രണ്ട് ചക്രവാതച്ചുഴി ... കേരളത്തില് വീണ്ടും മഴ ശക്തമായേക്കും... സംസ്ഥാനത്ത് അടുത്ത അഞ്ച് ദിവസം മഴ ശക്തമായി തുടരുമെന്നാണ് കാലാവസ്ഥ വകുപ്പ് , മൂന്നു ജില്ലകളില് യെല്ലോ അലര്ട്ട്
കേരളത്തില് വീണ്ടും മഴ ശക്തമായേക്കും. സംസ്ഥാനത്ത് അടുത്ത അഞ്ച് ദിവസം മഴ ശക്തമായി തുടരുമെന്ന് കാലാവസ്ഥ വകുപ്പ് . ഇന്ന് ഒറ്റപ്പെട്ട സ്ഥലങ്ങളില് ശക്തമായ മഴക്കും സാധ്യതയെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി.
രണ്ട് ചക്രവാതച്ചുഴി ഒന്നിച്ച് നിലനില്ക്കുന്നതാണ് കേരളത്തില് മഴ വീണ്ടും കനക്കാന് ഇടയാക്കുന്നത്. വടക്ക് പടിഞ്ഞാറന് മധ്യ പ്രദേശിന് മുകളിലായി ഒരു ചക്രവാതചുഴി സ്ഥിതി ചെയ്യുന്നുണ്ട്.
മ്യാന്മാര് തീരത്തിനു സമീപത്തായി മധ്യ കിഴക്കന് ബംഗാള് ഉള്ക്കടലിലും ചക്രവാതചുഴി സ്ഥിതിചെയ്യുന്നു. ഈ ചക്രവാതചുഴി വടക്ക് പടിഞ്ഞാറന് ബംഗാള് ഉള്ക്കടലില് ന്യൂനമര്ദ്ദമായി ശക്തി പ്രാപിക്കാന് സാധ്യതയേറെയുണ്ട്. സംസ്ഥാനത്ത് മൂന്നു ജില്ലകളില് യെല്ലോ അലര്ട്ട് പുറപ്പെടുവിച്ചിട്ടുണ്ട്. എറണാകുളം, ഇടുക്കി, മലപ്പുറം ജില്ലകളിലാണ് യെല്ലോ ജാഗ്രതാ നിര്ദേശം.
അതേസമയം ഇന്ന് തെക്കന് ശ്രീലങ്കന് തീരത്തിന്റെ തെക്ക് പടിഞ്ഞാറന് ബംഗാള് ഉള്ക്കടല്, മധ്യ പടിഞ്ഞാറന് ബംഗാള് ഉള്ക്കടലിന്റെ മധ്യ ഭാഗങ്ങള്, തെക്കന് തമിഴ്നാട് തീരം, ഗള്ഫ് ഓഫ് മന്നാര് അതിനോട് ചേര്ന്ന കന്യാകുമാരി തീരം എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെയും ചില അവസരങ്ങളില് മണിക്കൂറില് 65 കിലോമീറ്റര് വരെയും വേഗതയില് ശക്തമായ കാറ്റിന് സാധ്യതയേറെയുണ്ട്.
"
https://www.facebook.com/Malayalivartha
