വീണാ വിജയന് നികുതി അടച്ച സംഭവം... എന്തുകൊണ്ടാണ് കമ്പനി നികുതി അടയ്ക്കാത്തതെന്ന് സിപിഎം വ്യക്തമാക്കണം; എന്തുകൊണ്ടാണ് കമ്പനി നികുതി അടയ്ക്കാത്തതെന്ന് സിപിഎം വ്യക്തമാക്കണമെന്ന് കെ.സുരേന്ദ്രന്
മാസപ്പടിയായി വാങ്ങിയ പണത്തിന് വീണാ വിജയന് നികുതി അടച്ചെന്നത് സിപിഎമ്മിന്റെ ക്യാപ്സൂള് മാത്രമാണെന്ന് ബിജെപി സംസ്ഥാന അധ്യക്ഷന് കെ.സുരേന്ദ്രന്. സിഎംആര്എലും വീണയുടെ കമ്പനിയായ എക്സലോജിക്കുമായുള്ള ഇടപാടില് വീണ എന്തിനാണ് ജിഎസ്ടി അടയ്ക്കുന്നതെന്നും അദ്ദേഹം ചോദിച്ചു.
'രണ്ടു കമ്പനികള് തമ്മിലുള്ള നിയമാനുസൃതമായ ഇടപാടാണെന്നാണ് സിപിഎം സെക്രട്ടേറിയറ്റ് പറഞ്ഞത്. അങ്ങനെയെങ്കില് എന്തുകൊണ്ടാണ് കമ്പനി നികുതി അടയ്ക്കാത്തതെന്ന് സിപിഎം വ്യക്തമാക്കണം. മാസപ്പടിയായി വാങ്ങിയ 1.72 കോടിയുടെ നികുതിയാണ് വീണ അടച്ചതെന്ന് രേഖയില് എവിടെയും പറയുന്നുമില്ല. കൈക്കൂലിക്ക് നികുതി അടയ്ക്കാനാവില്ലെന്ന് ഇനിയെങ്കിലും സിപിഎമ്മുകാര് മനസ്സിലാക്കണം. സിഎംആര്എലില് നിന്നും വീണ പണം വാങ്ങിയത് അവരുടെ ജിഎസ്ടി റജിസ്ട്രേഷന് മുന്പാണ്. അപ്പോള്, മുന്പ് വാങ്ങിയ പണത്തിന് എങ്ങനെയാണ് ജിഎസ്ടി അടയ്ക്കാന് സാധിക്കുന്നതെന്ന് മനസിലാകുന്നില്ല.
സംസ്ഥാന ധനവകുപ്പ് പിണറായി വിജയന്റെ കൊള്ളയ്ക്ക് കുടപിടിക്കുകയാണ്. പാവപ്പെട്ടവരെ നികുതി ഭാരം അടിച്ചേല്പ്പിച്ച് പിഴിയുന്ന ധനവകുപ്പ് കള്ളപ്പണക്കാര്ക്കും അഴിമതിക്കാര്ക്കും വഴിവിട്ട സഹായമാണ് ചെയ്യുന്നത്. മുഖ്യമന്ത്രിയെ ന്യായീകരിക്കാന് ശ്രമിച്ച് സര്ക്കാര് കൂടുതല് കുടുക്കിലേക്കാണ് പോവുന്നത്. ജനം വെള്ളക്കെട്ടില് വലയുമ്പോള് സര്ക്കാര് കോടികള് ധൂര്ത്തടിച്ച് കേരളീയം നടത്തുകയാണ്. കെഎസ്ആര്ടിസി ജീവനക്കാര്ക്ക് ശമ്പളം നല്കുന്നതിലല്ല, മുഖ്യമന്ത്രിയുടെ പേരില് രാജ്യാന്തര ടെന്നീസ് ടൂര്ണമെന്റ് നടത്തുന്നതിലാണ് സര്ക്കാരിന് താല്പര്യം' - കെ.സുരേന്ദ്രന് പറഞ്ഞു.
https://www.facebook.com/Malayalivartha
