മുഖ്യമന്ത്രിയുടെ നിലപാട് തള്ളി സരിത: പണത്തെ കുറിച്ച് അറിവില്ലെങ്കില് ചോദിക്കുമോ?
ഉമ്മന്ചാണ്ടിയുമായി 3 വര്ഷത്തെ ബന്ധം. പല തവണ വീട്ടിലും ആഫീസിലും പോയിക്കണ്ടിട്ടുണ്ട്, ശ്രീധരന് നായര്ക്കൊപ്പം സെക്രട്ടേറിയറ്റില് എത്തി മുഖ്യമന്ത്രിയെ കണ്ടിരുന്നു. മുഖ്യമന്ത്രിയുടെ ഉറപ്പിന്റെ അടിസ്ഥാനത്തിലാണ് ശ്രീധരന് നായര് പദ്ധതിയില് പങ്കാളിയായതെന്നും സരിത വീണ്ടും ഞെട്ടിക്കുന്ന വെളിപ്പെടുത്തലുമായി സരിത.സോളാര് കേസില് പ്രതി സരിതയുമായി ബന്ധമില്ലെന്നും പണം വാങ്ങിയിട്ടില്ലെന്നുമുള്ള മുഖ്യമന്ത്രി ഉമ്മന് ചാണ്ടിയുടെ നിലപാടിനെ തെളിവു സഹിതം തള്ളി സരിത. മുഖ്യമന്ത്രിക്കു വേണ്ടി തോമസ് കുരുവിളയ്ക്ക് രണ്ടു തവണ പണം നല്കി. തന്റെ നേരിട്ടുള്ള ഇടപാടിലാണ് പണം നല്കിയത്. മുഖ്യമന്ത്രി പറയുന്നത് പോലെ കടപ്ലാമറ്റത്തുവച്ചല്ല ആദ്യം കാണുന്നത്. അതിനും ഒരു വര്ഷം മുന്പ് ബന്ധമുണ്ട്. ക്ലിഫ് ഹൗസിലെ ലാന്ഡ് ഫോണില് രാവിലെ ആറു മുതല് ഏഴു വരെ വിളിക്കാന് അവസരം നല്കിയിരുന്നു.
ഡല്ഹിയില് വച്ചുകണ്ടപ്പോള് പണത്തിന്റെ കാര്യം എന്തായി എന്നു ചോദിക്കണമെങ്കില് അദ്ദേഹത്തിന് പണത്തേക്കുറിച്ച് അറിവില്ലെന്ന് പറയാന് കഴിയുമോ? ദുരിതാശ്വാസ നിധിയിലേക്ക് നല്കിയ രണ്ടു ലക്ഷത്തിന്റെ ചെക്ക് മടങ്ങിയത് തന്റെ പേരിലുള്ളതാണ്. തന്റെ അക്കൗണ്ടില് അത്രയും തുകയില്ലായിരുന്നു. എന്നാല് കമ്പനിയുടെ അക്കൗണ്ട് ബിജു രാധാകൃഷ്ണന്റെ പേരിലാണെന്നും സരിത പറഞ്ഞു.
ടി.സി മാത്യൂ തനിക്കെതിരെ പരാതി നല്കിയപ്പോള് അദ്ദേഹം തന്നെയാണ് അക്കാര്യം തന്നെ വിളിച്ചറിയിച്ചത്. ഒപ്പമുണ്ടായിരുന്ന ഒരു പോലീസുകാരന്റെ് ഫോണില് നിന്നാണ് അദ്ദേഹം വിളിച്ചത്.
രണ്ടു വര്ഷമായി നഷ്ടപ്പെട്ട പണത്തിനായി കാത്തിരിക്കുകയായിരുന്നു താന്. അത് തന്റേതോ ബിജുവിന്റേതോ അല്ല. പദ്ധതിയില് നിക്ഷേപിച്ചവരുടെ പണമാണ്. ജയിലില് നിന്ന് ഇറങ്ങി രണ്ടു വര്ഷം കഴിഞ്ഞിട്ടും പണം തിരിച്ചുനല്കാന് ആരും തയ്യാറായില്ല. അവര് പണം നല്കിയാല് ഇടപാടുകാരുടെ പണം മടക്കി നല്കി കേസ് തീര്ക്കാം. തനിക്കുമൊരു കുടുംബമുണ്ട്. ഈ സര്ക്കാരിനെയോ മന്ത്രിമാരെയോ പ്രതിസന്ധിയിലാക്കാന് തനിക്ക് താല്പര്യമില്ല. ഇത്രയധികം താന് സംരക്ഷിച്ചിട്ടും കോണ്ഗ്രസുകാര് തന്നെ തെരുവു വേശ്യയ്ക്ക് തുല്യം ചവിട്ടുത്തേച്ചു. ഇനി ഇവരെ സംരക്ഷിച്ചിട്ടു കാര്യമില്ലെന്നു താന് തന്നെ തീരുമാനിക്കുകയായിരുന്നുവെന്നും അവര് പറഞ്ഞു.
കോണ്ഗ്രസുകാര് ചാനലുകളിലൂടെ തന്നെ തെരുവ് വേശ്യയായി ചിത്രീകരിക്കാന് ശ്രമിച്ചതായി സോളാര് പ്രതി സരിത എസ്. നായര്. താന് മാത്രമാണ് എല്ലായ്പ്പോഴും ക്രൂശിക്കപ്പെടുന്നതെന്നും സോളാര് കമ്മീഷനില് മൊഴി നല്കിയശേഷം പുറത്തിറങ്ങവേ സരിത മാധ്യമങ്ങളോടു പറഞ്ഞു. സോളാര് കമ്മീഷനിലെ വെളിപ്പെടുത്തലുകളില് പൊരുത്തക്കേടുകള് തോന്നിയാല് ആര്ക്കു ചോദ്യം ചെയ്യാം. ആവശ്യപ്പെടുന്ന രേഖകളും സമര്പ്പിക്കാന് തയാറാണെന്നു സരിത പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
