അഭിനയ രംഗത്ത് എത്തുന്നതിന് മുമ്പ് തന്നെ വിവാഹം കഴിഞ്ഞ നടിയായിരുന്നു രചന നാരായണന്‍ കുട്ടി. അദ്ധ്യാപികയായി ജോലി നോക്കിക്കൊണ്ടിരിക്കുമ്പോഴായിരുന്നു രചനയുടെ വിവാഹം. ആലോചിച്ച് ഉറപ്പിച്ച വിവാഹമായിരുന്നെങ്കിലും ഇപ്പോള്‍ രചനയും വിവാഹ മോചനത്തിന്റെ വഴിയിലാണ്. അടുത്തിടെ വനിതയ്ക്ക് നല്കിയ അഭിമുഖത്തിലാണ് വിവാഹ മോചനത്തെപ്പറ്റി നടി മനസ് തുറന്നത്.

2011 ജനുവരിയിലായിരുന്നു രചന നാരയണന്‍കുട്ടിയും ആലപ്പുഴ സ്വദേശിയായ അരുണും തമ്മിലുള്ള വിവാഹം നടക്കുന്നത്. വിവാഹം കഴിഞ്ഞ് ദിവസങ്ങള്‍ കഴിയുമ്പോഴേക്കും ഇരുവരുടെയും ജീവിതത്തില്‍ പ്രശ്‌നങ്ങള്‍ തുടങ്ങി. പിന്നീട് ഒത്തു പോകാന്‍ കഴിയില്ലെന്ന് വന്നപ്പോള്‍ 2012 മാര്‍ച്ചില്‍ ഇരുവരും നിയമപരമായി വേര്‍പിരിയുകയായിരുന്നു. ഏറെ ആലോചിച്ച ശേഷമായിരുന്നുവെങ്കിലും, അറിഞ്ഞതെല്ലാം തെറ്റായിരുന്നു. ദാമ്പത്യം 19 ദിവസം കൊണ്ട് അവസാനിച്ചുവെന്ന് രചന പറയുന്നു.
തൃശ്ശൂര്‍ ജനാര്‍ദ്ദനന്‍ മാസ്റ്ററുടെ അടുത്ത് നൃത്തം പഠിക്കുന്ന സമയത്ത് അവിടുത്തെ ജൂനിയര്‍ കുട്ടികളെ പഠിപ്പിക്കാന്‍ അദ്ദേഹം എന്നെ പ്രോത്സാഹിപ്പിച്ചിരുന്നു. ഒരിക്കല്‍ അദ്ദേഹത്തിന്റെ മറ്റൊരു ശിഷ്യയായ കലാമണ്ഡലം കവിത കൃഷ്ണകുമാറിനൊപ്പം ഒരു ഫിലിം കോറിയോഗ്രാഫി അസിസ്റ്റ് ചെയ്യാന്‍ പോയി. അന്ന് പത്താം ക്ലാസില്‍ പഠിക്കുകയാണ്. അതിലെ നായികയുടെ ബാല്യകാലം ചിത്രീകരിക്കുമ്പോള്‍ കൂട്ടുകാരിയായി അഭിനയിക്കാന്‍ ഒരാളെ വേണം. റോള്‍ ചെറുതായിരുന്നെങ്കിലും ചിത്രം എംടിയുടേതായിരുന്നു. തീര്‍ത്ഥാടനം. സിനിമയില്‍ ഹരിശ്രീ കുറിച്ചത് എംടിയുടെ ചിത്രത്തിലൂടെയായിരുന്നു എന്ന സന്തോഷമുണ്ടെന്ന് നടി പറഞ്ഞു,
അതിനുശേഷം അഭിനയത്തോട് ഇഷ്ടം തോന്നി. വ്യാസ എന്‍എസ്എസ് കോളെജില്‍ നിന്ന് ബിഎയും എംഎയും എടുത്തത് ഇംഗ്ലീഷിലായിരുന്നു. ആ സമയത്താണ് ചേട്ടന്‍ പറഞ്ഞതനുസരിച്ച് ദുബൈ റേഡിയോയില്‍ റേഡിയോ ജോക്കിയുടെ പോസ്റ്റിലേക്ക് അപേക്ഷ അയയ്ക്കുന്നത്. അത് കിട്ടിയതോടെ കരിയര്‍ ഒരു അപ്രതീക്ഷിത മേഖലയിലായി. റേഡിയോ മാങ്കോയിലെ ബ്രേക്ക്ഫാസ്റ്റ് ഷോ ആര്‍ജെ എന്ന നിലയില്‍ അംഗീകാരം നേടിത്തന്നു. രണ്ട് വര്‍ഷത്തോളം അത് ചെയ്തു.
പക്ഷേ പിന്നീട് അത് ഉപേക്ഷിച്ചു. നല്ല ശമ്പളമുള്ള ജോലി ഉപേക്ഷിച്ച് അദ്ധ്യാപികയായി. അതിനോടുള്ള ആഗ്രഹം കൊണ്ടായിരുന്നു അത്. ടീച്ചര്‍ ആയ ശേഷമായിരുന്നു വിവാഹം. പത്തൊന്‍പത് ദിവസം മാത്രം നീണ്ട ബന്ധം വിവാഹമോചന വഴിയിലാണിപ്പോള്‍. ആലോചിച്ചുള്ള വിവാഹമായിരുന്നെങ്കിലും അറിഞ്ഞ വിവരങ്ങള്‍ പലതും തെറ്റായിരുന്നു. അതുകൊണ്ട് വിവാഹമോചനം വേണ്ടിവന്നു.
ദേവമാതയില്‍ പഠിപ്പിക്കുന്ന സമയത്താണ് മറിമായം ചെയ്യുന്നത്. അവിടുത്തെ പ്രിന്‍സിപ്പല്‍ ഫാ. ഷാജു എടമനയുടെ പ്രോത്സാഹനം കൊണ്ടാണ് അഭിനയവും അദ്ധ്യാപനവും ഒരുമിച്ച് കൊണ്ടുപോകാന്‍ സാധിക്കുന്നത്. ഒപ്പം ബംഗളൂരു അലയന്‍സ് യൂണിവേഴ്‌സിറ്റിയില്‍ മാസ്‌റ്റേഴ്‌സ് ഇന്‍ കുച്ചിപ്പുഡി ചെയ്യുന്നുണ്ട്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha