ഈ മോശം ഭക്ഷണം കഴിക്കാന് താന് ഒരുക്കമല്ലെന്ന് അറിയിച്ച് ജയില് ഭക്ഷണം കഴിക്കാതെ ഋഷിരാജ് സിങ് മടങ്ങി
തടവുകാര്ക്കായി തയാറാക്കിയ മോശം ഭക്ഷണം രുചിച്ചുനോക്കാന് പോലും തയ്യാറാകാതെ ജയില് ഡിജിപി ഋഷിരാജ് സിങ്.
വിയ്യൂര് സെന്ട്രല് ജയിലില് ഇന്നലെ സന്ദര്ശനത്തിനെത്തിയപ്പോള് തടവുകാര്ക്കൊരുക്കിയ ഭക്ഷണം നിലവാരമില്ലാത്തതാണെന്നു കണ്ടു രുചിച്ചുനോക്കാന് പോലും ഋഷിരാജ് സിങ് തയാറായില്ല. \'ഈ മോശം ഭക്ഷണം ഞാനെന്തിനു കഴിക്കണം\' എന്ന ചോദ്യവുമായി രണ്ടോടെ ഉച്ചഭക്ഷണം കഴിക്കാതെ അദ്ദേഹം മടങ്ങി.
ജയിലില് ലഭിക്കുന്നതു മോശം ഭക്ഷണമാണെന്നു തടവുകാര് കൂട്ടത്തോടെ പരാതിപ്പെട്ടതിനു ശേഷമാണു ഡിജിപിയുടെ പ്രതികരണം. മധ്യമേഖല ജയില് സൂപ്രണ്ടുമാരുടെ യോഗത്തില് പങ്കെടുക്കാന് ഇന്നലെ രാവിലെയാണ് അദ്ദേഹം വിയ്യൂര് സെന്ട്രല് ജയിലിലെത്തിയത്.
യോഗത്തിനു ശേഷം തടവുകാരുമായി സംവദിക്കുന്നതിനിടെ ജയിലിലെ ഭക്ഷണത്തിന്റെ നിലവാരം മഹാമോശമാണെന്ന് അവര് പരാതിപ്പെട്ടു.
സാധാരണഗതിയില് ജയില് സൂപ്രണ്ടിനാണ് തടവുകാര്ക്കുള്ള ഭക്ഷണം രുചിച്ചുനോക്കി \'പാസ്\' അഥവാ അനുമതി നല്കേണ്ട ചുമതല നല്കിയിരിക്കുന്നത്. എന്നാല്, ഉന്നത ഉദ്യോഗസ്ഥര് ജയില് സന്ദര്ശിക്കാന് എത്തുമ്പോള് ഈ ചുമതല അവര്ക്കായിരിക്കും.
ചോറും മീന്കറിയും പുളിശേരിയുമടക്കം ഇന്നലെ ഒരുക്കിയ ഉച്ചഭക്ഷണം രുചിച്ചുനോക്കാന് എത്തിച്ചപ്പോഴാണു ഋഷിരാജ് സിങ് നിരസിച്ചത്. തടവുകാരുടെ പരാതി വാസ്തവമാണെന്നു ബോധ്യപ്പെട്ടതായിരുന്നു കാരണം.
ജയിലില് സന്ദര്ശനത്തിനെത്തുന്ന മന്ത്രിമാരും ഉന്നത ഉദ്യോഗസ്ഥരും പലപ്പോഴും ഉച്ചഭക്ഷണം ഇവിടെ നിന്നാക്കാറുണ്ടെങ്കിലും ഋഷിരാജ് സിങ് അതിനും തയാറായില്ല. തടവുകാര്ക്കു നല്ല ഭക്ഷണം നല്കാത്തതിലുള്ള അതൃപ്തി തന്നെ കാരണം.
ഡിജിപിയുടെ പ്രതികരണം ജയില് ജീവനക്കാര്ക്കൊപ്പം തടവുകാരിലും അമ്പരപ്പ് സൃഷ്ടിച്ചു. മുന്പു ജയില് സന്ദര്ശനത്തിനെത്തിയ പല ഉന്നത ഉദ്യോഗസ്ഥരോടും ഇതേ പരാതി പലവട്ടം ആവര്ത്തിച്ചിരുന്നെങ്കിലും അവസ്ഥയില് ഇതുവരെ മാറ്റമുണ്ടായിരുന്നില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
