ഖജനാവിലെ കുറേ ലക്ഷങ്ങളും പൊടിച്ച് പെരിയാര്‍ കടുവാ സങ്കേതത്തിലാക്കിയതാ. ദാ തിരികെ വന്നിരിക്കുന്നു അരിക്കൊമ്പന്‍. എന്റെ അമ്മ ഉറങ്ങുന്ന മണ്ണാണിവിടം തിരികെ വന്നിരിക്കും. ആനയ്ക്ക് പറയാനുള്ള ഡയലോഗ് ഞാനങ്ങ് പറഞ്ഞതാണേ. പിണറായി വേലത്തരം എന്നോടെടുക്കരുതെന്ന് അരിക്കൊമ്പന്‍. അങ്ങനെ സര്‍ക്കാര്‍ കൊട്ടിഘോഷിച്ച മിഷന്‍ അരിക്കൊമ്പന്‍ അട്ടര്‍ ഫ്‌ളോപ്പ്. അരിക്കൊമ്പന്റെ സഞ്ചാരം ചിന്നക്കനാല്‍ ദിശയിലേക്ക്. കുമളിയില്‍ നിന്ന് 10 കിലോ മീറ്റര്‍ അകലെ ലോവര്‍ ക്യാമ്പിന് സമീപത്തെ വനത്തിലാണ് ആന ഇപ്പോഴുള്ളത്. കൊണ്ടുവിട്ടതിലും സ്പീഡില്‍ മൂപ്പര് തിരികെ എത്തിയിരിക്കുന്നത്. അതെ പിണരായി ഒരു കാര്യം മനസ്സിലാക്കുക രാഷ്ട്രീയക്കാരുടെ കാലുവാരുന്നത് പോലെ കൂടെ നില്‍ക്കുന്നവനെ വെട്ടിനിരത്തുന്നത് പോലെ ചിലരെ സല്‍ക്കാരം നടത്തി വശത്താക്കുന്നത് പോലെയല്ല ഇത്. ഇത് ആനയാണ് വന്യ ജീവിയാണ്. പിണരായീടെ കുതന്ത്രം ഒന്നും അവിടെ ഏല്‍ക്കൂല്ല.

അരിക്കൊമ്പന്‍ വീണ്ടും ചിന്നക്കനാലിലേക്ക് മടങ്ങിയെത്തുമോയെന്ന ആശങ്ക ശക്തമാവുകയാണ്. ഇന്നലെ രാത്രി കുമളിയിലെ ജനവാസമേഖലയില്‍ എത്തിയ അരിക്കൊമ്പന്‍ വീണ്ടും തമിഴ്‌നാട് വനമേഖലയിലേക്ക് കടന്നു. കുമളിയില്‍ നിന്ന് 10 കിലോ മീറ്റര്‍ അകലെ ലോവര്‍ ക്യാമ്പിന് സമീപത്തെ വനത്തിലാണ് ആന ഇപ്പോഴുള്ളത്. കൊട്ടാരക്കരദിണ്ടുഗല്‍ ദേശീയപാത മുറിച്ചുകടന്നാണ് ആന ഇവിടെയെത്തിയത്. ചിന്നക്കനാലില്‍ സ്ഥിരം ശല്യക്കാരനായിരുന്ന അരിക്കൊമ്പനെ ഏപ്രില്‍ മുപ്പതിന് പുലര്‍ച്ചെയാണ് മയക്കുവെടിവച്ച് പിടികൂടി പെരിയാര്‍ കടുവ സങ്കേതത്തില്‍ തുറന്നുവിട്ടത്. റേഡിയോ കോളര്‍ ഘടിപ്പിച്ച ശേഷമായിരുന്നു അരിക്കൊമ്പനെ പെരിയാര്‍ കടുവാ സങ്കേതത്തില്‍ തുറന്ന് വിട്ടത്. അതിന് ശേഷം തമിഴ്‌നാട്ടിലെ മേഘമലയിലെ ജനവാസമേഖലയിലെത്തിയ അരിക്കൊമ്പന്‍ ഇന്നലെ രാത്രി തിരികെ കുമളിയിലെ ജനവാസ മേഖലയിലെത്തി. തുറന്നുവിട്ട അന്ന് മുതല്‍ ഇതുവരെയുള്ള അരിക്കൊമ്പന്റെ സഞ്ചാരം നോക്കാം.

ഏപ്രില്‍ 30ന് പുലര്‍ച്ചെ

പെരിയാര്‍ സങ്കേതത്തിലെ മേദകാനത്തിനും സീനിയറോടയ്ക്കും ഇടയില്‍ തുറന്നുവിട്ടു. കുമളിയില്‍ നിന്നും 19 കിലോമീറ്റര്‍ അകലെയാണ് ഈ സ്ഥലം.

മെയ് രണ്ടിന്

അരിക്കൊമ്പന്റെ സിഗ്‌നല്‍ കിട്ടിയത് തുറന്നുവിട്ട സ്ഥലത്ത് നിന്ന് 10 കിലോ മീറ്റര്‍ അകലെ. തമിഴ്‌നാട് വനമേഖലയിലേക്ക് കടന്ന അരിക്കൊമ്പന്‍ വണ്ണാത്തിപ്പാറയിലെത്തി.

മെയ് 3ന്

അരിക്കൊമ്പന്റെ സിഗ്‌നല്‍ കിട്ടാതായി. രാത്രി ഒന്‍പതരയോടെ അതിര്‍ത്തിയിലെ വനമേഖലയിലൂടെ സഞ്ചരിക്കുന്നതായി സിഗ്‌നല്‍ കിട്ടി.

മെയ് 4ന്

തമിഴ്‌നാട്ടില്‍ തന്നെയായിരുന്നു അരിക്കൊമ്പന്‍. മണലാര്‍ ഭാഗത്തെ വനത്തിലാണ് അന്നുണ്ടായിരുന്നത്.

മെയ് അഞ്ചിന്

കേരളത്തിലെ വനമേഖലയിലേക്ക് തിരികെ വന്നെങ്കിലും പിന്നീട് രാത്രി തമിഴ്‌നാട് മേഘമല ഹൈവേസ് ഡാമിനടുത്തെത്തി. തുറന്നുവിട്ട സ്ഥലത്തുനിന്ന് 22 കിലോ മീറ്റര്‍ അകലെയാണിത്. അവിടെ കൃഷി നശിപ്പിച്ചു.വനപാലകര്‍ തുരത്തി.

മെയ് ഏഴിന്

ചിന്നമന്നൂരില്‍ നിന്ന് മേഘമലയിലേക്ക് പോകുന്ന വഴിയില്‍ ഇറങ്ങി. ബസിന് സമീപത്തെത്തി. തുറന്നുവിട്ട സ്ഥലത്തുനിന്ന് 25 കിലോ മീറ്റര്‍ അകലെയാണിത്.

മെയ് 15ന്

മണലാര്‍ ഏസ്റ്റേറ്റിലെ റേഷന്‍ കട ആക്രമിച്ചു. ലയത്തിന്റെ വാതിലും തകര്‍ക്കാന്‍ ശ്രമിച്ചു. മേഘമലയില്‍ നിന്ന് 9 കിലോ മീറ്റര്‍ അകലെയാണിത്. മണലാറിലെ വനംവകുപ്പിന്റെ താത്കാലിക ഷെഡും അരിക്കൊമ്പന്‍ തകര്‍ത്തു.

മെയ് 18ന്

തുറന്നുവിട്ട മുല്ലക്കുടി ഭാഗത്ത് അരിക്കൊമ്പനെത്തി. വനംവകുപ്പിന്റെ താത്കാലിക ഷെഡ് തകര്‍ത്തു.

മെയ് 24ന്

അതായത് കഴിഞ്ഞ ബുധനാഴ്ച, കുമളി ടൗണില്‍ നിന്ന് ആറ് കിലോ മീറ്റര്‍ മാത്രം ആകാശദൂരത്തിലുളള ഭാഗത്തെ വനത്തില്‍ ആനയെത്തി.

മെയ് 25ന്

ഇന്നലെ അര്‍ധരാത്രി കുമളിയിലെ ജനവാസമേഖലയില്‍ റോസാപ്പൂക്കണ്ടം ഭാഗത്ത് അരിക്കൊമ്പനെത്തി. വനംവകുപ്പ് കാട്ടിലേക്ക് തുരത്തി.

അരിക്കൊമ്പന്‍ ഇപ്പോള്‍

കുമളി ടൗണ്‍ മേഖലയില്‍ നിന്നും 10 കിലോമീറ്റര്‍ മാത്രം അകലെയാണ് അരിക്കൊമ്പന്‍ ഇപ്പോഴുള്ളത്.