കോഴിക്കോട് എലത്തൂരിൽ ട്രെയിൻ യാത്രക്കാരെ തീവച്ച കേസിലെ കുറ്റവാളിയെ അതിവേഗത്തിലാണ് പിടിക്കൂടിയത്. ആ യജ്ഞത്തെ എത്ര പ്രശംസിച്ചാലും മതിയാകില്ല. കേരളത്തെ നടുക്കിയ ആ വലിയ അപകടത്തിന് പിന്നിൽ പ്രവർത്തിച്ച പ്രതിയെ ദ്രുതഗതിയിൽ കീഴടക്കിയത് ഇന്ത്യയിലെ അന്വേഷണ ഏജൻസികൾ ഊർജ്ജിതമായി ഒന്നിച്ച് പ്രവർത്തിച്ചതിലൂടെയാണ്. ഏതൊക്കെ ഏ​ജ​ൻ​സി​കൾ അന്വേഷിച്ചു ? എങ്ങനെ ഒക്കെ പ്രവർത്തിച്ചു എന്നതിന്റെ വിശദാ൦ശങ്ങൾ നമുക്ക് വിശദമായി പരിശോധിക്കാം

കേ​ന്ദ്ര​ ​ഇ​ന്റ​ലി​ജ​ൻ​സ് ​ബ്യൂ​റോയുടെ പ്രവർത്തനങ്ങൾ ഇങ്ങനെയായിരുന്നു; ഷാ​രൂ​ഖ് ​സ്ഥി​ര​മാ​യി​ ​ഉ​പ​യോ​ഗി​ച്ചി​രു​ന്ന​ ​ഫോ​ൺ​ ന​മ്പ​ർ​ ​ഇവർ നി​രീ​ക്ഷി​ച്ചു. ര​ത്ന​ഗി​രി​ ​റെ​യി​ൽ​വേ​ ​സ്റ്റേ​ഷ​ന​ടു​ത്ത് ​എ.​ടി.​എം​ ​ട​വ​റി​ന്റെ​ ​പ​രി​ധി​യി​ൽ​ ​രാ​ത്രി​ ​ഫോ​ൺ​ ​ഓണാ​യി. ഈ ​വി​വ​രം​ ​മ​ഹാ​രാ​ഷ്ട്ര​ ​തീവ്രവാദ ​വി​രു​ദ്ധ​സേ​ന​യ്ക്ക് അതായത് എ.​ടി.​എ​സിന് നൽകി. ​

രണ്ടാമത്തെത് മ​ഹാ​രാ​ഷ്ട്ര​ ​പൊ​ലീ​സാണ്. ര​ത്ന​ഗി​രി​ ​റെ​യി​ൽ​വേ​ ​സ്റ്റേഷ​ന​ടു​ത്ത് ​സി​വി​ൽ​ ​ആ​ശു​പ​ത്രി​യി​ൽ​ ​ഷാ​രൂ​ഖ് ​ചി​കി​ത്സ​ ​തേ​ടിയെന്ന വിവരം ഡോ​ക്ട​ർ​ ​വെളിപ്പെടുത്തി. ഈ വിവരമുടനെ തന്നെ ​പൊ​ലീ​സ് ​എ.​ടി.​എ​സി​നെ​ ​അ​റി​യി​ച്ചു .​ ​ഇതിനിടയിൽ ഷാരുഖ് ആ​ശു​പ​ത്രി​യി​ൽ​ ​നി​ന്ന് ​ര​ക്ഷ​പ്പെട്ടിരുന്നു. ഇയാൾക്കായി വമ്പൻ തെ​ര​ച്ചി​ൽ നടത്തി .

അന്വേഷണങ്ങൾ പുരോഗമിക്കുന്നതിനിടയിൽ ​റെ​യി​ൽ​വേ​ ​സം​ര​ക്ഷ​ണ​ ​സേനയുടെ മുന്നിലാണ് പ്രതി വന്നു പെട്ടത്. റെ​യി​ൽ​വേ​ ​സ്റ്റേ​ഷ​നി​ലെ​ത്തി​ ​ഒ​രു​ ​മൂ​ല​യ്ക്ക് ​കി​ട​ന്നു​റ​ങ്ങു​ക​യാ​യി​രു​ന്ന​ ​ഷാ​രൂഖ്. റെ​യി​ൽ​വേ​ ​സം​ര​ക്ഷ​ണ​ ​സേന ഇയാളെ ​ക​ണ്ടെത്തി ത​ട​ഞ്ഞു​വ​ച്ചു . ഈ വിവരമറിഞ്ഞയുടനെ ​മ​ഹാ​രാ​ഷ്ട്ര​ ​ഭീ​ക​ര​വി​രു​ദ്ധ​സേന ര​ത്ന​ഗി​രി​യി​ലേ​ക്ക് ​കുതിച്ചെത്തുന്നു. ​ട്രെ​യി​നി​ൽ​ ​ര​ക്ഷ​പ്പെ​ടാ​നൊ​രു​ങ്ങി​യ​ ​ഷാ​രൂ​ഖി​നെ​ ​റെ​യി​ൽ​വേ​ ​സം​ര​ക്ഷ​ണ​ ​സേ​ന​യു​ടെ​ ​സ​ഹാ​യ​ത്തോ​ടെയാണ് ​ ​പി​ടി​കൂടിയത്. ഇവർ തന്നെയാണ് ഇയാളെ ചോ​ദ്യം ​ചെ​യ്ത് ​പ്ര​തി​യെ​ന്ന് ​ഉ​റ​പ്പിച്ചത്. തൊട്ട് പി​ന്നാ​ലെ​ ​ കേ​ര​ള​ ​പൊ​ലീ​സി​നോട് ഈ വിവരം അ​റി​യി​ക്കു​ന്നു.

​കേ​ര​ള​ ​പൊ​ലീസും കനത്ത അന്വേഷണം തന്നെയായിരുന്നു നടത്തിയത്. ഷാരൂ​ഖി​നാ​യി​ ​ഡ​ൽ​ഹി​യി​ലും​ ​യു.​പി​യിലു​മ​ട​ക്കം​ വമ്പൻ നീക്കങ്ങളായിരുന്നു നടത്തിയത്. കേ​ന്ദ്ര​ഏ​ജ​ൻ​സി​ക​ളു​മാ​യി​ ​നി​ര​ന്ത​ര​ ​സ​മ്പ​ർ​ക്ക​ത്തിലേർപ്പെട്ടു കൊണ്ടിരുന്നു. വി​ര​ല​ട​യാ​ള​മ​ട​ക്കം​ ​ശാ​സ്ത്രീ​യ​ ​തെ​ളി​വു​ക​ൾ​ ​കൈ​മാ​റിയായിരുന്നു ​ ​സം​യു​ക്ത​ ​അ​ന്വേ​ഷ​ണം പുരോഗമിച്ചത്.

മാത്രമല്ല എ​ൻ.​ ​ഐ.​ എയും അന്വേഷണം ഏറ്റെടുത്തു. ഷാ​രൂ​ഖി​ന് ​തീ​വ്ര​വാ​ദ​ബ​ന്ധ​മു​ണ്ടോ​യെ​ന്ന് ​വി​ശ​ദ​മാ​യി​ ​പ​രി​ശോ​ധി​ക്കുകയാണ് എ​ൻ.​ ​ഐ.​ എ .​ ​മ​റ്റേ​തെ​ങ്കി​ലും​ ​സം​ഭ​വ​ത്തി​ലെ​യോ​ ​ശി​ക്ഷാ​വി​ധി​യി​ലെ​യോ​ ​പ്ര​തി​കാ​ര​മാ​ണോ​ ​തീ​വ​യ്പ്പെ​ന്ന കാര്യവും വിശദമായി ​അ​ന്വേ​ഷി​ക്കു​കയാണ് എ​ൻ.​ ​ഐ.​ എ. ഇവരുടെയെല്ലാം സംയുക്ത അന്വേഷണത്തിന്റെ ഫലമായിട്ടാണ് പ്രതി കുടുങ്ങിട്ടിരിക്കുന്നത്. വളരെ പ്രസംശനീയമായ പ്രവർത്തനം.

ചൊ​വ്വ​ ​രാ​ത്രി​ 10.30ന് ര​ത്ന​ഗി​രി​യി​ലെ​ ​സി​വി​ൽ​ ​ആ​ശു​പ​ത്രി​യി​ൽ ഇയാൾ ചി​കി​ത്സ​ ​തേടിയിരുന്നു. ​രാ​ത്രി​ 10.40ന് ഡോ​ക്ട​റു​ടെ​ ​പെ​രു​മാ​റ്റ​ത്തി​ൽ​ ​പ​ന്തി​കേ​ടു​ ​തോ​ന്നി​ ​ചി​കി​ത്സ​ ​പൂ​ർ​ത്തി​യാ​ക്കാ​തെ​ ​ര​ക്ഷ​പ്പെടുകയും ചെയ്തു. രാ​ത്രി​ 11.30ന് റെ​യി​ൽ​വേ​ ​സ്റ്രേ​ഷ​ന​ടു​ത്ത് ​എ.​ടി.​എം​ ​ട​വ​റി​ന്റെ​ ​പ​രി​ധി​യി​ൽ​ ​ര​ണ്ടു​ ​നി​മി​ഷ​ത്തേ​ക്ക് ​ഫോ​ൺ​ ​ഓ​ണാ​ക്കി.​ ഇ​താണ് ​ഐ.​ബി​ ​തി​രി​ച്ച​റി​ഞ്ഞത്.