എല്ലാ നഗരസഭകളിലും പ്രധാന കേന്ദ്രങ്ങളിലും മാലിന്യ സംസ്കരണ കേന്ദ്രങ്ങള് ബിഒടി അടിസ്ഥാനത്തില് ഉണ്ടാക്കണം. അതിനു താല്പര്യപത്രം ക്ഷണിക്കണം. എല്ലാ ജില്ലകളിലും മെഡിക്കല് വേസ്റ്റ് സംസ്കരണ കേന്ദ്രവും സ്ഥാപിക്കണം. ഓരോ മണ്ഡലത്തിലും സുവിജ് ട്രീറ്റ്മെന്റ് പ്ലാന്റ് വേണം...' എന്നാണു നയരേഖയിലെ പരാമര്ശം.
മാലിന്യ നിര്മാര്ജനം തദ്ദേശ സ്ഥാപനങ്ങളുടെ പ്രധാന ഉത്തരവാദിത്തമാണെന്നിരിക്കെ, ഈ രംഗം സ്വകാര്യ മേഖലയ്ക്കു കൈമാറാനുള്ള സിപിഎം തീരുമാനം ബ്രഹ്മപുരത്തെ വിഷപ്പുകയുടെ പശ്ചാത്തലത്തില് വന് വിവാദമാകുന്നു. പാര്ട്ടി തീരുമാനത്തിന്റെ ചുവടുപിടിച്ചു സംസ്ഥാനത്തെ കോര്പറേഷനുകളിലും നഗരസഭകളിലും ബിഒടി (ബില്ഡ്-ഓപ്പറേറ്റ്-ട്രാന്സ്ഫര്) വ്യവസ്ഥയില് മാലിന്യ നിര്മാര്ജന പ്ലാന്റുകള് ആരംഭിക്കാനുള്ള നടപടികള്ക്കു സര്ക്കാര് തുടക്കമിട്ടെങ്കിലും വിവരങ്ങള് രഹസ്യമാക്കി വച്ചിരിക്കുകയാണ്.
എറണാകുളത്തു നടന്ന സിപിഎം സംസ്ഥാന സമ്മേളനത്തില് മുഖ്യമന്ത്രി പിണറായി വിജയന് അവതരിപ്പിച്ച 'നവകേരളത്തിനുള്ള പാര്ട്ടി കാഴ്ചപ്പാട്' എന്ന നയരേഖയിലൂടെയാണു ബിഒടി വ്യവസ്ഥയില് മാലിന്യ സംസ്കരണ പദ്ധതികള്ക്കു സര്ക്കാരിനു പാര്ട്ടി പച്ചക്കൊടി കാട്ടിയത്. ' എല്ലാ നഗരസഭകളിലും പ്രധാന കേന്ദ്രങ്ങളിലും മാലിന്യ സംസ്കരണ കേന്ദ്രങ്ങള് ബിഒടി അടിസ്ഥാനത്തില് ഉണ്ടാക്കണം. അതിനു താല്പര്യപത്രം ക്ഷണിക്കണം. എല്ലാ ജില്ലകളിലും മെഡിക്കല് വേസ്റ്റ് സംസ്കരണ കേന്ദ്രവും സ്ഥാപിക്കണം. ഓരോ മണ്ഡലത്തിലും സുവിജ് ട്രീറ്റ്മെന്റ് പ്ലാന്റ് വേണം...' എന്നാണു നയരേഖയിലെ പരാമര്ശം.
ബ്രഹ്മപുരം മാലിന്യ പ്ലാന്റില് ബയോ മൈനിങ് നടത്താന് സിപിഎം നേതാവ് വൈക്കം വിശ്വന്റെ മരുമകന്റെ കമ്പനിക്കു കരാര് കൊടുത്ത മാതൃകയില് വിവിധ നഗരങ്ങളില് പാര്ട്ടിക്കു താല്പര്യമുള്ള കമ്പനികളെ ബിഒടി അടിസ്ഥാനത്തില് ഏല്പിക്കാനാണു നീക്കം. കൊല്ലം കോര്പറേഷന്റെ ചണ്ടി ഡിപ്പോയില് ബയോ മൈനിങ് നടത്താന് ഈ കമ്പനി നേരത്തേ ടെന്ഡര് എടുത്തെങ്കിലും കമ്പനിയുടെ പ്രാപ്തിയില് സംശയം തോന്നി അന്നത്തെ സിപിഐ മേയര് ഇടപെട്ടു കമ്പനിയെ ഒഴിവാക്കി.
എന്നാല് ഇപ്പോള് ഇതേ ചണ്ടി ഡിപ്പോയില് ജൈവ മാലിന്യങ്ങളില് നിന്നു വൈദ്യുതി ഉല്പാദിപ്പിക്കാനുള്ള പദ്ധതിക്ക് ഈ കമ്പനിക്കു സര്ക്കാര് നേരിട്ടു കരാര് നല്കി. കോഴിക്കോട് ഉള്പ്പെടെ മറ്റു ചില ജില്ലകളിലും കമ്പനിക്കു കരാര് നല്കിയതായാണു വിവരം. പദ്ധതി നടത്തിപ്പിനു കേരള സംസ്ഥാന വ്യവസായ വികസന കോര്പറേഷനുമായി ചേര്ന്നു പ്രത്യേക കണ്സോര്ഷ്യവും രൂപീകരിച്ചിട്ടുണ്ട്. ഇതിന്റെ വിവരങ്ങള് അതതു തദ്ദേശ സ്ഥാപനങ്ങള്ക്കു പോലും വ്യക്തമായ വിവരമില്ല.
ജില്ലകളില് മെഡിക്കല് മാലിന്യ സംസ്കരണ കേന്ദ്രങ്ങള്, സുവിജ് ട്രീറ്റ്മെന്റ് പ്ലാന്റുകള് എന്നിവ സ്ഥാപിക്കാന് പാര്ട്ടി താല്പര്യമുള്ള സ്വകാര്യ കമ്പനികള്ക്കു കരാര് നല്കാനുള്ള നീക്കവും സജീവമാണ്.
https://www.facebook.com/Malayalivartha
