കേരള റിയല് എസേ്റ്ററ്റ് ബില് നിയമസഭ പാസാക്കി
റിയല് എസ്റ്റേറ്റ് മേഖലയിലെ ചൂഷണങ്ങള് തടയാനുള്ള കേരള റിയല് എസേ്റ്ററ്റ് (നിയന്ത്രണവും വികസനവും) ബില് നിയമസഭ പാസാക്കി. ഫഌറ്റുകള്, ഷോപ്പിംഗ് കോംപ്ലക്സുകള് എന്നിവയടക്കമുള്ള ഗാര്ഹിക വാണിജ്യ ആവശ്യങ്ങള്ക്കുള്ള കെട്ടിടങ്ങളുടെയും സ്ഥലങ്ങളുടെയും വില്പനയും നിര്മാണവും നിയമവിധേയമാക്കുന്നതിനായി റിയല് എസ്റ്റേറ്റ് റെഗുലേറ്ററി അതോറിറ്റി, റിയല് എസ്റ്ററ്റ് അപ്പലേറ്റ് ട്രിബ്യൂണല് എന്നീ സ്ഥാപനങ്ങള് ഇതോടെ നിലവില്വരും. മാനദണ്ഡങ്ങളും നിയന്ത്രണങ്ങളുമില്ലാതെ പരസ്യങ്ങള് നല്കി പണം പിരിച്ചെടുക്കുന്നത് തടയാന് വ്യവസ്ഥ ചെയ്യുന്നതാണ് ബില്. റിയല് എസേ്റ്ററ്റ് അപ്പലേറ്റ് ട്രിബ്യൂണലിന് കോടതിയുടെ അധികാരങ്ങളുണ്ടാവും. ഫഌറ്റ്, വില്ല നിര്മാണമടക്കമുള്ള റിയല് എസ്േറ്ററ്റ് രംഗത്ത് തട്ടിപ്പുകള് നടക്കുന്നതായി ശ്രദ്ധയില്പ്പെട്ട സാഹചര്യത്തിലാണ് പുതിയ നിയമം കൊണ്ടുവന്നത്. കെട്ടിട നിര്മാത്തിനുള്ള പെര്മിറ്റ്, ഭൂമിയുടെ കൈവശാവകാശ രേഖ, ബന്ധപ്പെട്ട മറ്റ് രേഖകള് തുടങ്ങിയവ അഥോറിറ്റിയില് സമര്പ്പിച്ച് റജിസ്ട്രേഷന് വാങ്ങിയശേഷമേ ഇത്തരം ഇടപാടുകള് നടത്താന് അനുവാദമുള്ളൂ. നിബന്ധനകള് തെറ്റിച്ചാല് റജിസ്ട്രേഷന് റദ്ദ് ചെയ്യും. കരാര്പ്രകാരമുള്ള സൗകര്യങ്ങള് ഏര്പ്പെടുത്താതിരിക്കുക, നിലവാരംകുറഞ്ഞ സാധനസാമഗ്രികള് ഉപയോഗിക്കുക, നിശ്ചിത സമയത്തിനകം നിര്മാണം പൂര്ത്തീകരിച്ച് കൈമാറാതിരിക്കുക, അംഗീകൃത പ്ലാനില്നിന്ന് വ്യതിചലിക്കുക, ബില്ഡറുടെ ഉടമസ്ഥതയിലല്ലാത്ത ഭൂമിയില് നിര്മാണം നടത്തുക, മതിയായ പാര്ക്കിങ്ങ് സൗകര്യം ഏര്പ്പെടുത്താതിരിക്കുക തുടങ്ങിയ പരാതികള്ക്ക് ശാശ്വതമായ പരിഹാരമാണ് ബില്ലില് ലക്ഷ്യമിടുന്നത്. ഒരു ഡസനിലേറെ ഭേദഗതികള് അംഗീകരിച്ചാണു ബില് പസാക്കിയത്. നഗരകാര്യമന്ത്രി മഞ്ഞളാംകുഴി അലി അവതരിപ്പിച്ച ബില് വോട്ടെടുപ്പ് കൂടാതെയാണ് പാസാക്കിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
