ഇടുക്കിയില് കനത്ത മഴയെത്തുടര്ന്ന് കല്ലാര് ഡാമിന്റെ രണ്ടു ഷട്ടറുകള് തുറന്നു... ഇടുക്കി ജില്ലയില് ഇന്ന് യെല്ലോ അലര്ട്ട്
ഇടുക്കിയില് കനത്ത മഴയെത്തുടര്ന്ന് കല്ലാര് ഡാമിന്റെ രണ്ടു ഷട്ടറുകള് തുറന്നു. ഡാമിന്റെ വൃഷ്ടി പ്രദേശങ്ങളില് ശക്തമായ മഴയായതിനാലും ഡാമിലെ ജലനിരപ്പ് ഉയരുന്നതിനാലും മുന്കരുതല് എന്ന നിലയില് ഡാമിന്റെ 2 ഷട്ടറുകള് 10 സെന്റിമീറ്റര് വീതം ഉയര്ത്തി 10 ക്യൂമെക്സ് ജലമാണ് പുറത്തേക്കു വിടുന്നത്. ചിന്നാര് പുഴയുടെ ഇരുകരകളില് താമസിക്കുന്നവരും പ്രദേശവാസികളും ജാഗ്രത പാലിക്കണമെന്ന് ജില്ലാ ഭരണകൂടം .
ഇടുക്കി ജില്ലയില് ഇന്ന് യെല്ലോ അലര്ട്ട് . പാംബ്ല ഡാമിന്റെ ഷട്ടറുകളും ആവശ്യാനുസരണം തുറക്കാന് അനുമതി നല്കി. ഡാമിന്റെ വൃഷ്ടിപ്രദേശങ്ങളില് തുടര്ച്ചയായി മഴ പെയ്യുന്നതും ഡാമിലെ ജലനിരപ്പ് റെഡ് അലര്ട്ട് ലെവലില് എത്തിയ സാഹചര്യത്തിലുമാണിത്.
ഡാമിന്റെ ഷട്ടറുകള് ആവശ്യാനുസരണം ഉയര്ത്തി 500 ക്യൂമെക്സ് വരെ ജലം ഒഴുക്കാനാണ് അനുമതി. ഈ സാഹചര്യത്തില് പെരിയാര് നദിയുടെ തീരത്തുള്ളവര് ജാഗ്രത പാലിക്കണമെന്നും നിര്ദ്ദേശം.
മുല്ലപ്പെരിയാര് അണക്കെട്ടിലെ ജലനിരപ്പ് 123.75 അടിയിലെത്തി. കഴിഞ്ഞ ദിവസങ്ങളില് അണക്കെട്ടിന്റെ വൃഷ്ടി പ്രദേശത്തു പെയ്ത മഴയാണ് ജലനിരപ്പ് ഉയരാന് കാരണം.
https://www.facebook.com/Malayalivartha
