വികസനക്കുതിപ്പിന് തുടക്കമിട്ട് കൊച്ചിന് ഇന്റര്നാഷണല് എയര്പോര്ട്ട്. ...സിയാലില് പൂര്ത്തിയായ മൂന്ന് പദ്ധതികളുടെ ഉദ്ഘാടനവും നാല് പദ്ധതികളുടെ നിര്മാണോദ്ഘാടനവും ഇന്ന് മുഖ്യമന്ത്രി പിണറായി വിജയന് നിര്വഹിക്കും
വികസനക്കുതിപ്പിന് തുടക്കമിട്ട് കൊച്ചിന് ഇന്റര്നാഷണല് എയര്പോര്ട്ട്. സിയാലില് പൂര്ത്തിയായ മൂന്ന് പദ്ധതികളുടെ ഉദ്ഘാടനവും നാല് പദ്ധതികളുടെ നിര്മാണോദ്ഘാടനവും ഇന്ന് മുഖ്യമന്ത്രി പിണറായി വിജയന് നിര്വഹിക്കും. ഡിജിയാത്ര അടക്കം സുപ്രധാന പദ്ധതികള്ക്കാണ് തുടക്കമാകുന്നത്.
ഇംപോര്ട്ട് കാര്ഗോ ടെര്മിനല്, ഡിജിയാത്ര, എയര്പോര്ട്ട് എമര്ജന്സി സര്വീസ് എന്നിവയുടെ ഉദ്ഘാടനവും രാജ്യാന്തര ടെര്മിനല് വികസനം, എയ്റോ ലോഞ്ച്, ഗോള്ഫ് ടൂറിസം, ഇലക്ട്രോണിക്സ് സുരക്ഷാവലയം എന്നിവയുടെ നിര്മാണോദ്ഘാടനവുമാണ് മുഖ്യമന്ത്രി നിര്വഹിക്കുന്നത്. വിമാനത്താവള ടെര്മിനലുകളിലെ പുറപ്പെടല് പ്രക്രിയ, ഡിജിറ്റല് സാങ്കേതികവിദ്യയുടെ സഹായത്തോടെ സുഗമമാക്കുന്ന സംവിധാനമാണ് ഡിജി യാത്ര.
ആഭ്യന്തര ടെര്മിനലില് 22 ഗേറ്റുകളില് യാത്രക്കാരുടെ മുഖം തിരിച്ചറിഞ്ഞ് പ്രവേശനം സുഗമമാക്കും. ബെല്ജിയത്തില് നിന്ന് ഇറക്കുമതി ചെയ്ത ഇ-ഗേറ്റുകളാണ് ഇവിടെ ഉപയോഗിക്കുക. സിയാല് ഐടി വിഭാഗമാണ് ഡിജിയാത്ര സോഫ്റ്റ്വെയര് രൂപകല്പ്പന ചെയ്തത്.
നിലവിലെ അന്താരാഷ്ട്ര ടെര്മിനലിന്റെ വടക്കുഭാഗത്തുകൂടി പുതിയ ഏപ്രണ് നിര്മിക്കും.15 ലക്ഷം ചതുരശ്രയടി വിസ്തീര്ണത്തില് പുതിയ ഏപ്രില് എട്ട് പുതിയ എയ്റോബ്രിഡ്ജുകള് ഉള്പ്പെടെ അഞ്ച് ലക്ഷം ചതുരശ്രയടി വിസ്തീര്ണത്തിലാണ് അന്താരാഷ്ട്ര ടെര്മിനല് വികസനം. ഇതോടെ വിമാന പാര്ക്കിങ് ബേയുടെ എണ്ണം 44 ആകും. പദ്ധതിയുടെ ഒന്നാംഘട്ടത്തിനാണ് തറക്കല്ലിടുന്നത്.
https://www.facebook.com/Malayalivartha
