ട്രെയിന് മാറി കയറാന് ശ്രമിക്കുന്നതിനിടെ കാല്വഴുതി പാളത്തിലേക്ക് വീണ യുവതി മരിച്ചു....
ട്രെയിന് മാറി കയറാന് ശ്രമിക്കുന്നതിനിടെ കാല്വഴുതി പാളത്തിലേക്ക് വീണ യുവതി മരിച്ചു. പാലക്കാട് മണ്ണാര്ക്കാട് പുല്ലശ്ശേരി ചേറുങ്ങോട്ടില് രാജേഷിന്റെ ഭാര്യ മീനാക്ഷി (45) ആണു മരിച്ചത്. ഇന്നലെ വൈകിട്ട് 7.25ന് ആലപ്പുഴ റെയില്വേ സ്റ്റേഷനിലാണ് സംഭവം.
എറണാകുളം കായംകുളം പാസഞ്ചര് ട്രെയിനില് ആലപ്പുഴ റെയില്വേ സ്റ്റേഷനില് വന്നിറങ്ങിയ യുവതി അതേസമയം സ്റ്റേഷനില് എത്തിയ കൊച്ചുവേളി എക്സപ്രസില് ഓടിക്കയറാന് ശ്രമിക്കുന്നതിനിടെ ആ ട്രെയിന് വിട്ടുപോയി. ഇതോടെ തിരിച്ച് എറണാകുളം കായംകുളം പാസഞ്ചറില് കയറാന് ശ്രമിക്കുന്നതിനിടെ കാല്വഴുതി പാളത്തിലേക്ക് വീഴുകയായിരുന്നെന്ന് റെയില്വേ അധികൃതര് .
തലയ്ക്കും ഇടതു കാലിനും പരുക്കേറ്റ യുവതിയെ ആര്പിഎഫ് ഇടപെട്ട് ഉടന്തന്നെ മെഡിക്കല് കോളജ് ആശുപത്രിയില് എത്തിച്ചെങ്കിലും രാത്രി ഒന്പതു മണിയോടെ മരണം സംഭവിച്ചു. യുവതിയുടെ ഇടതുകാല്പാദം അറ്റ നിലയിലായിരുന്നു. തലയ്ക്കേറ്റ ക്ഷതമാണ് മരണകാരണമെന്നാണ് പ്രാഥമിക നിഗമനത്തിലുള്ളത്.
https://www.facebook.com/Malayalivartha
