എല്ലാവരുടേയും ശ്വാസകോശം സ്പോഞ്ചാണ് കളക്ടറെ;ഏഴു മുതലുള്ള ക്ലാസുകളിലേക്ക് കയറാത്ത ഒരു പ്രത്യേക തരം പുക, എറണാകുളം കളക്ടര് രേണു രാജിന് പൊങ്കാല
ഏഴാംക്ലാസിന് മുകളിലുള്ളവരുടെ ശ്വാസകോശം സ്പോഞ്ചുപോലെയല്ലേ?കളക്ടറേ. ബ്രഹ്മപുരം മാലിന്യ ശേഖരണ പ്ലാന്റിലെ തീപിടുത്തത്തില് സ്കൂളുകള്ക്ക് അവധി പ്രഖ്യാപിച്ചതില് പക്ഷാഭേതം കാണിച്ചെന്നും പറഞ്ഞ് കളക്ടര് രേണുരാജിന്റെ ഫേസ്ബുക് പേജില് പൊങ്കാല. ഏഴാം ക്ലാസ് വരേയുള്ള വിദ്യാര്ഥികള്ക്ക് മാത്രമാണ് കളക്ടര് അവധി പ്രഖ്യാപിച്ചത്. ഇതാണ് ചിലരെ ചൊടിപ്പിച്ചത്. ഇത് വലിയ വിവാദത്തിന് വഴിവെച്ചു. ഹാലിളകിയവര് കളക്ടറുടെ പേജില് വന്ന് ദേഷ്യം തീര്ത്തു. സ്കൂളുകള്ക്ക് അവധി പ്രഖ്യാപിക്കുന്ന സംഭവത്തില് ഇത് ആദ്യമായല്ല രേണുരാജ് പണിമേടിക്കുന്നത്. ഇതിന് മുന്പും പൊങ്കാലയേറ്റുവാങ്ങിയിട്ടുണ്ട്.
ഏഴാം ക്ലാസിന് മുകളിലുള്ളവരുടെ ശ്വാസകോശം സ്പോഞ്ചു പോലെയല്ലേ?', 'എഴാം ക്ലാസിന് മുകളില് ഉള്ള കുട്ടിക്കള്ക്ക് അന്തരീക്ഷ മലിനീകരണം മൂലം പ്രശ്നം വരില്ലേ', 'ഹൈസ്കൂള് കുട്ടികളുടെ അടുത്ത് എത്തുമ്പോള് പുക മാറിപോകുമോ?', ' ഏഴു മുതലുള്ള ക്ലാസുകളിലേക്ക് കയറാത്ത ഒരു പ്രത്യേക തരം പുകയാണ്' തുടങ്ങിയ കമന്റുകളാണ് ഫേസ്ബുക്ക് പോസ്റ്റിന് താഴെ വരുന്നത്. കൊച്ചിയിലും സമീപ പഞ്ചായത്തുകളിലും തിങ്കളാഴ്ച ഏഴു വരെയുള്ള ക്ലാസുകള്ക്ക് ഞായറാഴ്ച വൈകിട്ടാണ് കലക്ടര് അവധി പ്രഖ്യാപിച്ചത്. കൊച്ചി കോര്പറേഷനിലും തൃക്കാക്കര, മരട്, തൃപ്പൂണിത്തുറ മുനിസിപ്പാലിറ്റി പരിധികളിലുമാണ് അവധി ബാധകം. വടവുകോട് പുത്തന്കുരിശ്, കിഴക്കമ്പലം, കുന്നത്തുനാട് പഞ്ചായത്തുകളിലും ബാധകം. സിബിഎസ്ഇ, ഐസിഎസ്ഇ സ്കൂളുകളിലും അവധി ബാധകമായിരിക്കും. അങ്കണവാടികള്ക്കും ഡേ കെയറുകള്ക്കും അവധിയായിരിക്കും. അതേസമയം, പൊതുപരീക്ഷകള്ക്ക് മാറ്റമില്ലെന്ന് കലക്ടര് അറിയിച്ചിരുന്നു.
ജില്ലയിലെ വിവിധ പ്രദേശങ്ങളില് അന്തരീക്ഷത്തില് പുകയുടെ സാന്നിധ്യം റിപ്പോര്ട്ട് ചെയ്തിരിക്കുന്ന സാഹചര്യം ഉള്ളതിനാല് ആരോഗ്യപരമായ മുന്കരുതലിന്റെ ഭാഗമായി വടവുകോട് പുത്തന്കുരിശ് ഗ്രാമപഞ്ചായത്ത്, കിഴക്കമ്പലം ഗ്രാമപഞ്ചായത്ത്, കുന്നത്തുനാട് ഗ്രാമപഞ്ചായത്ത്, തൃക്കാക്കര മുനിസിപ്പാലിറ്റി, തൃപ്പൂണിത്തുറ മുനിസിപ്പാലിറ്റി, മരട് മുനിസിപ്പാലിറ്റി, കൊച്ചി മുനിസിപ്പല് കോര്പ്പറേഷന് എന്നീ തദ്ദേശ സ്ഥാപനങ്ങളിലെ അങ്കണവാടികള്, കിന്റര്ഗാര്ട്ടന്, ഡേ കെയര് സെന്ററുകള് എന്നിവയ്ക്കും സര്ക്കാര്, എയ്ഡഡ്, അണ് എയ്ഡഡ്, സിബിഎസ്ഇ, ഐസിഎസ്ഇ സ്കൂളുകളിലെ ഒന്നു മുതല് ഏഴു വരെയുള്ള ക്ലാസുകളിലെ വിദ്യാര്ത്ഥികള്ക്കും തിങ്കള് അവധിയായിരിക്കും. പൊതു പരീക്ഷകള്ക്ക് മാറ്റമില്ല' കലക്ടര് അറിയിച്ചു. ഇതിനിടെയാണ്, ഏഴാം ക്ലാസ് വരെയുള്ള വിദ്യാര്ഥികള്ക്കു മാത്രം അവധി അനുവദിച്ചത് വിവാദമായത്. പ്ലാസ്റ്റിക് വിഷപ്പുകയില് മുങ്ങിയ കൊച്ചി നഗരത്തില് സര്ക്കാര് അതീവ ജാഗ്രതാനിര്ദേശം പുറപ്പെടുവിച്ചിരുന്നു. പുക പടരാനുള്ള സാധ്യത കണക്കിലെടുത്ത് ബ്രഹ്മപുരത്തും സമീപ പ്രദേശങ്ങളിലും ആളുകള് ഇന്നു വീട്ടില് തന്നെ കഴിയണമെന്നു കലക്ടര് ഡോ. രേണുരാജിന്റെ നിര്ദേശവുമുണ്ടായിരുന്നു. ഞായറാഴ്ചയായതിനാല് അത്യാവശ്യമില്ലാത്ത കടകളും സ്ഥാപനങ്ങളും തുറക്കരുതെന്നും നിര്ദ്ദേശിച്ചിരുന്നു.
മുന്പും സ്കൂള് അവധി പ്രഖ്യാപനത്തില് കളക്ടര് പൊങ്കാലയേറ്റ് വാങ്ങിയിട്ടുണ്ട്. കലക്ടറെന്താ ഉറങ്ങിപ്പോയോ? പെരുമഴ കണ്ടില്ലാരുന്നോ' രാവിലെ മിക്ക സ്കൂളിലെയും വിദ്യാര്ഥികള് സ്കൂളിലെത്തിയ ശേഷം 8.25ന് അവധി പ്രഖ്യാപിച്ച കലക്ടറോടാണ് മാതാപിതാക്കളുടെ കലിപ്പ്. 'ഇന്എഫിഷ്യന്റ് കലക്ടര്' എന്നു ചില മാതാപിതാക്കള്. 'വെങ്കിട്ടരാമന്റെ ബ്രാന്ഡാണെന്നു തോന്നുന്നു' എന്നു മറ്റു ചിലര്. കഷ്ടം. 'ഇന്ന് ഈ പേജില് കുത്തിയിരുന്നു മടുത്താണു സ്കൂളില് വിട്ടത്' എന്ന് ഏഞ്ചല് റോസെന്ന യൂസര്. എന്തായാലും കമന്റ് ബോക്സ് നിറയെ എറണാകുളം ജില്ലാ കലക്ടര് ഡോ.രേണു രാജിനു പൊങ്കാല ആയിരുന്നു. നേരം വെളുക്കും മുമ്പേ ജില്ലയില് മഴ കനത്തതോടെ സ്കൂളുകള്ക്ക് അവധി പ്രഖ്യാപിക്കുമെന്ന പ്രതീക്ഷയിലായി വിദ്യാര്ഥികളും മാതാപിതാക്കളും. ഒടുവില് അവധി ഇല്ലെന്നു കണ്ടതോടെ വിദ്യാര്ഥികളെ ഒരുക്കി സ്കൂളില് വിടേണ്ടി വന്നു മാതാപിതാക്കള്ക്ക്. വിദ്യാര്ഥികളും മാതാപിതാക്കളും കലക്ടറു പേജില് കയറി അഭ്യര്ഥന നടത്തിയിട്ടും അവധി പ്രഖ്യാപിച്ചത് 8.25ന്. അപ്പോഴേക്കും കുട്ടികള് സ്കൂളിലെത്തിയിരുന്നു. അതുകൊണ്ടു തന്നെ ഫലത്തില് അവധി പ്രഖ്യാപിച്ചതിന്റെ യാതൊരു ഗുണവും വിദ്യാര്ഥികള്ക്കു ലഭിച്ചില്ലെന്നതാണ് മാതാപിതാക്കളെ പ്രകോപിപ്പിച്ചത്. അങ്ങനെ ആദ്യമായിട്ടൊന്നുമല്ല രേണു രാജിന് പണി കിട്ടുന്നത്.
https://www.facebook.com/Malayalivartha
