കർണ്ണാടകയിലെ വിജയം നമ്മുടെ ഓരോരുത്തരുടെയും വിജയമാണ്. കർണാടകയിലെ കോൺഗ്രസിന്റെ വിജയം ജനാധിപത്യത്തിന്റെയും മതേതരത്വത്തിന്റെ വിജയമാണ്. ഏതൊരു പരാജയത്തിന്റെ പേരിലും അനാവശ്യമായി വരെ വേട്ടയാടപ്പെട്ടിട്ടും വെറുപ്പിന്റെ ചന്തയിൽ സ്നേഹത്തിന്റെ കട തുറക്കുമെന്ന് പ്രഖ്യാപിച്ച രാഹുൽ ഗാന്ധിയുടെ ജോഡോ യാത്രയുടെ വിജയമാണ്. നിർണായകമായ കുറിപ്പ് പങ്കു വച്ച് രാഹുൽ മാങ്കൂട്ടത്തിൽ. അദ്ദേഹത്തിന്റെ ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ;

കർണ്ണാടകയിലെ വിജയം നമ്മുടെ ഓരോരുത്തരുടെയും വിജയമാണ്. കർണാടകയിലെ കോൺഗ്രസിന്റെ വിജയം ജനാധിപത്യത്തിന്റെയും മതേതരത്വത്തിന്റെ വിജയമാണ്... ഏതൊരു പരാജയത്തിന്റെ പേരിലും അനാവശ്യമായി വരെ വേട്ടയാടപ്പെട്ടിട്ടും വെറുപ്പിന്റെ ചന്തയിൽ സ്നേഹത്തിന്റെ കട തുറക്കുമെന്ന് പ്രഖ്യാപിച്ച രാഹുൽ ഗാന്ധിയുടെ ജോഡോ യാത്രയുടെ വിജയമാണ്.

ദേശീയ കോൺഗ്രസിന്റെ അദ്ധ്യക്ഷനായിട്ട് കൂടി കർണാടകയുടെ പുത്രനെന്ന നിലയിൽ ഓരോ ചെറു പൊതുയോഗങ്ങളിൽ വരെ രാഷ്ട്രീയം പറഞ്ഞ് കന്നഡികരെ ആവേശത്തിലാഴ്ത്തിയ മല്ലികാർജ്ജുന ഘാർഗേ യുടെ വിജയമാണ്. അപ്രായോഗികമായിരുന്ന സമയത്ത് ഒരു സർക്കാർ രൂപീകരിച്ചിട്ടു കൂടി ആ സർക്കാർ താഴെ വീണത് മുതൽ പഴി ഏല്ക്കേണ്ടി വന്നിട്ടും ഇത്തവണത്തെ തിരഞ്ഞെടുപ്പിൽ കർണ്ണാടകയുടെ ചുമതലക്കാരനെ പോലെ ചെറു തർക്കങ്ങൾ പരിഹരിച്ചും ഷെട്ടാറിനെ പോലെയുള്ളവരെ പാർട്ടിയിൽ എത്തിച്ചും ദളിനെ കൂടാതെ ഭൂരിപക്ഷം വേണമെന്ന് ശഠിച്ച KC വേണുഗോപാലിന്റെ വിജയമാണ്.

രോഗാധിക്യത്തിലും കർണ്ണാടകയിൽ പ്രചാരണത്തിന് എത്തിയ സോണിയ ഗാന്ധിയുടെ തൊട്ട് താഴെ തട്ടിൽ കൊടി കെട്ടാനും വീട് വീടാന്തരം കയറിയിറങ്ങി പ്രചാരണം നടത്തിയ പ്രവർത്തകരുടെ വിജയമാണ്. ഏറ്റവും പ്രധാനമായി മൂപ്പിളമ തർക്കമില്ലാതെ തോൾ ചേർന്ന് പോരാടിയ സിദ്ധരാമയ്യയുടെയും ഡി.കെ.ശിവകുമാറിന്റെയും വിജയമാണ്...

കുതികാൽ വെട്ടുന്നവന്റെ രാഷ്ട്രീയം ഞാൻ വെട്ടുമെന്ന് പ്രഖ്യാപിച്ച്, ജയിൽ വേണോ BJP ഉപമുഖ്യമന്ത്രി സ്ഥാനം വേണമോയെന്ന് ചോദിച്ചപ്പോൾ കോൺഗ്രസ്സിനൊപ്പം നിന്നിട്ട് ജയിൽ മതി എന്ന് പ്രഖ്യാപിച്ച DK.. കഴിഞ്ഞ തവണത്തെ പരാജയത്തിൽ തളർന്നു പോകാതെ ജനങ്ങൾക്കിടയിൽ തഴച്ച് വളർന്ന സിദ്ദരാമയ്യ....

കേരളത്തിൽ നിന്നും ഇന്ത്യയിൽ നിന്നാകമാനം ജനാധിപത്യത്തിന്റെ വിളി കേട്ട് വന്ന കോൺഗ്രസ് പ്രവർത്തകരുടെ വിജയമാണ്... വർഗീയ വിഷം വമിപ്പിച്ച മോഡി അമിട്ട് ഡബിൾ എൻജിനുകളോട് പോരാടാൻ കോൺഗ്രസിന് കരുത്ത് പകർന്ന തമിഴ് മക്കളുടെ നേതാവ് സ്റ്റാലിന്റെ വിജയമാണ്... ഇത് നമ്മുടെ രാജ്യത്തിന്റെ വിജയമാണ് ആത്യന്തികമായി മനുഷ്യരുടെ വിജയമാണ്.