നിപ നിയന്ത്രണങ്ങള് ലംഘിച്ച് നടത്തിയ കോഴിക്കോട് ജില്ല അത്ലറ്റിക് ടീമിന്റെ സെലക്ഷന് നിര്ത്തിവെപ്പിച്ചു...
നിപ നിയന്ത്രണങ്ങള് ലംഘിച്ച് നടത്തിയ ജില്ല അത്ലറ്റിക് ടീമിന്റെ സെലക്ഷന് നിര്ത്തിവെപ്പിച്ചു. കിനാലൂര് ഉഷ സ്കൂള് ഗ്രൗണ്ടിലായിരുന്നു ടീം സെലക്ഷന്. കൂടുതല് ആളുകള് എത്തിയതോടെ പനങ്ങാട് പഞ്ചായത്തും പൊലീസും ഇടപെട്ടതിന് പിന്നാലെയാണ് ടീം സെലക്ഷന് നിര്ത്തിയത്.
നിപ നിയന്ത്രണങ്ങളുടെ ഭാഗമായി ജില്ല അത്ലറ്റിക് മീറ്റ് മാറ്റിവച്ചിരുന്നെങ്കിലും ടീം സെലക്ഷന് നടത്തിയിരുന്നില്ല. ഇന്ന് രാവിലെ മുതല് കിനാലൂരിലെ ഉഷ സ്കൂള് ഗ്രൗണ്ടിലായിരുന്നു ടീം സെലക്ഷന് നടത്താന് തീരുമാനിച്ചത്.
സംസ്ഥാന ചാമ്പ്യന്ഷിപ്പില് വിദ്യാര്ഥികള്ക്ക് പങ്കെടുക്കാനുള്ള അവസരം നഷ്ടമാകാതിരിക്കാനാണ് ട്രയല്സ് നടത്തുന്നതെന്നായിരുന്നു ജില്ലാ അത്ലറ്റിക് അസോസിയേഷന്റെ വിശദീകരണം.
പനി, തൊണ്ടവേദന തുടങ്ങിയ രോഗലക്ഷണങ്ങളുളളവരാരും സെലക്ഷനില് പങ്കെടുക്കരുതെന്നും നി പ്രോട്ടോകോള് കര്ശനമായി പാലിക്കണമെന്നും ജില്ലാ അത്ലറ്റിക് അസോസിയേഷന് അത്ലറ്റുകളോട് ആവശ്യപ്പെട്ടിരുന്നു. എന്നാല് നിയന്ത്രണങ്ങള് ലംഘിച്ച് സെലക്ഷനില് പങ്കെടുക്കുന്നതിലായി നൂറിലധികം വിദ്യാര്ഥികളും അവരുടെ രക്ഷിതാക്കളുമാണ് സ്ഥലത്ത് എത്തിച്ചേര്ന്നത്.
https://www.facebook.com/Malayalivartha
