കേരളത്തെ നടുക്കിയ സോളാര്‍ സംഭവത്തിന്റെ ക്ലൈമാക്‌സ് ഒടുവില്‍ ഇങ്ങനെ. സിഡി കണ്ടെത്തുന്നതിനായി കോയമ്പത്തൂരില്‍ ബിജുവും സോളാര്‍ കമ്മീഷനും പോലീസ് സംഘവും എത്തിയെങ്കിലും സിഡി കണ്ടെത്താനായില്ല. താന്‍ കൊടുത്ത സിഡി ആരോ മനപൂര്‍വ്വം മാറ്റിയിട്ടുണ്ടെന്ന് ബിജു പറഞ്ഞു.
ശെല്‍വപുരം വടക്കേ കോളനിയിലെ ശെല്‍വി എന്ന സ്ത്രീയുടെ കൈവശം സി.ഡി ഉണ്ടെന്നാണ് ബിജു പോലീസിനോട് പറഞ്ഞത്. ശെല്‍വിയെ പോലീസ് കണ്ടെത്തിയെങ്കിലും സി.ഡി കൈവശം ഇല്ലെന്ന് അവര്‍ പറഞ്ഞു. പോലീസിനെക്കൂട്ടി എന്തിനാണ് തന്നെ അന്വേഷിച്ച് എത്തിയതെന്ന് ചോദിച്ച് ശെല്‍വി ബിജു രാധാകൃഷ്ണനോട് കയര്‍ത്തു. സി.ഡി ലഭിക്കുമെന്ന പ്രതീക്ഷയില്‍ ശെല്‍വിയുടെ ബന്ധു ചന്ദ്രനെ തിരയുകയാണ് പോലീസ്.
സോളാര്‍ കമ്മീഷന്റെ നിര്‍ദ്ദേശാനുസരണമാണ് സി.ഡി പിടിച്ചെടുക്കാന്‍ സംഘം ഉച്ചയോടെ യാത്രതിരിച്ചത്. പോലീസ് ഉദ്യോഗസ്ഥരും സോളാര്‍ കമ്മീഷന്‍ അഭിഭാഷകനും ബിജു രാധാകൃഷ്ണനും ഉള്‍പ്പെട്ട ആറംഗ സംഘമാണ് പോലീസ് വാഹനത്തില്‍ കോയമ്പത്തൂരില്‍ എത്തിയത്. കേരള അതിര്‍ത്തി കടന്നതിനുശേഷം പോലീസ് സംരക്ഷണത്തോടെ ആയിരുന്നു യാത്ര.
പോലീസ് ശെല്‍വപുരത്ത് എത്തിച്ച ബിജു രാധാകൃഷ്ണനെ നാട്ടുകാര്‍ തിരിച്ചറിഞ്ഞു. കോളിളക്കം സൃഷ്ടിച്ച സോളാര്‍ കേസുമായി ബന്ധപ്പെട്ട അന്വേഷണത്തിന്റെ ഭാഗമായാണ് ബിജു രാധാകൃഷ്ണനെ ശെല്‍വപുരത്ത് എത്തിച്ചതെന്നും നാട്ടുകാര്‍ തിരിച്ചറിഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha