാശാലയില് കാര്ഷികോത്പാദന കമ്മിഷണര് ഡോ. ബി. അശോകിനെ വി.സി.യായി സര്ക്കാര് നിയമിച്ചതിലുള്ള പരാതി ഗവര്ണറുടെ പരിഗണനയിലിരിക്കുകയാണ്.
https://www.facebook.com/Malayalivartha
