വല്ലാത്തൊരു ട്വിസ്റ്റ്... വ്യാജരേഖാ കേസില് കെ വിദ്യയെ പൊലീസ് അറസ്റ്റ് ചെയ്തു; പിടിയിലായത് കോഴിക്കോട് സുഹൃത്തിന്റെ വീട്ടില് നിന്ന് മടങ്ങുമ്പോള്; മുന്കൂര് ജാമ്യം നേടി കീഴടങ്ങാനുള്ള ശ്രമം വിജയിച്ചില്ല; ഇന്ന് വിദ്യയെ പാലക്കാട് മണ്ണാര്ക്കാട് കോടതിയില് ഹാജരാക്കും
സര്ക്കാരിനും കേരള പോലീസിനും തലവേദനയായിരുന്ന കെ. വിദ്യയുടെ വിവാദങ്ങള്ക്ക് തത്ക്കാലം വിരാമം. മഹാരാജാസ് കോളേജിന്റെ പേരില് വ്യാജ തൊഴില് പരിചയ സര്ട്ടിഫിക്കറ്റ് തയ്യാറാക്കിയ മുഖ്യപ്രതി കെ വിദ്യ പിടിയില്. കോഴിക്കോട് നിന്നാണ് പാലക്കാട് അഗളി പൊലീസ് വിദ്യയെ കസ്റ്റഡിയില് എടുത്തിരിക്കുന്നത്. വിദ്യയെ ഇവിടെ നിന്ന് പാലക്കാടേക്ക് കൊണ്ടുവരും. മേപ്പയൂര്, വടകര മേഖലകളില് വിദ്യക്കായി തെരച്ചില് നടത്തുന്നുണ്ടായിരുന്നു.
കേസ് രജിസ്റ്റര് ചെയ്തതിന് പിന്നാലെ ഒളിവില് പോയ വിദ്യയെ 15 ദിവസങ്ങള്ക്ക് ശേഷമാണ് പൊലീസ് അറസ്റ്റ് ചെയ്യുന്നത്. പാലക്കാട് അഗളി പൊലീസ് രജിസ്റ്റര് ചെയ്ത കേസിലാണ് വിദ്യയെ കസ്റ്റഡിയില് എടുത്തിരിക്കുന്നത്. ഇവരെ പാലക്കാട് എത്തിച്ച ശേഷം അറസ്റ്റ് രേഖപ്പെടുത്തി കോടതിയില് ഹാജരാക്കും.
ഇന്ന് രാവിലെ 11 മണിക്ക് വിദ്യയെ പാലക്കാട് മണ്ണാര്ക്കാട് കോടതിയില് ഹാജരാക്കും എന്നാണ് വിവരം. പാലക്കാട് അഗളി പൊലീസും കാസര്കോട് നീലേശ്വരം പൊലീസും രജിസ്റ്റര് ചെയ്ത കേസുകളില് വിദ്യ സമര്പ്പിച്ച മുന്കൂര് ജാമ്യ ഹര്ജികള് കോടതി പിന്നീട് പരിഗണിക്കാനായി മാറ്റിയതിന് പിന്നാലെയാണ് വിദ്യയെ പൊലീസ് പിടികൂടിയിരിക്കുന്നത്. കോഴിക്കോട് - മലപ്പുറം ജില്ലയുടെ അതിര്ത്തിയില് നിന്നാണ് വിദ്യ പിടിയിലായിരിക്കുന്നത്. സുഹൃത്തിന്റെ വീട്ടിലായിരുന്ന വിദ്യ ഇവിടെ നിന്ന് മടങ്ങുന്ന സമയത്ത് പൊലീസ് കസ്റ്റഡിയിലെടുത്തുവെന്നാണ് ലഭിക്കുന്ന വിവരം.
വ്യാജരേഖ കേസില് പ്രതിയായ കെ വിദ്യ നല്കിയ മുന്കൂര് ജാമ്യാപേക്ഷ പരിഗണിക്കുന്നത് ഹൈക്കോടതി അടുത്തയാഴ്ചയിലേക്ക് മാറ്റിയിരുന്നു. ജസ്റ്റിസ് ബച്ചു കുര്യന് തോമസിന്റെ ബഞ്ചിലാണ് ഹര്ജി ഇന്നലെ പരിഗണനക്ക് എത്തിയത്. പിന്നാലെ നീലേശ്വരം പൊലീസ് രജിസ്റ്റര് ചെയ്ത വ്യാജരേഖ കേസിലും മുന്കൂര് ജാമ്യം തേടി. കാസര്കോട് ജില്ലാ സെഷന്സ് കോടതിയില് തിങ്കളാഴ്ചയാണ് വിദ്യ ജാമ്യാപേക്ഷ സമര്പ്പിച്ചത്.
ജാമ്യം നിഷേധിക്കാനുള്ള കുറ്റം ചെയ്തിട്ടില്ലെന്നും അവിവാഹിതയാണെന്നും ആ പരിഗണന നല്കണമെന്നുമാണ് ജാമ്യാപേക്ഷയില് പറയുന്നത്. ആരേയും കബളിപ്പിച്ചിട്ടില്ലെന്നും വിദ്യ ജാമ്യാപേക്ഷയില് വ്യക്തമാക്കുന്നു. കരിന്തളം ഗവ. ആര്ട്സ് ആന്റ് സയന്സ് കോളേജ് പ്രിന്സിപ്പല് ഇന് ചാര്ജ് നല്കിയ കേസിലാണ് നീലേശ്വരം പൊലീസ് കേസെടുത്തത്. കഴിഞ്ഞ അധ്യയന വര്ഷം വിദ്യ കരിന്തളം കോളേജില് ഗസ്റ്റ് ലക്ചററായി ജോലി ചെയ്തിരുന്നു. മഹാരാജാസ് കോളേജിന്റെ വ്യാജ എക്സ്പീരിയന്സ് സര്ട്ടിഫിക്കറ്റ് ഹാജരാക്കിയാണ് വിദ്യ ഇവിടെ ജോലി നേടിയത്. ഈ മാസം 24 ന് ജാമ്യ ഹര്ജി കോടതി പരിഗണിക്കും.
കോഴിക്കോട് സുഹൃത്തിന്റെ വീട്ടിലെത്തിയ വിദ്യ ഇവിടെ നിന്ന് മടങ്ങുന്ന വഴിയാണ് പൊലീസിന്റെ പിടിയിലായത് എന്നാണ് വിവരം. മേപ്പയൂരിലെ കുട്ടോത്ത് എന്ന സ്ഥലത്ത് നിന്നാണ് വിദ്യയെ പിടികൂടുന്നത്. പാലക്കാട് അഗളി പൊലീസ് രജിസ്റ്റര് ചെയ്ത കേസിലാണ് വിദ്യയെ കസ്റ്റഡിയിലെടുത്തിരിക്കുന്നത്.
ഒളിവിലായിരുന്ന വിദ്യയെ പതിനഞ്ചാം ദിവസമാണ് പൊലീസ് കസ്റ്റഡിയിലെടുക്കുന്നത്. അഗളി ഡിവൈഎസ്പി ഓഫീസിലെത്തിച്ച വിദ്യയെ മണ്ണാര്ക്കാട് കോടതിയിലാണ് ഹാജരാക്കുന്നത്. വിദ്യയെ പിടികൂടാന് നിര്ണായകമായത് ടവര് ലൊക്കേഷനാണ്. ലൊക്കേഷന് പിന്തുടര്ന്നാണ് പൊലീസ് എത്തിയത്.
കെ വിദ്യ നല്കിയ മുന്കൂര് ജാമ്യാപേക്ഷ പരിഗണിക്കുന്നത് ഹൈക്കോടതി അടുത്തയാഴ്ചയിലേക്ക് മാറ്റിയിരുന്നു. പിന്നാലെ നീലേശ്വരം പൊലീസ് രജിസ്റ്റര് ചെയ്ത വ്യാജരേഖ കേസിലും മുന്കൂര് ജാമ്യം തേടി. കാസര്കോട് ജില്ലാ സെഷന്സ് കോടതിയില് തിങ്കളാഴ്ചയാണ് വിദ്യ ജാമ്യാപേക്ഷ സമര്പ്പിച്ചത്.
ജാമ്യം നിഷേധിക്കാനുള്ള കുറ്റം ചെയ്തിട്ടില്ലെന്നും അവിവാഹിതയാണെന്നും ആ പരിഗണന നല്കണമെന്നുമാണ് ജാമ്യാപേക്ഷയില് പറയുന്നത്. ആരേയും കബളിപ്പിച്ചിട്ടില്ലെന്നും വിദ്യ ജാമ്യാപേക്ഷയില് വ്യക്തമാക്കുന്നു. കരിന്തളം ഗവ. ആര്ട്സ് ആന്റ് സയന്സ് കോളേജ് പ്രിന്സിപ്പല് ഇന് ചാര്ജ് നല്കിയ കേസിലാണ് നീലേശ്വരം പൊലീസ് കേസെടുത്തത്.
"
https://www.facebook.com/Malayalivartha
