ഗവര്ണര് ഒപ്പിടാതെ ബില് നിയമമാവില്ല.... പട്ടയഭൂമിയിലെ വീടുകള്ക്കു പുറമേയുള്ള എല്ലാ നിര്മ്മാണങ്ങളും ക്രമവത്കരിക്കാനായി നിയമസഭ പാസാക്കിയ 'ഭൂമി പതിച്ചുകൊടുക്കല് ഭേദഗതി ബില്' ഗവര്ണര് തടഞ്ഞുവച്ചേക്കും....
ഗവര്ണര് ഒപ്പിടാതെ ബില് നിയമമാവില്ല....പട്ടയഭൂമിയിലെ വീടുകള്ക്കു പുറമേയുള്ള എല്ലാ നിര്മ്മാണങ്ങളും ക്രമവത്കരിക്കാന് നിയമസഭ പാസാക്കിയ 'ഭൂമി പതിച്ചുകൊടുക്കല് ഭേദഗതി ബില്' ഗവര്ണര് തടഞ്ഞുവച്ചേക്കും.
മൂന്നാറിലും മലയോരമേഖലകളിലുമുള്ള അനധികൃത നിര്മ്മാണങ്ങളിലേറെയും വാണിജ്യ സ്ഥാപനങ്ങളാണെന്നും വന്കിട നിര്മ്മാണങ്ങളും പാര്ട്ടി ഓഫീസുകളും സംരക്ഷിക്കാനുദ്ദേശിച്ചുള്ളതാണ് നിയമഭേദഗതിയെന്നുമാണ് ഗവര്ണര് വിലയിരുത്തിയത്.
ബില് രാജ്ഭവനിലെത്തിച്ചാലുടന് അതിന്മേല് നിയമോപദേശം തേടും. ഇത്തരം വിവാദ ബില്ലുകളിന്മേല് നിയമോപദേശം തേടണമെന്ന് രാജ്ഭവന് ഉദ്യോഗസ്ഥര്ക്ക് ഗവര്ണര് നിര്ദ്ദേശം നല്കി.
അതേസമയം, ജീവനോപാധിക്കായുള്ള ചെറിയ നിര്മ്മാണങ്ങള് ക്രമവത്കരിക്കുന്നത് ആയിരക്കണക്കിന് സാധാരണക്കാര്ക്ക് ആശ്വാസമാകുമെന്നതുകൂടി പരിഗണിച്ചാവും ഗവര്ണറുടെ അന്തിമതീരുമാനം. ഗവര്ണര് ഒപ്പിടാതെ ബില് നിയമമാവില്ല. പട്ടയഭൂമിയിലെ വാണിജ്യനിര്മ്മാണങ്ങള്ക്കെതിരെ സുപ്രീംകോടതിയടക്കം ശരിവച്ച നിയന്ത്രണങ്ങള് മറികടക്കാനാണ് ബില് കൊണ്ടുവന്നതെന്നാണ് രാജ്ഭവന് വിലയിരുത്തുന്നത്.
അതേസമയം നിയമസഭ പാസാക്കിയ 15ബില്ലുകളാണ് ഗവര്ണര് ഒപ്പിടാനുള്ളത്. ലോകായുക്ത നിയമഭേദഗതി, ചാന്സലര് സ്ഥാനത്തുനിന്നു ഗവര്ണറെ ഒഴിവാക്കാനുള്ള ബില് ഉള്പ്പെടെയാണ് തടഞ്ഞിട്ടുള്ളത്.
https://www.facebook.com/Malayalivartha
