ആറ്റുകാലില്‍ പൊങ്കാലയിടുവാന്‍ വരുന്നവര്‍ക്കായി റെയില്‍വേ സ്‌പെഷ്യല്‍ ട്രെയിന്‍ സര്‍വ്വീസുകളൊരുക്കുന്നു. മാര്‍ച്ച് 7ന് മൂന്ന് സ്‌പെഷ്യല്‍ ട്രെയിനുകള്‍ സര്‍വീസ് നടത്തുമെന്നും മറ്റു ട്രെയിനുകള്‍ക്ക് അധിക സ്‌റ്റോപ്പുകള്‍ അനുവദിച്ചിട്ടുണ്ട്.


മൂന്ന് അണ്‍റിസര്‍വ്ഡ് എക്‌സ്പ്രസ് സ്‌പെഷ്യല്‍ ട്രെയിനുകള്‍ക്ക് 6,7 തീയതികളില്‍ അധികമായി സെക്കന്‍ഡ് ക്ലാസ് ജനറല്‍ കോച്ചുകളും അനുവദിച്ചു. ദിവസേനയുള്ള നാഗര്‍കോവില്‍ കോട്ടയം അണ്‍റിസര്‍വ്ഡ് എക്‌സ്പ്രസ് (16366) 7ന് തിരുവനന്തപുരം സെന്‍ട്രലില്‍ നിന്ന് അരമണിക്കൂര്‍ വൈകി 3.05ന് പുറപ്പെടും.


7ന് ഉച്ച തിരിഞ്ഞ് 2.40ന് കൊച്ചുവേളിയില്‍ നിന്നു പുറപ്പെടേണ്ട അണ്‍റിസര്‍വ്ഡ് സ്‌പെഷ്യല്‍ ട്രെയിന്‍ ഒരു മണിക്കൂര്‍ വൈകി 3.40ന് പുറപ്പെടുകയും ചെയ്യും.

സ്‌പെഷ്യല്‍ ട്രെയിനുകളിതൊക്കെയാണ് എറണാകുളം ജംഗ്ഷനില്‍ നിന്ന് 7ന് പുലര്‍ച്ചെ 1.45ന് പുറപ്പെട്ട് രാവിലെ 6.30ന് തിരുവനന്തപുരത്ത് എത്തുന്നസ്‌പെഷ്യല്‍ ട്രെയിന്‍ നിറുത്തുന്ന സ്‌റ്റേഷനുകളും സമയവും: പിറവം റോഡ് (2.20), വൈക്കം (2.26), ഏറ്റുമാനൂര്‍ (2.42), കോട്ടയം (2.55), ചങ്ങനാശ്ശേരി (3.13), തിരുവല്ല (3.24), ചെങ്ങന്നൂര്‍ (3.35), മാവേലിക്കര (3.47), കായംകുളം (3.50, കരുനാഗപ്പള്ളി (4.13), കൊല്ലം (4.40), മയ്യനാട് (4.55), പരവൂര്‍ (5.00), വര്‍ക്കല (5.11), കടയ്ക്കാവൂര്‍ (5.22), ചിറയിന്‍കീഴ് (5.27), മുരുക്കുംപുഴ (5.35), കണിയാപുരം (5.39), കഴക്കൂട്ടം (5.45), കൊച്ചവേളി (5.53), പേട്ട (6.00). തിരുവനന്തപുരം എറണാകുളം ജംഗ്ഷന്‍
പൊങ്കാലയ്ക്ക് ശേഷം മടങ്ങുന്നവര്‍ക്കായി തിരുവനന്തപുരത്ത് നിന്ന് 7ന് ഉച്ചയ്ക്ക് 3.30ന് തിരിക്കുന്ന രണ്ടാമത്തെ ട്രെയിന്‍ രാത്രി 8.15ന് എറണാകുളം ജംഗ്ഷനിലെത്തും. ഇതേ സ്‌റ്റേഷനുകളില്‍ സ്‌റ്റോപ്പ് ഉണ്ടാകും.

തിരുവനന്തപുരം നാഗര്‍കോവില്‍ ട്രെയിന്‍7ന് ഉച്ചയ്ക്ക് 2.45ന് പുറപ്പെട്ട് വൈകിട്ട് 4.30ന് നാഗര്‍കോവിലില്‍ എത്തും. നേമം, ബാലരാമപുരം, നെയ്യാറ്റിന്‍കര, അമരവിള, ധനുവച്ചപുരം, പാറശാല, കുഴിത്തുറ വെസ്റ്റ്, കുഴിത്തുറ, പള്ളിയാടി, എരണിയല്‍ സ്‌റ്റേഷനുകളില്‍ നിറുത്തും. അണ്‍റിസര്‍വ്ഡ് എക്‌സ്പ്രസുകള്‍ക്ക് തിങ്കള്‍, ചൊവ്വ ദിവസങ്ങളില്‍ രണ്ട് ജനറല്‍ കോച്ചും അധികമായി അനുവദിച്ചിട്ടുണ്ട്.