ബ്രഹ്മപുരത്തെ പുകയണക്കാനുള്ള ശ്രമം തുടരുന്നു... പുക ശമിക്കുന്നു.... മലിനീകരണതോതില് കുറവില്ല... ഇനി അണയാനുള്ളത് ചതുപ്പ് പ്രദേശങ്ങളിലെ കൂനകളില്, വിദ്യാഭ്യാസ സ്ഥാപനങ്ങള്ക്ക് മൂന്നു ദിവസം കൂടി അവധി
ബ്രഹ്മപുരത്തെ പുകയണക്കാനുള്ള ശ്രമം തുടരുന്നു... പുക ശമിക്കുന്നു.... മലിനീകരണതോതില് കുറവില്ല... ഇനി അണയാനുള്ളത് ചതുപ്പ് പ്രദേശങ്ങളിലെ കൂനകളില്, വിദ്യാഭ്യാസ സ്ഥാപനങ്ങള്ക്ക് മൂന്നു ദിവസം കൂടി അവധി പ്രഖ്യാപിച്ചു.
95 % പ്രദേശത്തെ തീയും പുകയും അണച്ചെന്ന് ജില്ലഭരണകൂടം അറിയിച്ചു. അഞ്ച് ശതമാനം ഭാഗത്തെ തീയണക്കായാനായി കൂടുതല് മണ്ണുമാന്ത്രി യന്ത്രങ്ങളും അഗ്നിരക്ഷ യൂണിറ്റുകളും ഇവിടേക്ക് മാറ്റി. തീപിടിത്തത്തിന്റെ പശ്ചാത്തലത്തില് ആരോഗ്യ സേവനം ഉറപ്പുവരുത്താനായി ആരോഗ്യ വകുപ്പിന്റെ നേതൃത്വത്തില് രണ്ട് മൊബൈല് മെഡിക്കല് യൂണിറ്റുകള് ഇന്ന് മുതല് വൈറ്റില മേഖലയില് പ്രവര്ത്തിക്കും.
ശ്വാസകോശ സംബന്ധമായ രോഗലക്ഷണങ്ങള് നിരീക്ഷിക്കുന്നതിനും അടിയന്തര വൈദ്യ സഹായം ലഭ്യമാക്കുന്നതിനുമാണ് സംവിധാനം.
ബ്രഹ്മപുരം മാലിന്യപ്രശ്നം ഇന്ന് നിയമസഭയില് പ്രതിപക്ഷം സര്ക്കാറിനെതിരെ ഉന്നയിക്കും. 12 ദിവസമായിട്ടും പുക ഉണ്ടാക്കുന്ന പ്രശ്നങ്ങള്ക്ക് പരിഹാരം കാണാനാകാത്തതും സര്ക്കാറിന്റെ വീഴ്ചകളും പറയാനാണ് പ്രതിപക്ഷ നീക്കം.
ബ്രഹ്മപുരത്തെ അഗ്നിബാധയുടെ പശ്ചാത്തലത്തില് ഹൈക്കോടതി സ്വമേധയാ എടുത്ത കേസ് ഡിവിഷന് ബെഞ്ച് ഇന്ന് വീണ്ടും പരിഗണിക്കും. ഹൈക്കോടതി നിയോഗിച്ച വിദഗ്ധരുള്പ്പെട്ട നിരീക്ഷണ സമിതി ശനിയാഴ്ച വൈകുന്നേരം മാലിന്യ പ്ലാന്റ് സന്ദര്ശിച്ചിരുന്നു. ഇവരുടെ റിപ്പോര്ട് കോടതി ഇന്ന് പരിഗണിക്കും.
തദ്ദേശ സ്വയം ഭരണ അഡീഷണല് ചീഫ് സെക്രട്ടറി, ജില്ലാ കലക്ടര്, കോര്പറഷന് സെക്രട്ടറി എന്നിവരോട് എല്ലാ സിറ്റിങ്ങിലും ഹാജരാകാനായി ആവശ്യപ്പെട്ടിട്ടുണ്ട്. ബ്രഹ്മപുരത്തെ മാലിന്യ പ്രശ്നത്തിന്റെ പശ്ചാത്തലത്തില് ഉമാ തോമസ് എം എല് എ നല്കിയ ഹര്ജിയും ഹൈക്കോടതിയുടെ പരിഗണനയ്ക്ക് വരുന്നുണ്ട്.
അതേസമയം ബ്രഹ്മപുരത്തെ തീ ഉണ്ടാക്കാവുന്ന ദീര്ഘകാല ആരോഗ്യ ഭീഷണികള് കണ്ടെത്താനായി സര്ക്കാര് അടിയന്തിരമായി വിദഗ്ധ പരിശോധനകള്ക്ക് തയ്യാറാകണമെന്ന് ആരോഗ്യവിദഗ്ധര്. ദിവസങ്ങളോളം കത്തിയ മാലിന്യപ്പുകയിലൂടെ വായുവിലും വെള്ളത്തിലും മണ്ണിലും കലര്ന്ന വിഷ പദാര്ത്ഥങ്ങള് ബ്രഹ്മപുരത്ത് മാത്രമൊതുങ്ങില്ലെന്നാണ് വിദഗ്ധര് പറയുന്നത്.
അതേസമയം പ്രശ്ന ബാധിത മേഖലകളിലെ വിദ്യാഭ്യാസ സ്ഥാപനങ്ങള്ക്ക് മൂന്ന് ദിവസത്തേക്ക് അവധി പ്രഖ്യാപിച്ചു. അതേസമയം എസ്എസ്എല്സി, ഹയര്സെക്കന്ഡറി പ്ലസ് വണ്, പ്ലസ്ടു വിഎച്ച് എസ് ഇ. പൊതു പരീക്ഷകള്ക്കു സര്വകലാശാലകളുടെ പരീക്ഷകള്്ക്കും അവധി ബാധകമല്ല.
"
https://www.facebook.com/Malayalivartha
