ഇന്ന് ലോകം അന്തരാഷ്ട്ര യോഗാ ദിനമാചരിക്കുകയാണ്. രാജ്ഭവനിലും വിപുലമായ രീതിയിൽ യോഗ ദിനാഘോഷങ്ങൾ സംഘടിപ്പിക്കുകയുണ്ടായി. ഗവർണർ യോഗാദിന സന്ദേശം നൽകി, കേരള നാഷണൽ ആയുഷ്മിഷനോടൊപ്പം ചേർന്നുള്ള ആഘോഷങ്ങളാണ് രാജ്ഭവനിൽ വച്ച് നടന്നത്. ലോകമാകുന്ന കുടുംബത്തിന് വേണ്ടി' എന്നതാണ് ഈ വര്‍ഷത്തെ യോഗ ദിന സന്ദേശം. അമേരിക്കയിലുള്ള അദ്ദേഹം ഇന്ത്യൻ സമയം വൈകിട്ട് അഞ്ചിന് യു എൻ ആസ്ഥാനത്ത് നടക്കുന്ന യോഗാദിന ചടങ്ങിന് നേതൃത്വം നൽകും. 180 രാജ്യങ്ങളിൽ നിന്നുള്ളവർ ചടങ്ങിൽ പങ്കെടുക്കും.

അതേസമയം, ഇന്ത്യ ലോകത്തിനു നല്‍കിയ പ്രധാനപ്പെട്ട സംഭാവനയാണ് യോഗ.അന്താരാഷ്ട്ര യോഗ ദിനത്തോടാനുബന്ധിച്ച് കേരളത്തിലും വിപുലമായ ആഘോഷമാണ് നടക്കുന്നത്. കേന്ദ്ര പ്രതിരോധ മന്ത്രി രാജ് നാഥ്‌ സിംഗ് കൊച്ചിയിൽ ഐ. എൻ. എസ്. വിക്രന്തിൽ യോഗ ചെയ്തു . ചടങ്ങിൽ പന്ത്രണ്ടോളം രാജ്യങ്ങളിൽ നിന്നുള്ള പ്രതിനിധികൾ പങ്കെടുത്തു. ജിമ്മി ജോർജ് സ്‌റ്റേഡിയത്തിൽ നടന്ന പരിപാടിയിൽ മന്ത്രി വീണ ജോർജ് പങ്കെടുത്തു.

2014 ല്‍ ഐക്യരാഷ്ട്ര സഭയുടെ അറുപത്തൊന്‍മ്പതാം യു എൻ സമ്മേളനത്തില്‍ പ്രധാനമന്ത്രി നരേന്ദ്ര മോദിയാണ് ജൂണ്‍ 21 അന്താരാഷ്ട്ര യോഗാ ദിനമായി ആചരിക്കാനായി ആഹ്വാനം ചെയ്തത്. യോഗയുടെ പ്രാധാന്യം മനസ്സിലാക്കിയ 193 രാജ്യങ്ങളും പ്രമേയം വോട്ടിനിടാതെ തന്നെ ഏകകണ്ഠമായി പിറ്റേ വര്‍ഷം മുതല്‍ അന്താരാഷ്ട്ര യോഗ ദിനം ആചരിക്കുവാന്‍ തീരുമാനിക്കുകയും ചെയ്തു.യോഗയെ കുറിച്ചുള്ള അവബോധം ഉണ്ടാക്കുവാനും പിരിമുറുക്കം നിറഞ്ഞ ജീവിത ശൈലികളില്‍ നിന്ന് മാറി നടക്കാനുമുള്ള ഒരു പദ്ധതി കൂടിയായി പ്രചരിപ്പിക്കുവാനുമാണ് യോഗാ ദിനം ആചരിക്കുന്നത്മാനസികവും ശാരീരികവുമായ ക്ഷേമത്തിനും സൗഖ്യത്തിനും വേണ്ടി ഇന്ത്യ ലോകത്തിനു നൽകിയ സംഭാവനയാണ് യോഗ. '