മാമ്മലശ്ശേരിയില് പുഴയില് കാണാതായ ഡോ. ഉല്ലാസ് ആര്. മുല്ലമലയുടെ മൃതദേഹം കണ്ടെത്തി...
മാമ്മലശ്ശേരിയില് പുഴയില് കാണാതായ ഡോ. ഉല്ലാസ് ആര്. മുല്ലമലയുടെ മൃതദേഹം കണ്ടെത്തി. ഡോക്ടര് ഒഴുക്കില്പ്പെട്ട പയ്യാറ്റില് കടവിന് കുറച്ച് താഴെയായി മണലില് കടവിനടുത്താണ് മൃതദേഹം കണ്ടെത്തിയത്. ഈരാറ്റുപേട്ടയില് നിന്നെത്തിയ 'ടീം നന്മക്കൂട്ടം' പ്രവര്ത്തകര് പുഴയില് മുങ്ങി പരിശോധിക്കുന്നതിനിടെ രാവിലെ പത്തരയോടെയാണ് മൃതദേഹം കിട്ടിയത്.
കളമശ്ശേരി ഗവ. മെഡിക്കല് കോളേജ് ആശുപത്രിയില് പരിശോധന നടത്തിയ മൃതദേഹം തൊടുപുഴ മുതലക്കോടം ഹോളി ഫാമിലി ആശുപത്രിയിലും വാഴക്കുളം കദളിക്കാട്ടെ ഡോക്ടറുടെ സ്വന്തം വീട്ടിലും പൊതുദര്ശനത്തിന് വെച്ചശേഷം വൈകുന്നേരം ഏറ്റുമാനൂരിലെ തറവാട്ടിലെത്തിച്ചു.
മുതലക്കോടം ഹോളി ഫാമിലി ആശുപത്രിയില് കാര്ഡിയോളജിസ്റ്റായിരുന്നു ഡോ. ഉല്ലാസ്. നേരത്തേ പിറവം ഗവ. ആശുപത്രിയില് ജോലി നോക്കിയിരുന്നു.
ശനിയാഴ്ച വൈകീട്ട് ആറരയോടെ സുഹൃത്തുക്കളോടൊപ്പം പയ്യാറ്റില് മണല്പ്പുറം കടവില് കുളിക്കാനിറങ്ങിയ ഡോക്ടര് ഒഴുക്കില്പ്പെടുകയായിരുന്നു.ഏറ്റുമാനൂര് ലോട്ടസ് തിയേറ്ററിന് സമീപം ഗോകുലം (മുല്ലമല നിരപ്പേല്) വീട്ടില് എം.ജി. രാജു (റിട്ട. കോട്ടയം ജില്ലാ ആശുപത്രി ഫാര്മസി സൂപ്രണ്ട്) വിന്റെയും രാധാമണിയുടെയും മകനാണ് ഡോ. ഉല്ലാസ്.
ഭാര്യ: ഡോ. അമൃത (അനസ്തെറ്റിസ്റ്റ് ഗവ. മെഡിക്കല് കോളേജ് ആശുപത്രി ഇടുക്കി). മക്കള്: ഹര്ഷിത, ഹന്സിക. സംസ്കാരം തിങ്കളാഴ്ച 10-ന് ഏറ്റുമാനൂരിലെ തറവാട്ട് വളപ്പില് നടക്കും.
"
https://www.facebook.com/Malayalivartha
