ഡോക്‌ടർ വന്ദന രോഗിയുടെ ആക്രമണത്തിൽ കൊല്ലപ്പെട്ട വിഷയത്തിൽ ആരോഗ്യമന്ത്രി നടത്തിയ പ്രതികരണം വലിയ വിവാദമായിരിക്കുകയാണ്. 'ഈ മോൾ ഒരു ഹൗസ് സർജനാണ്. അത്ര എക്സ്പീരിയൻസ്ഡ് അല്ല. അതു കൊണ്ട് ഇങ്ങനെ ഒരു അക്രമം ഉണ്ടായപ്പോൾ ഭയന്നിട്ടുണ്ട്' എന്നായിരുന്നു ആരോഗ്യമന്ത്രിയുടെ പ്രതികരണം. ഇപ്പോൾ ഇതാ ഈ വിഷയത്തിൽ രാഹുൽ മാങ്കൂട്ടം ആരോഗ്യ മന്ത്രിക്കെതിരെ നിർണായക പ്രതികരണം നടത്തിയിരിക്കുകയാണ്. ആരോഗ്യമന്ത്രിയുടെ എക്സ്പീരിയൻസിനെ പറ്റി ഒന്നും പറയാനില്ല എന്നാണ് അദ്ദേഹത്തിന്റെ വിമർശനം.  അദ്ദേഹത്തിന്റെ ഫേസ്ബുക്ക് കുറിപ്പ് ഇങ്ങനെ;

ഡ്യൂട്ടിക്കിടെ അക്രമിയുടെ കുത്തേറ്റ് കൊല്ലപ്പെട്ട ഡോ വന്ദനയ്ക്ക് ആദരാജ്ഞലികൾ... എന്നാൽ 'ഈ മോൾ ഒരു ഹൗസ് സർജനാണ്. അത്ര എക്സ്പീരിയൻസ്ഡ് അല്ല. അതു കൊണ്ട് ഇങ്ങനെ ഒരു അക്രമം ഉണ്ടായപ്പോൾ ഭയന്നിട്ടുണ്ട്' എന്ന പ്രതികരണം നടത്തിയ ആരോഗ്യമന്ത്രിയുടെ എക്സ്പീരിയൻസിനെ പറ്റി ഒന്നും പറയാനില്ല.

പക്ഷേ മന്ത്രി മനസ്സിലാക്കേണ്ടത് ഒരു ഡോക്ടർ എക്സ്പീരിയൻസിഡായാൽ വൈദഗ്ദ്യം ഉണ്ടാവുക വൈദ്യ ശാസ്ത്രത്തിലാണ് അല്ലാതെ കായികാഭ്യാസത്തിലല്ല. എത്ര എക്സ്പീരിയൻസുള്ള ഡോക്ടറായാലും ലഹരിക്ക് അടിപ്പെട്ട് ഒരാൾ ആയുധവുമായി അക്രമിക്കുമ്പോൾ ഭയപ്പെടില്ലെ? ഒരു ദുരന്ത സമയത്ത്, ആ വനിതാ ഡോക്ടറുടെ ഉറ്റവരും ഉടയവരും പൊതു സമൂഹവും വിറങ്ങലിച്ച് നില്ക്കുന്ന ഈ നേരത്തെങ്കിലും കുറച്ച് കൂടി വിവേകത്തോടെ സംസാരിക്കുക.