കോഴിക്കോട് ചുംബനസമരക്കാരും ഹനുമാന്‍ സേന പ്രവര്‍ത്തകരും തമ്മില്‍ ഏറ്റുമുട്ടി. ഞാറ്റുവേല എന്ന സംഘടന നടത്തുന്ന ചുംബനസമരത്തെച്ചൊല്ലിയാണ് പ്രശ്‌നം. കിഡ്‌സണ്‍ സ്‌ക്വയറില്‍ സംഘടിച്ച ഇരുകൂട്ടരെയും പിരിച്ചുവിടാന്‍ പൊലീസ് ലാത്തിവീശി.
സവര്‍ണഫാസിസത്തിനെതിരേ ചുംബനത്തെരുവ് എന്ന പ്രഖ്യാപനവുമായി രാവിലെ ഒമ്പതുമണിക്ക് തന്നെ കോഴിക്കോട് പബ്ലിക് ലൈബ്രറി പരിസരത്താണ് ചുംബനസമരക്കാര്‍ എത്തിയിരുന്നു.
തുടര്‍ന്ന് ഹനുമാന്‍ സേന പ്രവര്‍ത്തകരും ചുംബനസമരക്കാരും തമ്മില്‍ വാക്കേറ്റവും ഉന്തുതള്ളും നടന്നത്. പരിപാടി നടത്താന്‍ അനുവദിക്കില്ലെന്ന നിലപാടില്‍ തന്നെയായിരുന്നു ഹനുമാന്‍സേന. കോഴിക്കോട് സാംസ്‌ക്കാരിക നഗരമാണെന്നും അവിടെ ഇത്തരത്തിലുള്ള ചുംബനസമരപരിപാടികള്‍ നടക്കില്ലെന്നും ഹനുമാന്‍ സേന പ്രവര്‍ത്തകര്‍ പറഞ്ഞു. തുടര്‍ന്ന് ഇരുവിഭാഗങ്ങളും തമ്മില്‍ ഏറ്റുമുട്ടി. സംഘര്‍ഷത്തെ തുടര്‍ന്ന് പോലീസ് സ്ഥലത്തെത്തി ഇരുവിഭാഗക്കാരെയും അറസ്റ്റ് ചെയ്ത് നീക്കുകയായിരുന്നു.
സവര്‍ണ ഫാസിസത്തിനെതിരേ മുദ്രാവാക്യമുയര്‍ത്തി ഞാറ്റുവേല എന്ന സംഘടനയാണ് ചുംബനതെരുവ് സംഘടിപ്പിച്ചത്.
ചുംബനതെരുവിനെതിരെ രംഗത്തെത്തുമെന്ന് നേരത്തെ തന്നെ ഹനുമാന്‍ സേന വ്യക്തമാക്കിയിരുന്നു.
ആദ്യതവണത്തെ ചുംബനസമരക്കാരുമായി യാതൊരു ബന്ധവുമില്ലെന്നു പ്രഖ്യാപിച്ചാണു ഞാറ്റുവേല സാംസ്‌കാരിക പ്രവര്‍ത്തകസംഘം പ്രതിഷേധത്തിനൊരുങ്ങിയത്.
ബ്രാഹ്മണ്യത്തിനും ജാതിവ്യവസ്ഥയ്ക്കുമെതിരേ കലാവിഷ്‌കാരങ്ങളും സാംസ്‌കാരിക പ്രവര്‍ത്തനങ്ങളുമായി ഞാറ്റുവേല നടത്തുന്ന തെരുവരങ്ങുകളുടെ ഭാഗമായാണ് ചുംബനസമരം കോഴിക്കോട് സംഘടിപ്പിച്ചിരുന്നത്.
കൊച്ചിയില്‍ പ്രതീകാത്മകമായി നടത്തിയ കെട്ടുതാലി ചുട്ടരിക്കല്‍ സമരത്തിന്റെ തുടര്‍ച്ചയായി കെട്ടുതാലി അറുത്തെറിഞ്ഞാണു ഇന്നത്തെ സമരം.
പരിപാടി സോഷ്യല്‍ മീഡിയയിലൂടെ പ്രഖ്യാപിച്ചതുമുതല്‍ വ്യാപക എതിര്‍പ്പുകളുയരുന്നുണ്ട്. പരിപാടിക്കുനേരേ ബോംബെറിയുമെന്ന് ഹനുമാന്‍സേനയുടെ ഭീഷണി ഉണ്ടായിരുന്നതായി ഞാറ്റുവേല സംഘാടകര്‍ ആരോപിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha