ലൈഫ് മിഷൻ കോഴക്കേസിൽ നിർണായകമായ നീക്കം നടത്തിയിരിക്കുകയാണ് സുപ്രീംകോടതി. ഇഡിക്ക് സുപ്രീം കോടതി നോട്ടീസ് അയച്ചിരിക്കുകയാണ് എന്ന പ്രധാന വിവരമാണ് ഇപ്പോൾ പുറത്ത് വരുന്നത്. ജാമ്യം തേടി എം ശിവശങ്കർ സമർപ്പിച്ച ഹർജിയിലാണ് സുപ്രീംകോടതി ഇഡിക്കെതിരെ ഈ നീക്കം നടത്തിയിരിക്കുന്നത്.

ജസ്റ്റിസ് വി.രാമസുബ്രഹ്മണ്യം,ജസ്റ്റിസ് പങ്കജ് മിത്തൽ എന്നിവിടരങ്ങിയ ബെഞ്ചിന്‍റെയാണ് ഈ നടപടി. സുപ്രീം കോടതി നൽകിയിരിക്കുന്ന മറ്റൊരു നിർദ്ദേശം, ഇഡിയുടെ സ്റ്റാൻഡിംഗ് കൌൺസൽ വഴി നോട്ടീസ് കൈമാറാനാണ്. ഈ മാസം പതിനേഴിനുള്ളിൽ നോട്ടീസിന് മറുപടി നൽകണമെന്ന് കോടതി കർശന നിർദ്ദേശം കൊടുത്തിരിക്കുകയാണ്. എന്തായാലും ഈ നോട്ടീസിൽ മേൽ എന്ത് നടപടി ഇ ഡി സ്വീകരിക്കുമെന്നതാണ് ഏവരും ഉറ്റുനോക്കുന്നത്.