ദേവികുളം നിയമസഭ തെരഞ്ഞെടുപ്പ് വിജയം റദ്ദാക്കിയ ഹൈക്കോടതി വിധിക്കെതിരെ എ രാജ സുപ്രീംകോടതിയില് അപ്പീല് നല്കി
ദേവികുളം നിയമസഭ തെരഞ്ഞെടുപ്പ് വിജയം റദ്ദാക്കിയ ഹൈക്കോടതി വിധിക്കെതിരെ എ രാജ സുപ്രീംകോടതിയില് അപ്പീല് നല്കി. ഹൈക്കോടതി വിധി ഔദ്യോഗിക രേഖകള് പരിശോധിക്കാതെയാണെന്ന് ഹര്ജിയില് രാജ . അഭിഭാഷകന് ജി പ്രകാശാണ് രാജയ്ക്കായി ഹര്ജി ഫയല് ചെയ്തത്.
തന്റെ പൂര്വികര് 1950 മുന്പ് കേരളത്തിലേക്ക് കുടിയേറിയവരാണ്. വിവാഹം നടന്നത് ഹിന്ദു ആചാരപ്രകാരമാണ്. സംവരണത്തിന് എല്ലാ അര്ഹതയും ഉള്ള വ്യക്തിയാണ് താനെന്നും എ രാജ അപ്പീലില് വ്യക്തമാക്കുന്നുണ്ട്.
ഈ പശ്ചാത്തലത്തില് ഹൈക്കോടതി വിധി റദ്ദാക്കണമെന്നും രാജ സുപ്രീം കോടതിയില് നല്കിയ അപ്പീലില് ആവശ്യപ്പെട്ടിട്ടുണ്ട്.
യുഡിഎഫ് സ്ഥാനാര്ത്ഥിയായ ഡി കുമാര് നല്കിയ ഹര്ജി പരിഗണിച്ചാണ് ഹൈക്കോടതി സിപിഎം നേതാവ് എ രാജയുടെ തെരഞ്ഞെടുപ്പ് വിജയം റദ്ദാക്കിയത്. അപ്പീല് നല്കുന്നതിനായി വിധിക്ക് ഹൈക്കോടതി ഇടക്കാല സ്റ്റേ നല്കിയിട്ടുണ്ടായിരുന്നു.
"
https://www.facebook.com/Malayalivartha
