മലയാളികളുടെ ഹൃദയ രാഗമാണ് ചിത്ര: ആശംസകള് നേര്ന്ന് മന്ത്രി വീണാ ജോര്ജ്
മലയാളികളുടെ ഹൃദയ രാഗമാണ് ചിത്ര: ആശംസകള് നേര്ന്ന് മന്ത്രി വീണാ ജോര്ജ്. ഗായിക കെ.എസ്. ചിത്രയ്ക്ക് ജന്മദിനാശംസകള് നേര്ന്ന് ആരോഗ്യ വകുപ്പ് മന്ത്രി വീണാ ജോര്ജ്.
മലയാളത്തിന്റെ വാനമ്പാടി, കേരളത്തിന്റെ അഭിമാനവും സന്തോഷവുമായ, മലയാളിയുടെ ഹൃദയരാഗം ആയ ബഹുമാന്യയും പ്രിയങ്കരിയുമായ ചിത്രച്ചേച്ചിക്ക് ഹൃദയം നിറഞ്ഞ ജന്മദിനാശംസകള്.
അതേസമയം മലയാളത്തിന്റെ വാനമ്പാടി കെ.എസ്.ചിത്രയ്ക്ക് ഇന്ന് അറുപതാം പിറന്നാള്...പിറന്നാളാശംസകളുമായി സംഗീതലോകവും.
തിരുവനന്തപുരം ചിത്രാഞ്ജലി സ്റ്റുഡിയോയില് ചേച്ചി ബീനയുടെ പാട്ട് റെക്കോഡിങ്ങിന് ഒപ്പം പോയപ്പോള് അവിചാരിതമായി പാടിയ ഹമ്മിങ്ങാണ് ചിത്രയുടെ റെക്കോഡ് ചെയ്ത ആദ്യശബ്ദം. എം ജി രാധാകൃഷ്ണന്റെ ആല്ബത്തിലും അദ്ദേഹം സംഗീതമൊരുക്കിയ അട്ടഹാസം എന്ന സിനിമയിലും പാടി.
ആ സിനിമ പുറത്തിറങ്ങിയില്ല. 1982ല് ഞാന് ഏകനാണ് എന്ന ചിത്രത്തില് സത്യന് അന്തിക്കാട് എഴുതിയ പ്രണയം വസന്തം എന്ന പാട്ടിലൂടെ വെള്ളിത്തിരയില് അടയാളപ്പെടുത്തി. പിന്നീട് ദക്ഷിണേന്ത്യന് ഭാഷകളിലും ഹിന്ദിയിലും വിദേശഭാഷകളിലും അവര് വാനമ്പാടിയായി.
സംഗീതത്തിന്റെ ആര്ദ്രനിലാവിന്, വിനയം തുളുമ്പുന്ന പ്രതിഭയ്ക്ക്, ആ നിറചിരിക്ക് അറുപത് വയസിന്റെ ചെറുപ്പം.
തിരുവനന്തപുരത്ത് ജനിച്ച്, സ്വരമാധുരിയിലൂടെ ലോകത്തോളം വളര്ന്ന ലാളിത്യത്തിന്റെ ആള്രൂപത്തിന് പിറന്നാളാശംസകളുമായി സംഗീതലോകവും. അര നൂറ്റാണ്ടായി തുടരുന്ന ഉപാസനയിലൂടെ ആര്ജ്ജിച്ച അനായാസമായ ആലാപനശൈലി ചിത്രയെ മഹാന്മാരായ സംഗീത സംവിധായകരുടെ ഇഷ്ടഗായികയുമാക്കി.
"
https://www.facebook.com/Malayalivartha
