മനോരമയുടെ മാനസ പുത്രനായ ഉമ്മന്‍ചാണ്ടിക്കെതിരെ പറയാന്‍ ജേക്കബ് തോമസിന് വേദിയൊരുക്കി മനോരമയുടെ ന്യൂസ് മേക്കര്‍ സംവാദം. കിട്ടിയ വേദിയില്‍ മുഖ്യനെതിരെ അഞ്ഞടിക്കുകയും ചെയ്തു ജേക്കബ് തോമസ്. ഉമ്മന്‍ചാണ്ടി തന്നെ ജനവിരുദ്ധനായി ചിത്രീകരിച്ചത് ഏറെ വേദനിപ്പിച്ചു. അതുകൊണ്ടാണ് നിയമനടപടിക്ക് ഒരുങ്ങിയത്. ഇപ്പോഴും ആ തീരുമാനം ആലോചനയിലാണ്. ജേക്കബ് തോമസിന്റെ തുറന്നുപറച്ചിലില്‍ വെട്ടിലായത് മനോരമയും.
പാറ്റൂര്‍ റിപ്പോര്‍ട്ടില്‍ മുഖ്യന്റെ പേരുണ്ടോ എന്ന ചോദ്യത്തിന് റിപ്പോര്‍ട്ട് ലോകായുക്തയുടെ പരിഗണനയില്‍ ആയതിനാല്‍ അതുകൊണ്ട് പ്രതികരിക്കുന്നുമില്ലെന്ന് അദ്ദേഹം പറഞ്ഞു. തന്റെ പേരില്ലെന്ന് മുഖ്യന്‍ പറഞ്ഞത് ശരിയാണോയെന്ന ചോദ്യത്തിന് അത് നിയമസഭയില്‍ പറഞ്ഞതാണെന്നും താനത് കാണുകയോ കേള്‍ക്കുകയോ ചെയ്തിട്ടില്ലെന്നും അദ്ദേഹം വ്യക്തമാക്കി. ജേക്കബ് തോമസ് സര്‍ക്കാരിനെ പ്രതിരോധത്തില്‍ ആക്കുകയാണെന്ന് രൂക്ഷമായ ഭാഷയില്‍ മുഖ്യമന്ത്രി നേരത്തെ പറഞ്ഞിരുന്നു.
എന്നാല്‍ പാറ്റൂര്‍ ഭൂമി ഇടപാടില്‍ അഴിമതി നടന്നുവെന്ന് പൊലീസ് കണ്‍സ്ട്രക്ഷന്‍ മേധാവി ഡിജിപി ജേക്കബ് തോമസ്. ഏഷ്യാനെറ്റ് ന്യൂസിന് നല്‍കിയ അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്. ബാര്‍കോഴ കേസിലെ അന്വേഷണത്തില്‍ തനിക്കും ചുമതല ഉണ്ടായിരുന്നതായും അദ്ദേഹം പറഞ്ഞു. സംസ്ഥാനത്ത് അഴിമതി വ്യാപകമാണെന്നും \'അഴിമതിയുണ്ട് സൂക്ഷിക്കുക\' എന്ന ബോര്‍ഡ് വെക്കേണ്ട അവസ്ഥയാണ് നിലവില്‍ ഉള്ളതെന്നും അദ്ദേഹം പറഞ്ഞു.
പാറ്റൂരില്‍ ഭൂമി കൈയേറിയെന്ന കാര്യം വ്യക്തമാണ്. സര്‍ക്കാര്‍ ഭൂമിയാണ് കൈയേറിയെന്നും ഭൂമി ഇടപാടില്‍ ഭരണ സംവിധാനത്തിന് വീഴ്ച വന്നുവെന്നും ജേക്കബ് തോമസ് വ്യക്തമാക്കി. ബാര്‍ കോഴക്കേസില്‍ അഴിമതി നടന്നിട്ടുണ്ടോയെന്ന് ജനങ്ങള്‍ക്ക് അറിയാമെന്നും ഡി.ജി.പി പറഞ്ഞു. സര്‍ക്കാരിനും മുഖ്യനുമെതിരെ വിമര്‍ശനം നടത്താവുന്നതിന്റെ അങ്ങയറ്റം ഇതിനോടകം ജേക്കബ് തോമസ് നടത്തിക്കഴിഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha