അധികാരമുപയോഗിച്ച് എതിരഭിപ്രായങ്ങളെ അടിച്ചമർത്താനുള്ള സംഘപരിവാർ ശ്രമങ്ങളുടെ ഒടുവിലത്തെ ഉദാഹരണമാണ് തിടുക്കപ്പെട്ട് രാഹുൽ ഗാന്ധിയുടെ ലോക്സഭാ അംഗത്വം റദ്ദാക്കാനുള്ള ഉത്തരവ്. തുറന്നടിച്ച് കെകെ ശൈലജ ടീച്ചർ. ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ;

അധികാരമുപയോഗിച്ച് എതിരഭിപ്രായങ്ങളെ അടിച്ചമർത്താനുള്ള സംഘപരിവാർ ശ്രമങ്ങളുടെ ഒടുവിലത്തെ ഉദാഹരണമാണ് തിടുക്കപ്പെട്ട് രാഹുൽ ഗാന്ധിയുടെ ലോക്സഭാ അംഗത്വം റദ്ദാക്കാനുള്ള ഉത്തരവ്. തെരഞ്ഞെടുപ്പ് പ്രചാരണത്തിൻ്റെ ഭാഗമായി രാഹുൽ ഗാന്ധി നടത്തിയ പ്രസംഗത്തിൻ്റെ പേരിലാണ് കേസ് രജിസ്റ്റർ ചെയ്തതും കോടതി വിധിയുണ്ടായതും.

വിധിക്കെതിരെ രാഹുൽ ഗാന്ധി മേൽക്കോടതിയിൽ അപ്പീൽ നൽകിയ സാഹചര്യത്തിൽ തിടുക്കപ്പെട്ട് ലോക്സഭാ അംഗത്വത്തിന് അയോഗ്യത കൽപ്പിച്ചുള്ള ഉത്തരവ് രാഷ്ട്രീയ ലക്ഷ്യം മുൻനിർത്തിയാണ്. അധികാരത്തിലേറിയത് മുതൽ രാജ്യത്തിൻ്റെ ജനാധിപത്യത്തിനും ഭരണഘടനാ മൂല്യങ്ങൾക്കുമെതിരെ ഹിംസാത്മകമായ കടന്നുകയറ്റമാണ് സംഘപരിവാർ ശക്തികൾ തുടർന്നുകൊണ്ടിരിക്കുന്നത്.ഇതിനെതിരെ ശക്തമായ പ്രതിഷേധങ്ങൾ ഉയർന്നുവരണം. രാജ്യത്തിൻ്റെ ജനാധിപത്യ മൂല്യങ്ങളും ഭരണഘടനയും സംരക്ഷിക്കാനുള്ള പോരാട്ടത്തിൽ മുഴുവൻ ജനങ്ങളും അണിനിരക്കണം.