താനൂര്‍ ബോട്ടപകടത്തില്‍ ദുഃഖം അറിയിച്ച് മോഹന്‍ലാലും മമ്മൂട്ടിയും. ഇരുവരും സോഷ്യല്‍ മീഡിയയിലൂടെയാണ് ദുഃഖം പങ്കുവച്ചത്. വളരെയധികം വേദനയുണ്ടാക്കുന്ന ദുരന്തമാണ് സംഭവിച്ചത്. ഇരുപതിലധികം വിലപ്പെട്ട മനുഷ്യ ജീവനുകളാണ് നഷ്ടമായത്. മരണപ്പെട്ടവരുടെ കുടുംബത്തിന്റെ ദുഃഖത്തില്‍ പങ്കുചേരുന്നു. മോഹന്‍ലാല്‍ ഫേസ്ബുക്ക് പോസ്റ്റില്‍ കുറിച്ചു. മരണപ്പെട്ടവരുടെ കുടുംബാംഗങ്ങളെ അനുശോചനമറിയിച്ച മമ്മൂട്ടി ആശുപത്രിയിലുള്ളവര്‍ എത്രയും വേഗം സുഖം പ്രാപിക്കാനായി പ്രാര്‍ത്ഥിക്കുന്നതായും ഫേസ്ബുക്ക് പോസ്റ്റിലൂടെ അറിയിച്ചു.

അതേസമയം മലപ്പുറം താനൂരില്‍ കഴിഞ്ഞ ദിവസം അപകടത്തില്‍പ്പെട്ട ബോട്ടിന്റെ ഉടമയായ നാസറിനെ പൊലീസ് അറസ്റ്റ് ചെയ്തു. ഒളിവിലായിരുന്ന ഇയാളെ കോഴിക്കോട് നിന്നാണ് പിടികൂടിയത്. നാസറിനെതിരെ ജാമ്യമില്ലാ വകുപ്പനുസരിച്ച് പൊലീസ് കേസെടുത്തു. നരഹത്യയ്ക്കാണ് കേസെടുത്തിരിക്കുന്നത്. നാസറിന്റെ കാര്‍ വാഹനപരിശോധനയ്ക്കിടെ പൊലീസ് നേരത്തെ പിടികൂടിയിരുന്നു.