ഇന്ത്യയിൽ നടന്ന ജി20 ഉച്ചകോടി സന്തോഷകരമായി സമാപിച്ചിരുന്നു. ഇപ്പോൾ ഇതാ ഈ വിഷയത്തിൽ ചൈന നിർണായകമായ പ്രതികരണം നടത്തിയിരിക്കുകയാണ്. അംഗരാജ്യങ്ങൾ അംഗീകരിച്ച ന്യൂഡൽഹി പ്രഖ്യാപനം ‘പോസിറ്റീവ് സിഗ്നൽ’ നൽകി എന്നാണ് ചൈന പ്രതികരിച്ചിരിക്കുന്നത്. ചൈനീസ് പ്രസിഡന്റ് ഷി ചിൻപിങ് ജി20 ഉച്ചകോടിയിൽ പങ്കെടുത്തിരുന്നില്ല. ഉച്ചകോടിയിൽ പങ്കെടുക്കാൻ എത്തിയത് പ്രധാനമന്ത്രി ലി ക്വിയാങ് ആയിരുന്നു.

ചൈനീസ് വിദേശകാര്യ മന്ത്രാലയ വക്താവ് മാവോ നിങ് പ്രതികകരിച്ചിരിക്കുന്നത് ഇങ്ങനെ ആണ് ; നേതാക്കളുടെ പ്രഖ്യാപനം ചൈനയുടെ നിർദേശങ്ങൾ പ്രതിഫലി‌ക്കുന്നതായിരുന്നു. ആഗോള വെല്ലുവിളികളെ നേരിടാനും ലോക സമ്പദ് വ്യവസ്ഥയുടെ വീണ്ടെടുപ്പിനും ഒരുമിച്ച് പ്രവർത്തിക്കാനുള്ള തീരുമാനം നല്ല സൂചനയാണ്. ഉച്ചകോടിയിൽ ചൈന ക്രിയാത്മകമായ പങ്ക് വഹിച്ചു. വികസ്വര രാജ്യങ്ങളുടെ ആശങ്കകൾക്കു പ്രാധാന്യം നൽകുകയും ചെയ്തുവെന്നും അദ്ദേഹം പറഞ്ഞു.

യുക്രെയ്ൻ വിഷയത്തിൽ ചൈനയുടെ നിലപാട് സ്ഥിരവും വ്യക്തവുമാണ്. ജി20 നേതാക്കളുടെ പ്രഖ്യാപനം കൂടിയാലോചനയിലൂടെ ഉണ്ടായ സമവായത്തിന്റെ ഫലമാണ്. ജി20 ഭൂരാഷ്ട്രതന്ത്രവും സുരക്ഷാപ്രശ്നങ്ങളും പരിഹരിക്കാനുള്ള ഇടമല്ല. രാജ്യാന്തര സാമ്പത്തിക സഹകരണത്തിനുള്ള പ്രധാന വേദിയാണ്. ന്യൂഡൽഹി ഉച്ചകോടി വീണ്ടും ഉറപ്പിക്കുന്നു‌’വെന്നും അദ്ദേഹം പറഞ്ഞു. മാവോ നിങ് വ്യക്തമാക്കി.

ജി20 ഉച്ചകോടിയിൽ പ്രഖ്യാപിച്ച ഒരു നിർണായക പ്രഖ്യാപനമായിരുന്നു, ചൈനയുടെ ‘ബെൽറ്റ് ആൻഡ് റോഡി’നു ബദലായി ഇന്ത്യ – പശ്ചിമേഷ്യ – യൂറോപ്പ് സാമ്പത്തിക ഇടനാഴി . പ്രധാനമന്ത്രി നരേന്ദ്ര മോദിയും യൂറോപ്യൻ കമ്മിഷൻ അധ്യക്ഷ ഉർസുല വോൺ‍‍ഡെർ ലെയ്നുമാണു റെയിൽ, കപ്പൽ മാർഗങ്ങളിലൂടെയുള്ള സാമ്പത്തിക ഇടനാഴി പ്രഖ്യാപിച്ചിരിക്കുന്നത് . ജി20 ഉച്ചകോടിക്കിടെ റെയിൽ, കപ്പൽ മാർഗങ്ങളിലൂടെ ഇന്ത്യ– പശ്ചിമേഷ്യ– യൂറോപ്പ് സാമ്പത്തിക ഇടനാഴിക്കു ധാരണയായതോടെ മേഖലയിൽ നിർണായകമായ മാറ്റങ്ങൾ ഉണ്ടാകുമെന്ന് വിലയിരുത്തൽ.