ആലപ്പുഴ ഹരിപ്പാട് ബൈക്ക് അപകടത്തില്‍ പരുക്കേറ്റ യുവാവ് ചികിത്സയിലിരിക്കെ മരിച്ചു...ആറാട്ടുപുഴ കളളിക്കാട് തകിടിയില്‍ മനോഹരന്റെ മകന്‍ മനു (24) വാണ് മരിച്ചത്.

കഴിഞ്ഞദിവസം രാത്രി ഒന്‍പതരയോടെ കാര്‍ത്തികപ്പളളി പാലത്തിനു പടിഞ്ഞാറു ഭാഗത്തായിരുന്നു അപകടം സംഭവിച്ചത്. തലയ്ക്ക് ഗുരുതരമായി പരിക്കേറ്റ മനു ആശുപത്രിയില്‍ ചികിത്സയിലിരിക്കെയാണ് മരണപ്പെട്ടത്.

ശനിയാഴ്ച രാത്രി എട്ടരയോടെ എറണാകുളത്തെ സ്വകാര്യ ആശുപത്രിയില്‍ വെച്ചായിരുന്നു അന്ത്യം. അമ്മ: രശ്മി. സഹോദരി മാളു.